agriculture news in marathi, WHo's Interest to open the Blocked posts in state Agri departments | Agrowon

ब्लॉक पदे उघडणारा मंत्रालयातील महाभाग कोण?
टीम अॅग्रोवन
सोमवार, 11 जून 2018

पुणे  : कृषी खात्यामधील समुपदेशन बदल्यांमध्ये आयुक्तांनी पारदर्शकता ठेवत मोक्याची व मलईदार पदे ब्लॉक केली होती. या पदांवर कोणाचीही नियुक्ती होणार नव्हती. मात्र, आयुक्तांनी यादी मंत्रालयात पाठविल्यानंतर सोनेरी टोळीने नजराणा तंत्र वापरून काही ‘ब्लॉक’ केलेली पदे ‘ओपन’ करून बदल्या करून घेतल्याचे आता उघड झाले आहे.  

पुणे  : कृषी खात्यामधील समुपदेशन बदल्यांमध्ये आयुक्तांनी पारदर्शकता ठेवत मोक्याची व मलईदार पदे ब्लॉक केली होती. या पदांवर कोणाचीही नियुक्ती होणार नव्हती. मात्र, आयुक्तांनी यादी मंत्रालयात पाठविल्यानंतर सोनेरी टोळीने नजराणा तंत्र वापरून काही ‘ब्लॉक’ केलेली पदे ‘ओपन’ करून बदल्या करून घेतल्याचे आता उघड झाले आहे.  

ब्लॉक केलेल्या तीन पदांवरदेखील नियुक्त्या झाल्या असून, आयुक्तांच्या यादीतील बारा अधिकाऱ्यांच्या भलत्याच ठिकाणी बदल्या करण्यात आलेल्या आहेत. त्यामुळे मंत्रालयातील कोणत्या महाभागाने कोणाच्या सांगण्यावरून हा उद्योग केला, याची चौकशी व्हावी, अशी मागणी कर्मचाऱ्यांनी केली आहे.  

कृषी खात्यात वर्षानुवर्षे वेटोळे घालून बसलेल्या मलईखोरांना विस्तार कामासाठी गावाकडे पाठविण्यास काही प्रमाणात कृषी आयुक्तांना यशदेखील मिळाले आहे. आता दुसऱ्या टप्प्यात क्षेत्रिय पातळीवर काम कर्मचाऱ्यांना न्याय देण्यासाठी पदोन्नत्या देण्याच्या जोरदार हालचाली आयुक्तांकडून सुरू असल्याचे सूत्रांनी स्पष्ट केले.

‘‘कृषी खात्याचा मुख्य हेतू विस्तार हाच असून त्यासाठी तालुका व गावपातळीवरील पदे भरण्याची आवश्यकता आहे, अशी भूमिका आयुक्तांनी घेतलेली आहे. मात्र, राज्यातील ३५१ तालुक्यांना कृषी अधिकारी नसल्याचे लक्षात आल्यानंतर आयुक्तांनी १४० तालुक्यांना कृषी अधिकारी देण्याचा प्रयत्न समुपदेशन बदली प्रक्रियेतून केला आहे. अर्थात, समुपदेशानंतरही तालुका कृषी अधिकारीपदाची ४० पदे रिक्त राहणार आहेत. ही रिक्त पदे भरण्यासाठी तंत्र अधिकाऱ्यांना पदोन्नती देण्याबाबत आयुक्तांकडून विचार सुरू आहे, असे सूत्रांनी स्पष्ट केले.

गुणवत्ता नियंत्रण विभागाच्या मलईदार जागांसाठी सोनेरी टोळीच्या माध्यमातून होणाऱ्या नियुक्तीची परंपरा यंदा आयुक्त सच्चिंद्र प्रताप सिंह यांनी मोडून काढली आहे. गोपनीय अहवाल ए प्लस असलेल्या चांगल्या कर्मचाऱ्यांना नजराणा न देताही चक्क गुणवत्ता नियंत्रण विभागात बदली मिळाली आहे.

