agriculture news in marathi, whitegrum on crops, satara, maharashtra | Agrowon

सातारा जिल्ह्यात पिकांवर हुमणीचा प्रादुर्भाव
टीम अॅग्रोवन
रविवार, 26 ऑगस्ट 2018

माझ्याकडील ५० गुंठे ऊस पिकात हुमणीचा प्रादुर्भाव झाला आहे. यामुळे पुढील दोन ते तीन महिन्यांत तुटणारा ऊस वाळून जाऊ लागला आहे. नदी काठच्या परिसरात हुमणीचा प्रादुर्भाव जास्त आहे. आमच्या परिसरातील हुमणीने बाधित झालेला ऊस शेतकरी चाऱ्यासाठी पाठवत आहेत.
- सचिन जाधव, काशीळ, जि. सातारा.

सातारा  ः जिल्ह्यातील पिकांवर हुमणी किडीचा प्रादुर्भाव झाला आहे. ऊस पिकावर त्याचा सर्वाधिक प्रादुर्भाव दिसून येत आहे. हजारो हेक्टर क्षेत्रावरील पिके कमी अधिक स्वरूपात हुमणीच्या विळख्यात आली असल्याने शेतकऱ्यांच्या चिंता वाढली आहे. वातावरणात सातत्याने होत असलेला बदल व कमी पावसामुळे हुमणीचा प्रादुर्भाव वाढला असल्याचे तज्ज्ञांकडून सांगण्यात येत आहे.

जिल्ह्यात खरीप पिकांची १०० टक्‍क्‍यांवर पेरणीची कामे उरकली आहेत. पेरणी झालेल्या पिकांपैकी भात, भूईमुगासह आले व ऊस पिकात हुमणीचा प्रादुर्भाव झाला आहे. वातावरणात होत असलेल्या बदलामुळे या पिकांवर प्रादुर्भाव वाढू लागला आहे. पीक पिवळे पडणे, रोपांना मर लागणे ही लक्षणे हुमणीमुळे दिसून येत आहेत. नदी काठच्या क्षेत्रावरील पिकांत हा प्रादुर्भाव जास्त प्रमाणात दिसून येत आहे. अगदी पाच ते सहा फुट उंचीचे ऊस पीक हुमणीच्या प्रादुर्भावाने एेन पावसाळ्यात वाळत आहेत. आले पिकात वाढलेल्या हुमाणीच्या प्रादुर्भावामुळे कंदकुज होण्याची शक्‍यता असल्याने शेतकऱ्यांकडून आळवण्या केल्या जात आहेत.

नुकत्याच लागवड झालेल्या आडसाली उसातही हुमणीचा प्रादुर्भाव होऊ लागला आहे. कीड नियंत्रणात येत नसल्याने पिकांचे मोठ्या प्रमाणात नुकसान होण्याची शक्यता आहे. किडी नियंत्रण करण्यासाठी सामुदायिक प्रयत्न करणे आवश्‍यक असल्याचे तज्ज्ञांकडून सांगण्यात येत आहे.
या गावात हुमणीचा प्रादुर्भाव दिसून येत आहे. तेथे हुमणी व्यवस्थापनासाठी कृषी विभागाकडून बैठकीचे अायोजन सुरू केले आहे. या बैठकांमधून शेतकऱ्यांना मार्गदर्शन केले जात आहे, अशी माहिती जिल्हा अधीक्षक कृषी अधिकारी सुनील बोरकर यांनी दिली.

सोयाबीनही विळख्यात
जिल्ह्यात मागील सात ते आठ वर्षांपासून सोयबीनच्या क्षेत्रात मोठ्या प्रमाणात वाढ होत गेल्याने खरिपातील प्रमुख पीक म्हणून सोयाबीनची ओळख निर्माण झाली आहे. जिल्ह्यात सुमारे ६० हजार हेक्टरवर सोयाबीनची लागवड झाली आहे. सोयाबीन पिकातही हुमणीचा प्रादुर्भाव दिसू लागला आहे. यामुळे सोयाबीनच्या उत्पादनात घट होण्याची शक्यता आहे.
 

इतर ताज्या घडामोडी
अनेर काठावरच्या शिवारातही जाणवू लागली...जळगाव ः जिल्ह्यातील प्रमुख नद्यांमध्ये असलेल्या...
जळगावात १८०; धुळे, नंदुरबारात टॅंकरची...जळगाव ः खानदेशात सुमारे एक हजार गावे टंचाईच्या...
लाकडी अवजारे हद्दपार; सुतारांवर...रिसोड, जि. वाशीम ः आधुनिकतेचे वारे शेतीतही वाहू...
कसणाऱ्यांना प्रोत्साहन दिल्यास...विकसनशील देशांमध्ये कृषी उत्पादकता आणि उत्पन्नाची...
जळगाव बाजार समितीती कांदा दरात सुधारणाजळगाव ः लाल कांद्याची आवक अस्थिर असून, दरात मागील...
नाशिक जिल्ह्यात प्रशासनाकडून नवीन चार...नाशिक : दुष्काळी परिस्थितीत जनावरांची चारा...
सुला विनियार्ड्समध्ये ९ हजार टन...नाशिक : देशातील आघाडीच्या वाइन उत्पादक असलेल्या...
जत तालुक्यातील दीड हजार शेततळी कोरडीसांगली :  शासनाच्या योजनेतून जत तालुक्यात...
`उर्ध्व पेनगंगाचे पाणी सोडा`नांदेड : मालेगाव (ता. अर्धापूर) परिसरातील...
नगरमध्ये कारले २००० ते ५००० रुपये...नगर  : नगर कृषी उत्पन्न बाजार समितीत आज (...
बुरशी, जिवाणू, सूत्रकृमीमुळेच आले...औरंगाबाद: जिल्ह्यातील आले पिकाचे २०१५-१६ व २०१८-...
नगर जिल्ह्यातील ५०१ छावण्यांत सव्वातीन...नगर  : दुष्काळाच्या पार्श्‍वभूमीवर पशुधन...
सातारा जिल्ह्यातील आले लागवड रखडलीसातारा  ः तापमानवाढीचा परिणाम आले पिकावर होऊ...
उत्तर कोरेगावमधील तळहिरा धरण कोरडेवाठार स्टेशन, जि. सातारा  ः उत्तर कोरेगाव...
अपघातग्रस्तांना विमा रक्कम देण्यासाठी...पुणे  ः शेतकरी कुटुंबातील कोणत्याही...
काँग्रेस आघाडीपुढे विधानसभेचे मोठे...मुंबई : लोकसभा निवडणुकीत धुव्वा उडाल्याने...
जळगाव बाजार समितीच्या सभापतींची उद्या...जळगाव  ः जिल्ह्यातील सर्वात मोठ्या आणि...
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...