agriculture news in marathi, When was the festival of literature distributed to Bhajni Mandals in Jalgaon district? | Agrowon

जळगाव जिल्ह्यातील भजनी मंडळांना साहित्य वितरणाचा मुहूर्त कधी?
टीम अॅग्रोवन
शनिवार, 30 जून 2018

जळगाव : जिल्ह्यातील भजनी मंडळांना १०० टक्के अनुदानावर भजने, कीर्तन यासंबंधी आवश्‍यक वाद्य, साहित्य याबाबतचे वितरण अजूनही झालेले नाही. अनेक भजनी मंडळांच्या सदस्यांनी साहित्य मिळावे, यासाठी जिल्हा परिषदेतील पदाधिकारी, प्रशासनातील अधिकारी यांना साकडे घातले; परंतु त्यांची दखल घेतली नाही. यंदाही या योजनेसंबंधीची निविदा प्रक्रिया सुरू झालेली नाही. तसेच दिव्यांग व्यक्तींना घरबसल्या रोजगार मिळावा, त्यांना वित्तीय स्राेत असावा, यासाठी वितरित केल्या जाणाऱ्या झेरॉक्‍स मशिनची योजनाही गुंडाळली आहे.

जळगाव : जिल्ह्यातील भजनी मंडळांना १०० टक्के अनुदानावर भजने, कीर्तन यासंबंधी आवश्‍यक वाद्य, साहित्य याबाबतचे वितरण अजूनही झालेले नाही. अनेक भजनी मंडळांच्या सदस्यांनी साहित्य मिळावे, यासाठी जिल्हा परिषदेतील पदाधिकारी, प्रशासनातील अधिकारी यांना साकडे घातले; परंतु त्यांची दखल घेतली नाही. यंदाही या योजनेसंबंधीची निविदा प्रक्रिया सुरू झालेली नाही. तसेच दिव्यांग व्यक्तींना घरबसल्या रोजगार मिळावा, त्यांना वित्तीय स्राेत असावा, यासाठी वितरित केल्या जाणाऱ्या झेरॉक्‍स मशिनची योजनाही गुंडाळली आहे.

वारकरी सांप्रदायाला मदत, प्रोत्साहन म्हणून भजनी मंडळांना विविध साहित्य खरेदीसाठी जिल्हा परिषद व राज्य शासनाच्या समाज कल्याण विभागातर्फे साहित्याचे वितरण केले जाते. शंभर टक्के अनुदान त्यासाठी मंजूर असते.

जिल्हा परिषदेच्या स्वनिधीतून मागील वित्तीय वर्षात भजनी मंडळांना साहित्य वितरणासंबंधी ४३ लाख रुपये निधीची तरतूद केली होती. यासंबंधी साहित्य पुरवठ्यासाठी निविदा प्रक्रिया जिल्हा परिषद प्रशासनाने राबविली.

त्याविषयी कार्यवाही अंतिम टप्प्यात आलेली असतानाच जिल्हा परिषदेत भाजपमधील गटबाजी उफाळली. समाज कल्याण सभापती भाजपचेच असताना जिल्हा परिषदेचे उपाध्यक्ष नंदकिशोर महाजन यांनी या निविदा प्रक्रियेची चौकशी करा, यासंदर्भात पारदर्शक कार्यवाही होत नसल्याची शंका उपस्थित करून तसे पत्र प्रशासनाला दिले होते. महाजन हेदेखील भाजपचे आहेत. नंतर शिवसेनेनेही या निविदा प्रक्रियेबाबत आक्षेप घेतला. ती एकतर्फी राबविली जात आहे. त्याबाबत न्यायालयात जाऊ, अशा इशारा शिवसेनेने दिला होता. यामुळे मागील वित्तीय वर्षात ही प्रक्रिया राबविता आली नाही. ४३ लाख रुपये निधी तसाच पडून आहे. दुसरे वित्तीय वर्ष (२०१८-१९) सुरू झाले आहे. या वर्षातही ही निविदा प्रक्रिया राबविण्यास सुरवात झालेली नाही. पालख्यांमध्ये सहभागी होऊन पंढरपूरकडे प्रस्थान करणाऱ्या भजनी मंडळांना प्रस्थान होण्यापूर्वी तरी साहित्य मिळेल, अशी अपेक्षा अनेक मंडळांना लागून होती. त्यासाठी काही मंडळांच्या सदस्यांनी जिल्हा परिषदेत येऊन सदस्य, पदाधिकारी यांची भेट घेतली. साहित्य लवकर मिळावे, अशी अपेक्षा व्यक्त केली, परंतु निविदाच राबविली गेली नाही. राज्य शासनाच्या समाज कल्याण विभागाकडूनही ही योजना प्रभावीपणे राबविली गेली नसल्याची माहिती मिळाली.