समुपदेशन प्रक्रियेतील प्रयोगशाळांना आयुक्तांनी प्राधान्य दिले आहे. प्रयोगशाळेचे प्रशिक्षण घेतलेल्या कर्मचाऱ्यांना प्रयोगशाळांमध्येच बदली देण्याचा प्रयत्न आयुक्तांनी केला आहे. तसेच, वर्षानुवर्षे ग्रामीण भागात अडगळीत राहिलेल्यांना मोक्याच्या जागी तर कायम मलईदार पदांवर असलेल्या अधिकाऱ्यांना ग्रामीण भागात पाठविण्याचे कौशल्य आयुक्तांनी समुपदेशन बदल्यांमधून साध्य केले आहे.

दरम्यान, कृषी अधिकारी व मंडळ अधिकारी दर्जाच्या वर्ग दोन कनिष्ठ गटातील ३४५ बदल्यांची यादी शनिवारी दुपारपर्यंत प्रसिद्ध झालेली नव्हती. या यादीत देखील फेरफार केल्याचा संशय कर्मचाऱ्यांचा आहे.

इतर अॅग्रो विशेष
विश्वासावर बहरेल व्यापारचीन-अमेरिकेमध्ये चालू असलेल्या व्यापार युद्धाच्या...
निवडणुकीने दुष्काळ खाऊन टाकू नये म्हणून...लोकसभेच्या निवडणुकीमुळे राजकीय हवामान-बदल होत...
उपलब्ध पाण्याचे गणित मांडा...अनेक कारणांमुळे जलसंधारण ही सोपी वाटणारी म्हणून...
उत्कृष्ठ कारली पिकवण्यात पाटील यांचा...लोणी (ता. चोपडा, जि. जळगाव) येथील भरत, गणेश व...
पेरू, अॅपलबेरमधून पीक बदल, कष्टातून...पारंपरिक शेती पद्धतीत बदल करून व सेंद्रिय...
राज्यात उरले अवघे ३०५ टीएमसी पाणीपुणे (प्रतिनिधी) : उन्हाच्या झळांना होरपळ वाढून...
केंद्राकडून यंदा खरिपात १२ टक्के अधिक...पुणे : राज्यासाठी गेल्या खरीप हंगामाच्या तुलनेत...
उन्हाचा चटका पुन्हा वाढण्याची शक्यतापुणे : मागील आठवड्यात झालेला पूर्वमोसमी वादळी...
सूर्य तळपताना छत करा दुरुस्तआठवड्यापूर्वी आलेल्या चांगल्या पावसाच्या अंदाजाने...
आयोगाचा कारभार प्रश्‍नचिन्हांकितप्रत्येक निवडणुकीची रीत न्यारी असते,...
पाणी व्यवस्थापनातून वाढविली कापसाची...आत्महत्याग्रस्त यवतमाळ जिल्ह्यातील अंबोडा (ता....
पाणी व्यवस्थापनातून नळावणे गावाची...अनेक वर्षांच्या पाणीटंचाईतून मुक्त होण्यासाठी...
डेरे यांनी उभारली अत्याधुनिक सिंचन...सातारा जिल्ह्यातील कवठे येथील अतुल डेरे यांनी...
‘आर्टिफिशियल इंटिलिजन्स’कडे आयटी...‘आर्टिफिशियल इंटिलिजन्स’ हेच येत्या काळातील...
पाणी व्यवस्थापनातून ग्रामविकासपाण्यासाठी कायम संघर्ष करीत असलेल्या कान्होळ (जि...
अवघी कारभारवाडी झाली ठिबकमयकोल्हापूर जिल्ह्यातील कारभारवाडी (ता. करवीर) येथे...
सर्वाधिक ६५० शेततळ्यांचं अजनाळेसोलापूर जिल्ह्यातील सांगोला तालुका दरवर्षीच...
अल्पभूधारकांच्या आयुष्यात जलश्रीमंती बुलडाणा जिल्ह्यात जानेफळ परिसरात शासनाच्या...
सत्तावीस गटांच्या बळातून घडली किमयासंगमनेर (जि. नगर) तालुक्यातील सावरगाव तळ...
वाघाड पाणीवापर संस्थांनी शेतीतून उभारले...नाशिक जिल्ह्यात वाघाड प्रकल्पस्तरीय पाणीवापर...