नागपूर बाजारात गव्हाचे दर २७०० रुपये क्‍विंटल

गहू
गहू

नागपूर ः कळमणा बाजार समितीत गव्हाची आवक होत असून, शरबती गव्हाचे दर २२०० ते २७०० रुपये प्रति क्‍विंटलवर स्थिरावले आहेत. या दरात वाढ होण्याची शक्‍यता तूर्तास नसल्याचे व्यापारी सूत्रांनी सांगितले. गव्हाची सरासरी आवक १५० ते २०० क्‍विंटलच्या घरात आहे.  बाजार समितीत गहू, तांदूळ, सोयाबीनची आवक होत आहे. ज्वारीची सरासरी ८ ते ९ क्‍विंटल आवक असून, दर १७०० ते २००० रुपये क्‍विंटलचे आहेत. गेल्या आठवड्यात दर १६०० ते २००० रुपये क्‍विंटल होते. त्यात १०० रुपयांची वाढ नोंदविली गेली आहे. तांदळाची १५० ते १९० क्‍विंटल आवक आहे. लुचई तांदळाची २०० ते २१५ क्‍विंटलची आवक असून, २२०० ते २४०० रुपये क्‍विंटलचा दर लुचई तांदळाला मिळत आहे. हरभरा दरात थोडीशी सुधारणा होत आहे. गेल्या आठवड्यात हरभरा दर ३८२४ रुपये क्‍विंटल होते. त्यात अल्प वाढ होत हे दर ३१०० ते ३९७२ रुपये क्‍विंटलवर पोचले. त्यात आणखी सुधारणा शक्‍य नसल्याचे व्यापाऱ्यांनी सांगितले. बाजारात हरभऱ्याची आवक ४५० क्‍विंटलच्या आसपास आहे. बाजारात तुरीची १००० क्‍विंटलपेक्षा अधिकची आवक नोंदविली जात आहे. तुरीचे दर ३९०० ते ४५७६ रुपये क्‍विंटल असे आहेत. तिळाची आवक ४ क्‍विंटल तर दर ५३०० ते ५५०० रुपये क्‍विंटल असे होते. मोठ्या आकाराच्या संत्रा फळांची आवक बाजारात सुरूच आहे. संत्रा फळांना २५०० ते ३००० रुपये क्‍विंटलचा दर मिळत असून, आवक १४०० ते १७०० क्‍विंटलच्या आसपास आहे. संत्रा फळांच्या दरात आठवडाभरात चांगलीच सुधारणा झाली आहे. मोसंबी फळांची देखील आवक बाजारात होत असून, मोठ्या आकाराच्या फळांना २४०० ते २८०० रुपये क्‍विंटलचा दर असून, आवक ८०० क्‍विंटलच्या घरात आहे. सोयाबीन दर स्थिर वाशीम बाजारात सोयाबीनने ४००० रुपये क्‍विंटलचा पल्ला गाठला होता. आजच्या घडीला वाशीम बाजार समितीत सोयाबीन ३६०० ते ३७०० रुपये क्‍विंटलवर स्थिरावले आहे. विदर्भाच्या उर्वरित बाजार समित्यांमध्ये सोयाबीन ३२०० ते ३५०० रुपये क्‍विंटल आहे. नागपूर बाजार समितीत ३५५० रुपये क्‍विंटलने सोयाबीनचे व्यवहार होत आहेत. सोयाबीनची आवक ९५० क्‍विंटलच्या आसपास आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com