agriculture news in Marathi, Why do you need MSP, do Marketing of agri products says state Minister Sadabhau Khot | Agrowon

'हमीभाव' कशाला हवा?, आता मार्केटिंग करा : सदाभाऊ खोत
सकाळ वृत्तसेवा
शुक्रवार, 18 मे 2018

मुंबई : ‘‘हमीभाव कशाला हवा, मार्केटिंग करा’’ असा सल्ला कृषी राज्यमंत्री सदाभाऊ खोत यांनी शेतकऱ्यांना दिल्याने अाश्चर्य व्यक्त केले जात आहे. आयुष्यभराची उत्पादन खर्चावर रास्त भावाच्या मागणीच्या लढाईला सदाभाऊंनी भाजपच्या वळचणीला जाऊन तिलांजली दिल्याचे जुने-जाणते कार्यकर्ते बोलत आहेत.

मुंबई : ‘‘हमीभाव कशाला हवा, मार्केटिंग करा’’ असा सल्ला कृषी राज्यमंत्री सदाभाऊ खोत यांनी शेतकऱ्यांना दिल्याने अाश्चर्य व्यक्त केले जात आहे. आयुष्यभराची उत्पादन खर्चावर रास्त भावाच्या मागणीच्या लढाईला सदाभाऊंनी भाजपच्या वळचणीला जाऊन तिलांजली दिल्याचे जुने-जाणते कार्यकर्ते बोलत आहेत.

मुंबई येथे ११ व्या कृषी पर्यटन परिषदेत ते बोलत होते. मंत्री खोत यांना लढवय्या शेतकरी नेता म्हणून ओळखले जाते. खोत यांनी शेतकऱ्यांच्या शेतीमालाला हमीभाव मिळवण्यासाठी स्वाभिमानी शेतकरी संघटनेत असताना केलेली आंदोलन राज्यभरात गाजत असत. त्यावरूनच सदाभाऊंना शेतकऱ्यांची मुलुख मैदानी तोफ म्हणून गणले जात होते; मात्र आता भाजपच्या वळचणीला जाऊन सदाभाऊंनी आपलीच भूमिका बदलली.

शेतकऱ्यांचे उत्पन्न दुप्पट करण्यासाठी मार्केटिंग महत्त्वाचे आहे, असे सांगत हमीभाव काय मागता, मार्केटिंग करा, इस्राईलमध्ये शेतकरी हमीभाव माग नाहीत. जगाला हवे ते उत्पादित करून मार्केटिंग करतात. पतंजलीचे रामदेवबाबाही हमीभाव मागत नाहीत. त्यांची उत्पादने देशभर भन्नाट विकली जातात. त्यामुळे शेतकऱ्यांनी आता मार्केटिंगवर भर दिला पाहिजे. त्यासाठी कृषी पर्यटन केंद्रांवर बैठक घेऊ, असे अश्वासनही सदाभाऊ खोत यांनी दिले. 

कृषी पर्यटन परिषदेत एका शेतकऱ्याने बँक कर्ज देत नसून आपण बँकांना आदेश द्यावेत, अशी व्यथा मांडली होती. त्याला उत्तर देताना राज्यमंत्री खोत म्हणाले, ‘‘बँकवाला ऐकत नसेल तर त्याला ''शेतकरी संघटना'' स्टाइलने समजावून सांगावे. प्रसंगी आपणच (शेतकरी) बँकांचे मालक असे समजून स्वत:च आदेश द्यावेत, मग बघू कसे कर्ज देत नाही.’’
कृषी पर्यटन धोरण अस्तित्वात असताना कृषी पर्यटन परिषदेत खोत यांनी तीन महिन्यांत कृषी पर्यटन धोरण लागू करण्याची घोषणा केली. त्यापुढे जाऊन कृषी पर्यटन परिषदेचे आयोजक पांडुरंग तावरेंना कॅबिनेट मंत्री रावळ आणि फुंडकर यांच्या उपस्थितीतच आंदोलनाचा सल्ला दिला.

