agriculture news in marathi, wheat arrival increase in market committee, jalgaon, maharashtra | Agrowon

जळगाव जिल्ह्यात गव्हाची आवक वाढतेय
टीम अॅग्रोवन
गुरुवार, 22 मार्च 2018
जळगाव ः जिल्ह्यातील प्रमुख कृषी उत्पन्न बाजार समित्यांमध्ये गव्हाची आवक वाढत आहे. दर स्थिर असून, सर्वाधिक आवक चोपडा बाजार समितीमध्ये होत आहे. १२५० ते १५०० रुपये प्रतिक्विंटल असा दर लोकवन गव्हाला आहे.
 
जळगाव ः जिल्ह्यातील प्रमुख कृषी उत्पन्न बाजार समित्यांमध्ये गव्हाची आवक वाढत आहे. दर स्थिर असून, सर्वाधिक आवक चोपडा बाजार समितीमध्ये होत आहे. १२५० ते १५०० रुपये प्रतिक्विंटल असा दर लोकवन गव्हाला आहे.
 
यंदा गव्हाची सरासरी क्षेत्रावर पेरणी झाली होती. पेरणीचे क्षेत्र तापी काठावरील चोपडा, यावल, रावेर या भागात अधिक होते. मुक्ताईनगर, जळगाव, पाचोरा भागातही बऱ्यापैकी पेरणी यंदा झाली होती. क्षेत्र २३ हजार हेक्‍टरपर्यंत होते. गहू उत्पादनही एकरी १० क्विंटलपर्यंत येत आहे. काळ्या कसदार जमिनीमध्ये अधिकचे उत्पादन येत असून, हलक्‍या, खडीमिश्रित जमिनीत एकरी सात क्विंटलपर्यंत उत्पादन मिळत असल्याची माहिती मिळाली. 
 
गव्हाची मळणी अजूनही अनेक भागात सुरू आहे. दिवाळीनंतर पेरणी केलेल्या गव्हाची मळणी पूर्ण झाली आहे. परंतु डिसेंबरमध्ये पेरणी केलेल्या गव्हाची मळणी अजून झालेली नाही. परंतु जिल्हाभरातील बहुतांश क्षेत्रावरील गहू मळणीवर आला आहे. काही ठिकाणी कापणी पूर्ण झाली असून, गव्हाचे ढीग लावले आहेत. मागील १८ ते २० दिवस जिल्ह्यात ढगाळ वातावरण होते. त्यामुळे काही शेतकऱ्यांनी कापणी केली नाही.
 
कापणीनंतर पाऊस आला तर अधिक नुकसानीची भीती शेतकऱ्यांना होती. अशातच कापणी रखडली. बुधवारी (ता. २१) वातावरण निरभ्र असल्याने कापणी व मळणीची कामे गतीने सुरू झाली. अनेक शेतकऱ्यांनी मळणी केल्याने बाजार समितीमध्येही आवक वाढली आहे.
 
चोपडा बाजार समितीमध्ये चुकारे मिळण्याची पद्धत सुकर असल्याने शेतकरी या बाजार समितीमध्ये गहू नेत आहेत. जळगाव व धरणगावचे शेतकरीदेखील चोपडा बाजार समितीत गहू नेत आहेत. अमळनेर व पाचोरा बाजार समितीमध्येही चांगली आवक सुरू असून, या तिन्ही बाजार समित्यांमध्ये रोज मिळून दोन हजार क्विंटल गव्हाची आवक होत आहे.
 
रावेर व मुक्ताईनगरमधील काही शेतकऱ्यांचा गहू बऱ्हाणपूर (मध्य प्रदेश) येथील व्यापाऱ्यांनी जागेवरच खरेदी केला आहे. लोकवन प्रकारच्या गव्हास तेथील व्यापाऱ्यांनी १२०० ते १४०० रुपये क्विंटलचा दर दिला आहे. गव्हाची मागणी बरी असल्याने लिलावही हातोहात होत आहेत. दर स्थिर असून, मार्चअखेरीमुळे चाकरमानी दादरप्रमाणेच गव्हाचीदेखील वर्षभरासाठी खरेदी करून घेत आहेत. त्यामुळे दर्जेदार गव्हाला चांगली मागणी आहे.

इतर ताज्या घडामोडी
राज्यातील चौदा मतदारसंघांत आज मतदानमुंबई   ः लोकसभा निवडणुकीच्या तिसऱ्या...
स्थानिक घटकांपासून नावीन्यपूर्ण सौर...तीव्र थंडीच्या स्थितीमध्ये वापरण्यायोग्य सौर...
जळगावात हरभऱ्याची ऑनलाइन नोंदणी आज बंदजळगाव : जिल्ह्यात शासकीय हरभरा खरेदीसाठी अजून...
रावेर, जळगावसाठी आज मतदानजळगाव : लोकसभा निवडणुकीच्या जळगाव व रावेर...
वाळूउपशामुळे विहिरींच्या पाणीपातळीत घटनाशिक : बागलाण तालुक्यातील ताहाराबाद ...
नांदेड जिल्ह्यात अडीच हजार कोटींचे...नांदेड ः नांदेड जिल्ह्यातील विविध बॅंकांना २०१९-...
राज्याचे एक थेंबही पाणी गुजरातला देऊ...नाशिक  : ‘‘पंतप्रधान नरेंद्र मोदी...
धर्मराजाचा कडाही यंदा आटलामाजलगाव, जि. बीड : माजलगाव धरणालगतच असलेला...
लक्षवेधी माढ्यासाठी आज मतदानसोलापूर  : अत्यंत प्रतिष्ठेच्या ठरलेल्या...
जळगाव बाजारात केळी दरात सुधारणाजळगाव ः जिल्ह्यात मुक्ताईनगर व रावेरात दर्जेदार...
नगरमध्ये प्रशासन गुंतले निवडणुकीत,...नगर  : दुष्काळात जनावरे जगविण्यासाठी चारा...
पुणे विभागात तेरा हजार हेक्टरवर चारा...पुणे : पाणीटंचाईमुळे चाऱ्याची चांगलीच टंचाई...
पुणे जिल्ह्यात पाणीटंचाईमुळे फळबागा...पुणे  ः कमी झालेल्या पावसामुळे जिल्ह्यातील...
नगर लोकसभा मतदारसंघात आज मतदाननगर : नगर लोकसभा मतदारसंघासाठी आज (मंगळवारी) २०३०...
यवतमाळ जिल्ह्यात दोन लाख टन खतांची मागणीयवतमाळ  : येत्या खरीप हंगामासाठी कृषी...
यवतमाळ जिल्ह्यात होणार ६६४ विहिरींचे...यवतमाळ  ः जिल्ह्यात दिवसेंदिवस गंभीर होत...
कळमणा बाजारात तुरीच्या दरात सुधारणानागपूर ः कळमणा बाजार समितीत तुरीची आवक...
अमरावतीतील दहा हजारांवर शेतकऱ्यांचे... अमरावती  ः निसर्गाचा लहरीपणामुळे शेतकरी...
शरद जोशीप्रणीत शेतकरी संघटनेच्या...जळगाव   ः लोकसभा निवडणुकीसाठी नाशिक...
शेतकरी आणि व्यापाऱ्यांमधील ...नाशिक  : कृषी अर्थव्यवस्था बळकट करण्यासाठी...