महावितरणच्या कामात सुधारणा व्हायला हवी ः गुलाबराव पाटील

महावितरणच्या कामात सुधारणा व्हायला हवी ः गुलाबराव पाटील
महावितरणच्या कामात सुधारणा व्हायला हवी ः गुलाबराव पाटील

जळगाव ः ‘महावितरण’च्या कार्यपद्धतीबाबत सामान्य नागरिकांसह शेतकऱ्यांच्या मोठ्या प्रमाणात तक्रारी आहेत. ‘महावितरण’च्या अधिकाऱ्यांनी कामात सुधारणा करावी; अन्यथा कारवाईला सामोरे जावे लागेल, असा इशारा सहकार राज्यमंत्री गुलाबराव पाटील यांनी आढावा बैठकीत दिला. 

जळगाव ग्रामीण मतदारसंघातील विविध कामांची आढावा बैठक येथील अजिंठा शासकीय विश्रामगृहात राज्यमंत्री पाटील यांच्या अध्यक्षतेखाली झाली. बैठकीला जिल्हा परिषदेचे अतिरिक्त मुख्य कार्यकारी अधिकारी संजय मस्कर, जिल्हा नियोजन अधिकारी प्रताप पाटील, जिल्हा आरोग्याधिकारी डॉ. बबिता कमलापूरकर, पंचायत समितीचे सदस्य मुकुंद नन्नवरे, शिवसेनेचे जिल्हाप्रमुख गुलाबराव वाघ, जिल्हा परिषद व पंचायत समितीचे सदस्य, ‘महावितरण’ व सार्वजनिक बांधकाम विभागाचे अभियंता, विविध गावांचे सरपंच उपस्थित होते. 

राज्यमंत्री पाटील म्हणाले, की जळगाव व धरणगाव या तालुक्‍यांतील विविध गावांमध्ये पेव्हर ब्लॉक, गावांतर्गत रस्त्यांचे काँक्रिटीकरण, सामाजिक सभागृह, अभ्यासिकांची जी कामे मंजूर आहेत, ती तातडीने पूर्ण करावीत. जळगाव तालुक्‍यातील ७७ व धरणगाव तालुक्‍यातील ४९ गावांमध्ये नव्याने सुचविण्यात आलेल्या कामांच्या निविदा पूर्ण करून ती कामे सुरू करावीत. या वेळी प्रधानमंत्री ग्रामसडक योजना, मुख्यमंत्री ग्रामसडक योजना व हायब्रीड ऍम्युनिटीअंतर्गत सुरू असलेल्या कामांचाही आढावा घेण्यात आला. जळगाव व धरणगाव या तालुक्‍यांतील जिल्हा परिषदेच्या ताब्यातील ज्या ५२ रस्त्यांचा दर्जोन्नत झाला आहे, त्यांचे हस्तांतरण तातडीने सार्वजनिक बांधकाम विभागाकडे करावे, असे आदेशही राज्यमंत्री यांनी बांधकाम विभागास दिले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com