agriculture news in marathi, whitegrum on crops, nagar, maharashtra | Agrowon

नगर जिल्ह्यात उसासह अन्य पिकांवरही ‘हुमणी’चा प्रादुर्भाव
टीम अॅग्रोवन
सोमवार, 8 ऑक्टोबर 2018

हुमणीचा प्रादुर्भाव फक्त उसावरच नाही तर अन्य पिकांवर झाला आहे. त्यामुळे अन्य पिके ही वाया जाण्याची शक्‍यता आहे. पाऊस नसलेल्या भागात याचा मोठा फटका बसत आहे. सरकारने आता याबाबत गांभीर्याने घ्यायला हवे.
- हरिभाऊ खेडकर, शेतकरी, भालगाव, ता. पाथर्डी.

नगर  ः सर्वच ठिकाणी ऊसपिकावर हुमणीचा प्रादुर्भाव झाला आहे. मात्र आता केवळ उसातच नाही, तर खरिपातील अन्य पिकांवरही हुमणीचा प्रादुर्भाव दिसून येत आहे. त्यामुळे शेतकरी हतबल झाले आहेत. असे असताना हुमणी नियंत्रणासाठी उपाययोजना करण्यासह अन्य बाबीत कृषी विभागाला गांभीर्य नसल्याचे दिसून येत आहे. हुमणीवर उपाययोजना करण्याबाबतच्या मार्गदशर्न कार्यशाळा केवळ कागदावरच असल्याचे स्पष्ट झाले आहे.

नगर जिल्ह्यासह राज्याच्या बहुतांश भागात यंदा पुरेसा पाऊस नाही. आता परतीचा पाऊस निघून गेल्याने यापुढे खात्रीशीर पावसाची शाश्वती नाही. मुळात सुरवातीपासूनच पुरेसा पाऊस नसल्याने पाणीसाठवण झालेली नाही. त्यामुळे पिण्याच्या पाण्याची टंचाई तीव्र होत आहे. त्यामुळे मागील चार वर्षांपूर्वीच्या दुष्काळापेक्षाही यंदा गंभीर परिस्थिती निर्माण होणार असून त्याची चाहुल लागली आहे. यंदा पाऊस नसल्याने व सातत्याने जास्त काळ पावसात खंड पडल्याने उसावर हुमणीचा प्रादुर्भाव झाल्याचे दिसून आले आहे.

सध्या जिल्ह्यामधील मोठ्या प्रमाणात ऊस हुमणीने बाधित झाला आहे. मात्र हुमणीचा प्रादुर्भाव केवळ ऊसावरच नाही तर कांदा, सोयाबीन, तुर, भुईमूग, बाजरी या पिकांवरही झाला असल्याचे स्पष्ट झाले आहे. प्रामुख्याने दुष्काळी भाग असलेल्या पाथर्डी, नगर, जामखेड, पारनेर, शेवगाव व नगर लागून असलेल्या आष्टी, पाटोदा, शिरूर कासार तालुक्‍यात उसाशिवाय अन्य पिकांवरही हुमणीचा प्रादुर्भाव असल्याचे शेतकरी सांगतात. आधीच पाऊस नसल्याने खरिपाची पिके साठ टक्‍क्‍यांपेक्षा अधिक प्रमाणात वाया गेली आहेत. रब्बीची पेरणी रखडली आहे.

अशा परिस्थितीत अन्य पिकांवरही हुमणीचा प्रादुर्भाव झाल्याने शेतकरी हवालदिल झाले आहेत. हुमणीचा उसावर प्रादुर्भाव झाल्यानंतर साधारण दीड महिन्यापूर्वी कृषी विभागाने आम्ही शेतकऱ्यांना मार्गदर्शन करीत असून सर्व उपाय सांगत आहोत, असे स्पष्ट केले होते. मात्र, अजूनही अनेक गावांत कृषी विभागाचे अधिकारी, कर्मचारी फिरकलेच नसून कृषी विभागाचे हुमणीबाबतचे मार्गदर्शन केवळ कागदावरच असल्याचे दिसून येत आहे. विशेष म्हणजे उसाशिवाय अन्य पिकांवरही हुमणीचा प्रादुर्भाव झाल्याची कृषी विभागाला माहिती नाही.

