agriculture news in marathi, wheat crop area decrease in pune region, maharashtra | Agrowon

पुणे विभागात गव्हाची अवघी १० टक्के पेरणी
टीम अॅग्रोवन
गुरुवार, 6 डिसेंबर 2018

पुणे   ः जमिनीत ओल नसल्याने रब्बी हंगामातील गव्हाच्या पेरण्या खोळंबल्या आहेत. पुणे विभागात पाण्याची सुविधा असलेल्या काही ठिकाणी पेरण्या सुरू आहेत. विभागात गव्हाचे सरासरी क्षेत्र एक लाख ५४ हजार ८४२ हेक्टर आहे. त्यापैकी १५ हजार ८२४ हेक्टरवर म्हणजेच अवघ्या दहा टक्के क्षेत्रावर पेरण्या झाल्याचे कृषी विभागाच्या सूत्रांनी सांगितले.

पुणे   ः जमिनीत ओल नसल्याने रब्बी हंगामातील गव्हाच्या पेरण्या खोळंबल्या आहेत. पुणे विभागात पाण्याची सुविधा असलेल्या काही ठिकाणी पेरण्या सुरू आहेत. विभागात गव्हाचे सरासरी क्षेत्र एक लाख ५४ हजार ८४२ हेक्टर आहे. त्यापैकी १५ हजार ८२४ हेक्टरवर म्हणजेच अवघ्या दहा टक्के क्षेत्रावर पेरण्या झाल्याचे कृषी विभागाच्या सूत्रांनी सांगितले.

यंदा जून महिन्यापासून पावसाचे प्रमाण अत्यंत कमी राहिले. पुणे जिल्ह्यातील मावळ, मुळशी, भोर, वेल्हा, नगर जिल्ह्यांतील संगमनेर, अकोले या तालुक्यांत बऱ्यापैकी पाऊस झाला. त्यामुळे धरणांतील पाणीसाठ्यात काही प्रमाणात वाढ झाली होती. परंतु परतीचा पाऊस पुरेशा प्रमाणात न झाल्याने भूजल पातळीत वाढ झाली नाही. परिणामी पुणे विभागातील बहुतांशी तालुक्यांत आॅक्टोबरपासूनच टँकरने पाणीपुरवठा सुरू झाला आहे. आगामी काळात भीषण पाणीटंचाई उद्भवण्याची शक्यता आहे. पुढील काळातील पाणीटंचाई गृहीत धरून शेतकरी पेरण्या न करण्याची सावध भूमिका घेत आहे. त्याचा उत्पादनावर मोठा परिणाम होण्याची शक्यता आहे.

नगर जिल्ह्यातील राहाता, श्रीरामपूर, कोपरगाव, अकोले, संगमनेर, राहुरी, नेवासा, शेवगाव, पाथर्डी, नगर या तालुक्यांत अत्यंत कमी क्षेत्रावर गव्हाची पेरणी झाली आहे. पारनेर, श्रीगोंदा, कर्जत, जामखेड या तालुक्यात अपेक्षित पेरणी झालेली नाही. राहाता तालुक्यात सुमारे दीड हजार हेक्टरवर पेरणी झाली आहे.

पुणे जिल्ह्यातील जुन्नर, हवेली, वेल्हे, इंदापूर, पुरंदर, बारामती, आंबेगाव, मुळशी या तालुक्यांत गव्हाची अत्यल्प पेरणी झाली आहे. भोर, मावळ, खेड, शिरूर, दौंड तालुक्यांत अजूनही पेरणी झालेली नाही. सोलापूर जिल्ह्यातील उत्तर, दक्षिण सोलापूर, बार्शी, अक्कलकोट, मोहोळ, मंगळवेढा तालुक्यात अल्प प्रमाणात पेरणी झाली आहे. करमाळा, पंढरपूर, सांगोला, माढा, माळशिरस ही तालुके गव्हाच्या पेरणीपासून दूर आहेत.

 

जिल्हानिहाय झालेली गव्हाची पेरणी (हेक्टर)
जिल्हा सरासरी क्षेत्र पेरणी झालेले क्षेत्र टक्केवारी
नगर ४९,७८५ ५२४२ ११
पुणे ६३,८५४ ५०२१
सोलापूर ४१,२०३ ५५६१ १३
एकूण १,५४,८४२ १५,८२४ १०

 

इतर ताज्या घडामोडी
फळबाग लागवड योजनेवर ग्रामसेवकांचा...चिपळूण, जि. रत्नागिरी ः महाराष्ट्र ग्रामसेवक...
‘रिसॅट-२ बी'चे उपग्रहाचे यशस्वी...श्रीहरीकोट : भारतीय अंतराळ संशोधन संस्थेने (इस्रो...
‘कृष्णामाई’चा कर्नाटकातील काठ तहानला;...कोल्हापूर : कृष्णा नदीवर अवलंबून असणाऱ्या कर्नाटक...
जळगावात लिंबू २२०० ते ५००० रुपये...जळगाव  : कृषी उत्पन्न बाजार समितीमध्ये...
देशभरात ७२४ महिला उमेदवारांचे भवितव्य...नवी दिल्ली : देशात नुकत्याच झालेल्या लोकसभा...
गारपिटीनंतर द्राक्ष बागेची अधिक काळजी...द्राक्ष बागेमध्ये वाढीच्या विविध अवस्थेमध्ये...
अमरावती : नाफेडने अचानक केली तूरखरेदी...अमरावती : ऑनलाइन नोंदणी केलेल्या दहा टक्‍के...
बुलडाणा जिल्ह्यात भीषण पाणीटंचाईबुलडाणा ः गेल्या काही वर्षांत पहिल्यांदाच...
दुष्काळात संत्रा बागेला टँकरच्या...अकोला ः दुष्काळी परिस्थितीने शेतकऱ्याला चौफेर...
खानदेशात सौर कृषिपंप योजनेतून लवकरच पंप...जळगाव ः सौर कृषिपंपासाठी खानदेशातून ८ हजार ९५०...
मिरज, तासगावसह सिंधुदुर्गात पाऊससिंधुदुर्ग, सांगली : विजांच्या कडकडाटांसह...
मराठवाड्यात नवीन खासदारांबाबत उत्कंठानांदेड : मराठवाड्यातील आठ लोकसभा मतदारसंघांतील...
कोल्हापूर, सांगलीत निकालाची उत्सुकता...सांगली : लोकसभा निवडणुकीची मतमोजणी गुरुवारी (ता....
सोलापूर, माढ्याच्या निकालाकडे देशाचे...सोलापूर : अत्यंत प्रतिष्ठेच्या ठरलेल्या...
परभणी जिल्ह्यातील ग्रामीण भागात ७५...परभणी : जिल्ह्याच्या ग्रामीण भागात पाणीटंचाईचे...
यसनी तोडून पुढे या : रमेश घोलपसोलापूर  : "परिस्थितीने बांधलेल्या यसनी तोडत...
पुणे विभागासाठी साडेपाच कोटींवर वृक्ष...पुणे  ः पर्यावरणाचे संतुलन अबाधित...
सोयाबीन उत्पादकांना पीकविम्याची रक्कम...मुंबई  : शासनाच्या विशेषतः कृषी विभागाच्या...
आमदार निधीतून दुष्काळग्रस्त भागासाठी...मुंबई  ः दुष्काळग्रस्त भागातील जनतेला आमदार...
साडेचौदा टन केशर, बदामी आंबा...मुंबई : वातावरण नियंत्रित करून फळाचे...