agriculture news in marathi, winter jowar sowing start at jalgaon, maharashtra | Agrowon

जळगाव जिल्ह्यात दादर ज्वारीची पेरणी सुरू
चंद्रकांत जाधव
मंगळवार, 3 ऑक्टोबर 2017
दादर ज्वारीची पेरणी अनेक भागांत सुरू झालेली आहे; परंतु दादरचे दर पेरणी करतानाच कमी दाखविले जातात; पण याकडे दुर्लक्ष करून शेतकरी पेरणी करीत आहे. यंदा वाफसा हवा तसा नाही, पण दादरच्या बियाण्याची उगवण शक्ती चांगली आहे. 
- किशोर चौधरी, शेतकरी, आसोदा, जि.जळगाव
जळगाव : जिल्ह्यातील कोरडवाहू पीक असलेल्या रब्बी ज्वारी म्हणजेच दादरची पेरणी सुरू झाली आहे. उडीद, मुगाच्या रिकाम्या झालेल्या क्षेत्रावर दादरची पेरणी सुरू असून चोपडा, जळगाव, अमळनेर, यावल, मुक्ताईनगरमधील काळ्या कसदार जमिनीत पेरणीला याच आठवड्यात सुरवात झाली आहे. 
 
जिल्ह्यातील हलक्‍या व मुरमाड जमिनीत दादरची पेरणी केली जात नाही. केवळ काळ्या कसदार जमिनीत पेरणी केली जाते. दादर हे पूर्णतः कोरडवाहू पीक आहे. तिची पेरणी दिवाळीपूर्वी करण्याची परंपरा आहे. ती जोपासत हलक्‍या वाफशात व काहीशा उष्णतेमध्ये पेरणी सुरू झाली आहे. 
 
दादर ज्वारीचे बियाणे हे परंपरागत आहे. कुठल्याही बियाणे विक्री केंद्रावर दादरचे परंपरागत वाण मिळत नाही. शेतकरी वर्षभर बियाण्याचे जतन करतात. रब्बी सुरू होताना तिची पेरणी करतात. रुचकर, शुभ्र, थोडी गोड व कुरकुरीत भाकरी होत असल्याने अनेक शेतकरी कुटुंबांमध्ये दादरचा वापर रोजच्या अन्नासाठी केला जातो. शहरांमध्ये तिला विशेष मागणी आहे. 
 
जिल्ह्यात यंदा जवळपास २५ हजार हेक्‍टरवर दादरची पेरणी अपेक्षित आहे. या आठवड्यात अनेक ठिकाणी पेरणी पूर्ण होईल. पेरणीपूर्वी अनेक शेतकऱ्यांनी उडीद, मुगाच्या रिकाम्या क्षेत्रात जमीन सपाट करण्यासाठी पाटी फिरवून घेतली आहे. यानंतर पेरणी केली जात आहे. पेरणीसाठी नांगरनळीचा उपयोग केला जात असून, यामुळे बियाणे जवळपास अडीच ते तीन इंच खोलवर पडून उगवण किमान ८० ते ८५ टक्के होईल, असे दिसून येत आहे. 

इतर ताज्या घडामोडी
ड्रोनद्वारे निश्‍चित होणार उजनीवरील...सोलापूर - जिल्ह्याची वरदायिनी असलेल्या उजनी...
शेतकरी संघटनेचे आधारस्तंभ रवी देवांग...धुळे : शरद जोशीप्रणीत शेतकरी संघटनेचे माजी...
बोंड अळी लक्षवेधीवरून विरोधक भडकलेनागपूर : विदर्भ, मराठवाडा आणि खानदेशातील कापूस...
शरद जोशीप्रणीत शेतकरी संघटना रस्त्यावर...शेगाव, जि. बुलडाणा : सध्या देशातील सरकारची धोरणे...
कर्जमाफीच्या मुद्द्यावरून विधान परिषदेत...नागपूर : कर्जमाफीच्या मुद्द्यावरून...
ऋतुमानानुसार अारोग्याची काळजीऋतुनुसार काही आवश्‍यक बदल काही पथ्ये सांभाळावी...
सालीसह फळे खाण्याचे फायदेफळांच्या गरात फायबरचे प्रमाण चांगले असते. ए, बी,...
जंगलाच्या अभ्यासातून शेतीमध्ये सुधारणा...महाराष्ट्रात कोठेही फिरत असता, कोणत्याही...
फुलकिडे, करपा नियंत्रणाकडे लक्ष द्यासध्या रांगडा कांदा व लसूण ही पिके शेतात उभी असून...
कीडनाशक फवारणीचा अाणखी एक बळीअकाेला (प्रतिनिधी) ः कीडनाशकाच्या फवारणीतून...
वऱ्हाडात साडेचार लाख शेतकऱ्यांना...अकोला (प्रतिनिधी) ः शासनाने जाहीर केलेल्या...
सांगलीत कर्जमाफीचे १६५ कोटी वर्गसांगली : छत्रपती शिवाजी महाराज शेतकरी सन्मान...
कापूस उत्पादकांना जागतिक व्यापारात...ब्युनॉर्स अायर्स, अर्जेंटिना : येथे सुरू असलेल्या...
हवामान बदलाचे परिणाम केव्हा लक्षात...औरंगाबाद : हवामान बदलाचे ढळढळीत वास्तव व...
नाशिक जिल्ह्यात कर्जमाफीसाठी ३७४ कोटीनाशिक : राज्य शासनाने जाहीर केलेल्या छत्रपती...
नाफेडची मूग, उडीद खरेदी अाजपासून बंदअकोला : या हंगामात उत्पादित झालेल्या मूग, उडीद,...
साताऱ्यात कर्जमाफीसाठी २३३ कोटीसातारा : छत्रपती शिवाजी महाराज शेतकरी सन्मान...
भाजीपाला सल्लाडिसेंबर महिन्यात थंडीचे प्रमाण वाढून दुसऱ्या...
सांगलीत गूळ प्रतिक्विंटल ३३०० ते ४४००...सांगली ः येथील बाजार समितीत गुळाची आवक कमी अधिक...
पंतप्रधान मोदी शेतकऱ्यांबाबत बोलत नाहीत...अहमदाबाद, गुजरात  ः गुजरातमधील विधानसभा...