agriculture news in marathi, will provide civil facilities to project affected people : Bhandari | Agrowon

प्रकल्पग्रस्तांना नागरी सुविधा पुरविणार : भंडारी
टीम अॅग्रोवन
मंगळवार, 30 ऑक्टोबर 2018

सोलापूर : शासनाकडून सार्वजनिक प्रकल्पांसाठी जमिनीचे संपादन करण्यात येते. प्रकल्पांसाठी बाधित झालेल्या नागरीकांच्या समस्या सोडविण्यासाठी शासन कटिबद्ध असून, प्रकल्पग्रस्तांना दर्जेदार नागरी सुविधा उपलब्ध करून देण्यास प्राधान्य देण्यात येणार आहे, असे राज्य पुनर्वसन प्राधिकरण आणि राज्य पुनर्वसन व पुनर्स्थापना सनियंत्रण समितीचे उपाध्यक्ष माधव भांडारी यांनी सांगितले.

सोलापूर : शासनाकडून सार्वजनिक प्रकल्पांसाठी जमिनीचे संपादन करण्यात येते. प्रकल्पांसाठी बाधित झालेल्या नागरीकांच्या समस्या सोडविण्यासाठी शासन कटिबद्ध असून, प्रकल्पग्रस्तांना दर्जेदार नागरी सुविधा उपलब्ध करून देण्यास प्राधान्य देण्यात येणार आहे, असे राज्य पुनर्वसन प्राधिकरण आणि राज्य पुनर्वसन व पुनर्स्थापना सनियंत्रण समितीचे उपाध्यक्ष माधव भांडारी यांनी सांगितले.

प्रकल्पग्रस्तांच्या समस्या सोडविण्यासाठी शासकीय विश्रामगृह पंढरपूर येथे बैठक झाली. या वेळी ते बोलत होते. आमदार प्रशांत परिचारक, जिल्हा पुनर्वसन अधिकारी मोहिनी चव्हाण, प्रांतधिकारी सचिन ढोले, तहसीलदार मधुसूदन बर्गे, पुनर्वसन प्राधिकरणाचे माधव कुलकर्णी, प्रकल्पग्रस्तांचे प्रतिनिधी लक्ष्मण धनावडे, तुकाराम सरडे, चंद्रकांत देशमुख आदी उपस्थित होते.

भंडारी म्हणाले, ‘‘विविध प्रकल्पांमुळे बाधित झालेल्या प्रकल्पग्रस्तांचे पुनर्वसन व त्याबाबतच्या समस्या सोडविण्यासाठी शासन कटिबद्ध आहे. प्रकल्पग्रस्तांचे स्वेच्छा पुनर्वसन करण्यात येणार असून, प्रकल्पग्रस्तांना जमिनीच्या बदल्यात रोख रक्कम देण्याचा निर्णय शासनाने घेतला आहे.’’

प्रकल्पांमुळे बाधित झालेल्या नागरिकांना नवीन ठिकाणी देण्यात येणाऱ्या नागरी सुविधांचा आराखडा तयार करून आवश्‍यक निधीची मागणी करावी, प्रकल्पग्रस्तांसाठी वाटप केलेल्या पर्यायी जमीन व उपलब्ध असलेल्या जमिनीची माहिती चावडी वाचणाची विशेष सभा घेऊन द्यावी, पुनर्वसन झालेल्या ३०० च्यावर लोकसंख्या असलेल्या गावांना ग्रामपंचायतीचा दर्जा देण्यात येणार असल्याचे त्यांनी या वेळी सांगितले.

प्रकल्पग्रस्तांना देण्यात येणाऱ्या पर्यायी जागा वाटपाचा कालबद्ध कार्यक्रम आखून त्याबाबतचा अहवाल तातडीने पाठविण्याच्या सूचनाही भंडारी यांनी केल्या.
परिचारक म्हणाले, ‘‘नगरपालिकेच्या हद्दीतील विस्थापितांना नगरपालिकेमार्फत आवश्‍यक सुविधा देण्यासाठी कर माफ करावा अथवा तो कर शासनामार्फत भरावा, असा शासन निर्णय करावा.’’

या वेळी चव्हाण यांनी प्रकल्पग्रस्तांच्या संकलन व आराखड्याबाबतची माहिती दिली. आजोती, बिटरगाव, टाकळी, पटवर्धन कुरोली, सुगाव भोसे, खेड भोसे, देगाव, इसबावी येथील प्रकल्पग्रस्तांनी आपल्या समस्या मांडल्या.

इतर ताज्या घडामोडी
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...
‘गिरणा‘च्या पाण्यासाठी वाळूचा बंधाराजळगाव : गिरणा नदीतून पिण्यासह शेतीच्या पाण्याचे...
‘समृद्धी’च्या उभारणीसाठी रॉयल्टीत देणार...नाशिक   : मुंबई-नागपूर समृद्धी महामार्गाच्या...
व्याजासह एफआरपी दिल्याशिवाय...पुणे  : राज्यातील साखर कारखान्यांनी थकीत...
कोल्हापुरात पहिल्या टप्प्यात गूळदरात वाढकोल्हापूर  ः यंदाच्या गूळ हंगामाला सुरवात...
सरुड येथील गुऱ्हाळघरमालक उसाला देणार...कोल्हापूर : गुऱ्हाळघर व्यवसायात व्यावसायिकपणा...
नगर जिल्ह्यात १७८ टॅंकरद्वारे पाणीपुरवठानगर   : जिल्ह्यात यंदा गंभीर पाणीटंचाई जाणवत...
पुणे बाजार समितीत हापूस आंब्यांची आवकपुणे  ः कोकणातील हापूस आंब्यांची या...
सातारा जिल्ह्यात पाणीटंचाई वाढलीसातारा   ः जिल्ह्याच्या पूर्व भागात...
नागपूर जिल्ह्यात रब्बीची २१ टक्के पेरणीनागपूर   ः पाणी उपलब्धतेची अडचण, जमिनीत...
राज्यकर्ते दूध भेसळ का थांबवत नाहीत :...पुणे : राज्यात राजरोस दुधात भेसळ सुरू असून, अन्न...
आर. आर. पाटील यांचे स्मारक युवकांना...सांगली   ः आर. आर. पाटील यांनी ग्रामविकास,...
जळगाव जिल्हा परिषद पाणी योजनांचे वीज...जळगाव : पाणी योजनांचे बिल भरण्यात आले नसल्याने...
जमीन सुपीकतेसाठी सेंद्रिय कर्बाचे...जमिनीच्या सुपीकतेमध्ये सेंद्रिय कर्ब हे अत्यंत...
खानदेशात कांदा लागवड निम्म्याने...जळगाव : खानदेशात यंदा उन्हाळ कांद्याची लागवड...
सटाणा, मालेगावसाठी सोडणार चणकापूर...नाशिक : सटाणा व मालेगावला भेडसावणाऱ्या...
पुणे विभागात ४८ हजार हेक्टरवर कांदा...पुणे   ः पुणे विभागात आत्तापर्यंत ४८ हजार...
वीजदरवाढीचा शॉक, अनुदानाची फक्त घोषणाचजळगाव ः वस्त्रोद्योगाला चालना मिळावी, उद्योजकांचा...
महिलांनी नाचणीपासून बनवले सत्तरहून अधिक...कोल्हापूर   : नाचणीची आंबील, नाचणीच्या...
बुलडाणा जिल्ह्यात रब्बीची ५६ हजार...बुलडाणा  ः कमी व अनियमित पावसामुळे संपूर्ण...