नेमके किती क्षेत्र बाधित
नगर जिल्ह्यामध्ये उसाचे क्षेत्र बऱ्यापैकी आहे. यंदा पाऊस नसल्याने उसाची लागवड फारशी झालेली नाही. मात्र उसासह अन्य पिकांचे नेमके किती क्षेत्र हुमणीमुळे बाधित झाले याचा आकडा कृषी विभागाकडे नाही. हुमणीने बाधित झालेल्या उसासह अन्य पिकांचे पंचनामे करावेत, अशी मागणी होत असताना त्याकडे मात्र दुर्लक्ष केले जात आहे.
 

इतर ताज्या घडामोडी
दीड टक्‍क्‍यावर मराठवाड्यातील पाणीऔरंगाबाद : मराठवाड्यातील ८७२ प्रकल्प व...
‘संत्रा उत्पादकांना द्या भरीव मदत’नागपूर ः उन्हामुळे संत्रा उत्पादकांचे झालेल्या...
कर्ज नाकारणाऱ्या बॅंकांवर गुन्हे नोंदवू...सोलापूर : खरीप हंगामात किती शेतकऱ्यांना...
पीकविमा, दुष्काळी मदतीसाठी शेतकऱ्यांचा...माळाकोळी,जि.नांदेड : गतवर्षीच्या खरीप पिकांच्या...
बचत गट चळवळ बनली गावासाठी आधारनागठाणे, जि. सातारा : ‘गाव करील ते राव काय करील’...
नगरमध्ये चांगला पाऊस पडेपर्यंत छावण्या...नगर : नगर जिल्ह्यामध्ये ४९८ छावण्या सुरू आहेत....
पुणे : पावसाअभावी खरीप पेरण्या खोळंबल्यापुणे ः जूनचा अर्धा महिना ओलांडला तरी अजूनही...
कोवळ्या ज्वारीच्या विषबाधेपासून जनावरे...कोवळ्या ज्वारीची पाने अधिक प्रमाणात खाल्ल्याने...
जमिनीची सुपीकता, सूक्ष्मजीवांचा अतूट...वॉक्समन यांच्या सॉईल अॅण्ड मायक्रोब्स या...
शेतकऱ्यांचा सातबारा कोरा करण्याची मागणी...मुंबई  शेतकऱ्यांचा सातबारा उतारा कोरा झालाच...
अकोल्यात सोयाबीन सरासरी ३५९० रुपये...अकोला ः हंगामाच्या तोंडावर पैशांची तजवीज...
कृषी सहायकांसाठी ग्रामपंचायतीत बैठक...मुंबई : शेतकरी आणि शासन यांच्यातला दुवा...
आकड्यांचा खेळ आणि पोकळ घोषणा : शेतकरी...पुणे ः राज्य अर्थसंकल्पात शेतकऱ्यांची निराशा झाली...
राज्यावर पावणेपाच लाख कोटींचे कर्जमुंबई  : मुख्यमंत्री देवेंद्र फडणवीस यांच्या...
अर्थसंकल्पावेळी विरोधकांचा सभात्यागमुंबई : अर्थसंकल्प विधिमंडळात सादर...
संत श्री निवृत्तिनाथ महाराज यांच्या...नाशिक  : आषाढी एकादशी वारीसाठी संत श्री...
नदी नांगरणीचे सातपुड्याच्या पायथ्याशी...जळगाव ः शिवार व गावांमधील जलसंकट लक्षात घेता...
प्रत्येक गावात नेमणार भूजल...नगर ः राज्य शासनाच्या पाणीपुरवठा व स्वच्छता...
अरुणाग्रस्तांच्या स्थलांतराचा तिढा कायम सिंधुदुर्ग : अरुणा प्रकल्पग्रस्त आणि जिल्हा...
पाणीप्रश्नावरील आंदोलनाचे नेतृत्व करणार...नगर : ‘कुकडी’सह घोड धरणातील पाणीसाठे वाढविणे...