पीकविम्याची रक्कम कधी मिळणार?

हमीभावाच्या तूर, हरभरा साठवणुकीचा प्रश्न गंभीर
हमीभावाच्या तूर, हरभरा साठवणुकीचा प्रश्न गंभीर

सांगली ः गतवर्षी पंतप्रधान हवामानावर आधारित पीकविमा योजनेची नुकसानभरपाई तीन महिन्यांपासून मिळालेली नाही. एक लाख सोळा हजार ५२४ शेतकऱ्यांनी ३ कोटी ३९ लाख ९४ हजारांचा हप्ता भरला होता. त्यापैकी किती शेतकऱ्यांना विम्याची रक्कम मिळणार, याबाबतही विमा कंपनीकडून माहिती जिल्हा बॅंकेला देण्यात आलेली नाही. खरिपाच्या तोंडावर भरपाई मिळाली नसल्याने शेतकऱ्यांची कोंडी झाली. पीकविमा कधी मिळणार, असा सवाल शेतकरी करीत आहेत.

जिल्ह्यात १ लाख १६ हजार ५२४ शेतकऱ्यांनी ‘प्रधानमंत्री पीक विमा‘ योजनेंतर्गत सन २०१७ च्या खरीप पिकाचा विमा उतरविला आहे. ७० हजार ६७२ हेक्‍टर क्षेत्रावरील पीकविमा संरक्षित केलेले आहे. विमासंरक्षित रक्कम २९० कोटी ७० लाख रुपयांपर्यंत निर्धारित केलेली होती; पण प्रत्यक्षात सहभागी झालेले शेतकरी व उतरविलेला विमा पाहता, विमासंरक्षित रक्कम १६९ कोटी ९६ लाख रुपये आहे. विमा योजनेत सहभागी शेतकऱ्यांमध्ये जत, तासगाव आणि कवठेमहांकाळ तालुक्‍यातील शेतकऱ्यांचे प्रमाण अधिक आहे. दरम्यान, भरपाईच्या रकमेकडे शेतकऱ्यांचे लक्ष लागले आहे. खरीप २०१८ च्या खर्चासाठी ही रक्कम शेतकऱ्यांना उपयोगी पडणार आहे. मुख्यमंत्री देवेंद्र फडणवीस यांनी

शेतकऱ्यांना नुकसान भरपाईची रक्कम ७ जूनपूर्वी देण्यात यावी, अशा सूचना विमा कंपन्यांना केल्या आहेत. मात्र, विमा कंपन्यांकडून नुकसान भरपाईसाठी पात्र शेतकऱ्यांची यादीही बॅंकेला पाठवलेली नाही. त्यामुळे वेळेत भरपाई मिळणार का, याबाबत संभ्रम आहे.

शासन हिस्सा २९.४४ कोटी; शेतकरी हिस्सा ३.३९ कोटी विमा हप्त्यापोटी शासन व शेतकरी हिश्‍श्‍याची रक्कम ३२ कोटी ८४ लाख १५ हजार ६१४ रुपये आहे. यामध्ये केंद्र शासन हिस्सा १४ कोटी ७२ लाख १० हजार ७४२ रुपये व राज्य शासन हिस्सा १४ कोटी ७२ लाख १० हजार ७४२ रुपये आहे. शेतकऱ्यांनी भरलेल्या विमा हप्त्याची रक्कम ३ कोटी ३९ लाख ९४ हजार १२५ रुपये आहे. विमा हप्त्याची रक्कम विमा कंपनीला भरलेली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com