स्वनिधीतील तीन टक्के निधी समाज कल्याण योजनांसाठी राखीव असतो. त्यातून झेरॉक्‍स मशिनसंबंधीदेखील तरतूद केली जायची. शंभर टक्के अनुदान त्यासाठी होते; परंतु डीबीटीमुळे या योजनेला प्रतिसाद मिळाला नाही. म्हणून जिल्हा परिषदेच्या समाज कल्याण विभागाने २०१७-१८ या वित्तीय वर्षात ही योजना बंद केली. आता या वित्तीय वर्षातही या योजनेसंबंधी तरतूद केलेली नसल्याचे सदस्यांनी सांगितले.

इतर ताज्या घडामोडी
जळगावात दादरला ३१०० रुपयांपर्यंत दरजळगाव ः कृषी उत्पन्न बाजार समितीमध्ये दादरची (...
भारतीयांच्या पचनसंस्थेतील...भारतीय लोकांच्या पचनसंस्थेमध्ये कार्यरत...
अमरावती विभागाला पाणीटंचाईच्या झळाबुलडाणा : कमी पावसामुळे अमरावती विभागातील...
तूर विक्रीच्या नोंदणीकडे शेतकऱ्यांची...अकोला  : या हंगामात शेतकऱ्यांनी पिकविलेल्या...
शेतकरी, जवान अडचणीत : भुजबळनाशिक : सध्याच्या सरकारच्या काळात देशातील...
दुष्काळात खचू नका, शासन पाठीशी :...सोलापूर : दुष्काळी परिस्थितीमुळे पाणी,...
शेतकऱ्यांच्‍या थकवलेल्या पैशांची...पुणे ः शेतीमालाचा लिलाव झाल्यानंतर २४ तासांत पैसे...
नगर जिल्हा परिषदेचा यंदा ४४ कोटी...नगर : जिल्हा परिषदेत सोमवारी झालेल्या सर्वसाधारण...
नांदेड परिमंडळात सौर कृषिपंप योजनेसाठी...नांदेड ः मुख्यमंत्री सौर कृषिपंप योजनेअंतर्गत...
शेतीमाल तारण योजनेत ४०६ शेतकऱ्यांनी...औरंगाबाद : मराठवाड्यातील जालना, परभणी व हिंगोली...
ऊस उत्पादक शेतकरी देणार शहिदांच्या...कोल्हापूर : पुलवामा जिल्ह्यातील दहशतवादी हल्ल्यात...
तूर खरेदीतील अनागोंदीविरुद्ध आंदोलनअकोला  ः जिल्ह्यातील बार्शीटाकळी तालुक्यात...
'पुलवामा'चा सूत्रधार काश्‍मीरमध्येच?नवी दिल्ली : पुलवामामधील दहशतवादी हल्ल्याचा...
उन्हाळी पिकातील खतांचे व्यवस्थापनउन्हाळी हंगामात प्रामुख्याने भुईमूग, सूर्यफूल,...
केम प्रकल्पाला लागली भ्रष्टाचाराची वाळवीअमरावती : अंमलबजावणीपेक्षा गैरव्यवहार व...
‘पेंच’ लाभक्षेत्रातील शेतकऱ्यांना १३...नागपूर : मध्य प्रदेशातील चौराई प्रकल्पामुळे पेंच...
‘एसटी’साठी जागा आठ हजार अन्‌ अर्ज ४१...सोलापूर : राज्य परिवहन महामंडळात चालक व...
दररोजचा दोनशे टन द्राक्षपुरवठा ठप्पपिंपळगाव बसवंत, जि. नाशिक : जम्मू-काश्‍...
'देशात आयात होणाऱ्या सोयाबीनवर बंदी...पुणे : देशांतर्गत दर वाढत असल्याने...
बांबू उत्पादन, गुंतवणूक संधीसाठी...मुंबई : देशातील बांबू लागवडीला चालना देण्याबरोबरच...