agriculture news in marathi, whitegrum on sugarcane, nagar, maharashtra | Agrowon

नगर जिल्ह्यात ३५ हजार हेक्‍टरवरील उसावर ‘हुमणी’
टीम अॅग्रोवन
सोमवार, 22 ऑक्टोबर 2018

जिल्ह्यामध्ये पावसाचे प्रमाण कमी असल्याने ‘हुमणी’चा प्रादुर्भाव झाला. त्यावर उपाययोजना करण्याबाबत कृषी विभागाचे अधिकारी, कर्मचारी शेतकऱ्यांना थेट बांधावर जाऊन मार्गदर्शन करत आहेत. ‘हुमणी’चा प्रादुर्भाव कमी करण्यासाठी प्रयत्न केले जात आहेत.
- पंडित लोणारे, जिल्हा अधीक्षक कृषी अधिकारी, नगर

नगर  ः नगर जिल्ह्यात यंदा उसावर ‘हुमणी’चा प्रादुर्भाव झाला आहे. आतापर्यंत जिल्ह्यातील सुमारे ३५ हजार ३०७ हेक्‍टर क्षेत्रावर हुमणीचा प्रादुर्भाव झाला असल्याचा प्रशासकीय अहवाल आहे.
मात्र प्रत्यक्षात ५० हजार हेक्‍टर क्षेत्रावर ‘हुमणी’चा प्रादुर्भाव असल्याचे बोलले जात आहे. 

जिल्ह्यातील शेतकरी उसावर ‘हुमणी’चा मोठ्या प्रमाणात प्रादुर्भाव झाल्याने हतबल झाले आहेत. राहुरी, राहाता, संगमनेर, कोपरगाव, श्रीगोंदा, अकोले, नेवासा या तालुक्‍यांसह शेवगाव, पारनेरच्या काही भागांत उसाचे क्षेत्र आहे. उसावर यंदा मोठ्या प्रमाणात हुमणीचा प्रादुर्भाव झाला आहे. प्रतिकूल हवामान, सतत ढगाळ वातावरण, पाण्याचा अति वापर अशा कारणांमुळे ‘हुमणी’चा प्रादुर्भाव झाला असल्याचे सांगितले जात आहे.

‘हुमणी’ने उसाची पांढरी मुळे खाण्याचा सपाटा लावला आहे. त्यामुळे उसाचे सर्वाधिक क्षेत्र बाधित झाले आहे. त्यामुळे यंदा मोठ्या प्रमाणावर उत्पादनाला फटका बसेल, असे शेतकरी सांगतात. जिल्ह्यात उसाचे क्षेत्र १ लाख ६७ हजार ६१६ हेक्‍टर क्षेत्र असून त्यातील सुमारे ३५ हजार ३०७ हेक्‍टर क्षेत्रावर ‘हुमणी’चा प्रादुर्भाव झाला असून त्यातील २३ हजार १२७ हेक्‍टर क्षेत्रावर उपाययोजना केल्या असल्याचे कृषी विभागातून सांगण्यात आले. असे असले तरी ‘हुमणी’ने बाधित झालेले क्षेत्र ५० हजार हेक्‍टरच्या पुढे आहे. कापसाचे पीक यंदाही धोक्‍यात असताना ‘हुमणी’च्या प्रादुर्भावाने आता ऊसही अडचणीत आला. नदीकाठच्या गावांतील ऊस क्षेत्राला याचा मोठा फटका बसला आहे.

चाऱ्यासाठी उसाचा वापर
नगर जिल्ह्यातील बहुतांश भागांत पाऊस नसल्याने चाऱ्याचा प्रश्‍न निर्माण झाला आहे. चाऱ्याचा प्रश्‍न निर्माण झाला की उसाचा चाऱ्यासाठी वापर होतो. यंदा ‘हुमणी’चा प्रादुर्भाव झाल्याने शेतकरी उसाची चाऱ्यासाठी विक्री करू लागले आहेत. परिणामी बाजारात अचानक उसाची आवक वाढू लागल्याने दर खाली येऊ लागले आहेत. सध्याची दुष्काळी परिस्थिती आणि चाऱ्याचा प्रश्‍न गंभीर होत असल्याने ‘हुमणी’ने बाधित झालेल्या उसाचा चाऱ्यासाठी वापर होत आहे.