खोत पुढे म्हणाले, तावरे कृषी पर्यटन धोरण लागू झाले नाही, तर पुढील वर्षी कृषी पर्यटन परिषद आयोजित न करता सरकार विरोधात शेतकरी संघटना स्टाइल आंदोलन करा. मी तुमच्या सोबत असेन. एकंदरीतच नुकत्याच इस्राईल दौऱ्यावरून आलेल्या सदाभाऊंचा आवेश, भूमिका बदल पाहून व्यासपीठावरील मंत्री अधिकारी आणि उपस्थित शेतकरी मात्र अवाक झाले   होते.

इतर ताज्या घडामोडी
नगर जिल्ह्याचे विभाजन होणारच ः...नगर  ः नगर जिल्ह्याचे विभाजन व्हावे, ही...
पंधरा दिवसांपूर्वीच संपला नगरमधील पाच...नगर ः नगर जिल्ह्यामध्ये चाराटंचाई अंधिक तीव्र होत...
वीज दरवाढ रद्दबाबतचे परिपत्रक...शिरोली पुलाची, जि. कोल्हापूर : वीज दरवाढ...
दुष्काळग्रस्तांच्या मागण्यांसाठी परभणीत...परभणी : जिल्ह्यातील दुष्काळग्रस्त शेतकरी,...
हरकती असलेल्या जमिनी अधिग्रहित करणार...मुंबई   : हरकती असलेल्या जमिनी...
मराठवाडा, खानदेशात ४९ लाख टन ऊसगाळपऔरंगाबाद : यंदाच्या हंगामात मराठवाडा व खानदेशातील...
कांदा अनुदानाची मुदत ३१ डिसेंबरपर्यंत...सोलापूर   ः कांद्याचे दर घसरल्याने...
नगर बाजारात तूर प्रतिक्विंटल ४४०० ते...नगर ः नगर कृषी उत्पन्न बाजार समितीत तुरीची आवक...
सोयाबीन दरात काही अंशी तेजीचा अंदाजनागपूर ः सोयाबीन दरात आलेली तेजी शेतकऱ्यांना...
जळगावात चवळी, कारल्याचे दर टिकूनजळगाव ः कृषी उत्पन्न बाजार समितीमध्ये मागील...
हळद पॉलिश, प्रतवारी महत्त्वाचीलोखंडी ड्रममधून शिजवलेली हळद २० ते ३० मिनिटांसाठी...
सागरी तापमानाची जुनी माहिती मिळवणे...माहितीच्या नोंदीच्या अभावामुळे बहुतांश जागतिक...
मधमाश्यांचे सर्वेक्षण सातत्याने...गेल्या काही वर्षांमध्ये स्थानिक मधमाश्यांच्या...
बुलडाणा जिल्ह्यातील अनेक प्रकल्प कोरडेबुलडाणा : उष्णतेच्या झळा सुरू होण्यापूर्वीच...
खानदेशात तूर खरेदी केंद्रे सुरू कराजळगाव : खानदेशात तुरीची मळणी पूर्ण होत आली आहे....
ऊस गाळपात नंदुरबार जिल्हा आघाडीवरजळगाव : खानदेशात ऊस गाळपात नंदुरबार जिल्ह्यातील...
नाचणी बीजोत्पादक शेतकऱ्यांना पन्हाळ्यात...कोल्हापूर : पन्हाळा तालुक्यात आत्माच्या...
गोदावरी दूध संघ शेतकऱ्यांसाठी ठरला ‘...नगर : ‘‘गोदावरी खोरे नामदेवराव परजणे पाटील तालुका...
परभणी, हिंगोलीतील सिंचनासाठीच्या...परभणी : परभणी आणि हिंगोली जिल्ह्यात २०१७-१८...
खरीप नुकसानीच्या मदतीसाठी शेतकऱ्यांच्या...सोलापूर : गतवर्षीच्या २०१८ च्या खरीप हंगामात...