बाधित झालेले तालुका निहाय क्षेत्र (हेक्‍टर) ः नगर ः ३५, पारनेर ः ३०००, पाथर्डी ः १०४५, कर्जत ः ५५०, जामखेड ः ५८०, श्रीगोंदा ः ५०००, श्रीरामपूर ः २५३९, राहुरी ः ५५८३, नेवासा ः ४१००, शेवगाव ः ३२३५, संगमनेर ः ३८००, कोपरगाव ः १५००, राहाता ः ४०४६, अकोले ः २९४.

इतर ताज्या घडामोडी
नियोजन खरिपाचे : ठिबक, खत व्यवस्थापन...शेतकरी ः विजय इंगळे चित्तलवाडी, ता. तेल्हारा, जि...
नियोजन खरिपाचे : लागवडीसह सिंचन, काढणी...शेतकरी - दीपक माणिक पाटील माचले, ता. चोपडा, जि....
जळगावात दीड हजारांवर शेततळ्यांची कामे...जळगाव ः जिल्ह्यात "मागेल त्याला शेततळे''...
संत गाडगेबाबा अमरावती विद्यापीठ साधणार...अमरावती ः दुष्काळ, पाणीटंचाईच्या पार्श्‍वभूमीवर...
नांदगाव तालुक्यात फळबागा वाचविण्यासाठी...नाशिक : नांदगाव तालुक्यातील फळबागा वाचविण्यासाठी...
अरुणाग्रस्तांचा गाव न सोडण्याचा निर्धारसिंधुदुर्ग : अरुणा प्रकल्पात पाणीसाठा केला, तरी...
नांदेड : साडेतेरा हजार हेक्टरवर उन्हाळी...नांदेड : जिल्ह्यात २०१९ च्या उन्हाळी हंगामात १३...
परभणीत फ्लॉवर ३५०० ते ५००० रुपये...परभणी : पाथरी रस्त्यावरील फळे भाजीपाला...
पुणे जिल्ह्यातील चौदा कारखान्यांकडे...पुणे   ः जिल्ह्यात गळीत हंगाम संपवून...
जळगावात कांदा विक्रीत शेतकऱ्यांची लूटजळगाव ः कांद्याचे दर दबावात असतानाच त्याची विपणन...
जळगावात किसान सन्मान निधीचे वितरण...जळगाव ः खानदेशात सुमारे सव्वादोन लाख शेतकऱ्यांना...
पुणे जिल्ह्यात फळबाग लागवडीसाठी एक...पुणे  ः यंदा खरीप हंगामात फळबाग लागवड करू...
नगर, शिर्डीत ‘काँटे की टक्कर’ मतात...नगर ः भारतीय जनता पक्ष आणि शिवसेनेच्या कामावर...
अकरापैकी सहा आमदारांचा लोकसभेत प्रवेशमुंबई ः सतराव्या लोकसभा निवडणुकीच्या रिंगणात...
पुण्यातील पाणी, वाहतुकीचे प्रश्न...पुणे  ः येत्या पाच वर्षांत पुण्याचा...
निवडणुका घेतल्या नसत्या तरी चालले असते...सातारा  ः देशात नरेंद्र मोदी यांच्या...
मंत्रिपदाची संधी जळगाव की धुळ्याला?जळगाव ः खानदेशने भाजपला कौल दिला असून, आता...
‘ईव्हीएम’चा विजय असो : छगन भुजबळनाशिक  : लोकसभा निवडणुकीच्या मतमोजणीमध्ये...
सातारा मतदारसंघातून उदयनराजे भोसलेंना...सातारा : अत्यंत चुरशीच्या झालेल्या सातारा लोकसभा...
नगरमध्ये डॉ. सुजय विखे, शिर्डीत...नगर  : विसाव्या फेरीअखेर नगर लोकसभा...