agriculture news in Marathi, world cotton production will decrease, Maharashtra | Agrowon

जागतिक कापूस उत्पादनात होणार घट
कोजेन्सिस वृत्तसेवा
मंगळवार, 26 डिसेंबर 2017

मुंबई ः भारत, आॅस्ट्रेलिया, पाकिस्तानच्या कापूस उत्पादनात घटीच्या परिणामामुळे जागतिक कापूस उत्पादनात घट होणार आहे. जागतिक कापूस उत्पादन २५.९७ दशलक्ष टनांवरून २५.८३ दशलक्ष टन राहणार अाहे, असा अंदाज  इंग्लंड येथील कॉटल आउटलुक या संस्थेने वर्तविला आहे. 

मुंबई ः भारत, आॅस्ट्रेलिया, पाकिस्तानच्या कापूस उत्पादनात घटीच्या परिणामामुळे जागतिक कापूस उत्पादनात घट होणार आहे. जागतिक कापूस उत्पादन २५.९७ दशलक्ष टनांवरून २५.८३ दशलक्ष टन राहणार अाहे, असा अंदाज  इंग्लंड येथील कॉटल आउटलुक या संस्थेने वर्तविला आहे. 

काॅटन आउटलुकने नुकताच जागतिक व्यापाराचा मासिक अहवाल प्रसिद्ध केला आहे. या अहवालात जगातील महत्त्वाच्या कापूस उत्पादक देशांमधील कापूस उत्पादनाचा अंदाज व्यक्त करण्यात आला आहे. भारतात २०१७-१८ (ऑगस्ट ते जुलै) या वर्षात कापसाचे सुमारे ६.३८ दशलक्ष टन उत्पादन होण्याचा अंदाज इंग्लंड येथील कॉटल आउटलुक या संस्थेने वर्तविला आहे. या आधी प्रसिद्ध केलेल्या अंदाजाच्या तुलनेत हे उत्पादन कमी असून, याआधी देशात ६.४६ दशलक्ष टन उत्पादन झाले आहे.

या संस्थेने जागतिक स्तरावरील कापूस उत्पादनाचा अंदाज वर्तविला असून, या वर्षात जगभरात एकूण २५.८३ दशलक्ष टन कापसाचे उत्पादन होईल, असे मासिक अहवालात सांगण्यात आले आहे. याआधी जागतिक पातळीवर एकूण २५.९७ दशलक्ष टन कापसाचे उत्पादन होईल असा अंदाज व्यक्त करण्यात आला होता. भारतात काही ठिकाणी पडलेला दुष्काळ तसेच महाराष्ट्र, गुजरात, मध्य प्रदेश, हरियाना, पंजाब या राज्यांमध्ये गुलाबी बोंड अळीच्या प्रादुर्भावामुळे उत्पादनात घट आली आहे. परिणामी देशातील कापूस उत्पादनात यंदा सुमारे ८५ हजार टन उत्पादनाची घट येण्याची शक्यता वर्तविण्यात आली आहे. पाकिस्तान आणि ऑस्ट्रेलियातदेखील हीच स्थिती असून, तेथे अनुक्रमे एक लाख आणि ७५ हजार टनाने कापूस उत्पादनात घटीचा अंदाज वर्तविण्यात आले आहे. तर अमेरिकेतील कापूस उत्पादन या वर्षी ३ हजार टनांनी वाढले असून, एकूण उत्पादन ४.६५ दशलक्ष टन घेण्यात आले.

कॉटन आउटलुक हे जागतिक स्तरावरील कापूस उत्पादन, मूल्य आणि त्या संदर्भातील वृत्त प्रसिद्ध करणारी संस्था आहे. या संस्थेच्या वतीने जागतिक स्तरावरील कापूससाठ्यासंदर्भातील माहिती अपडेट करण्यात आली आहे. तसेच कॉटन आउटलुकने जागतिक कापूस साठाही आता २ लाख ५८ हजार टनांवर पोचला अल्याचे नमूद केले आहे. आधीच्या अहवालात ७ लाख ८९ हजार टन जागतिक कापूससाठा असल्याचे नमूद केले होते. तसेच या संस्थेने जागतिक कापूसवापर हा २५.५७ दशलक्ष टन होईल असा अंदाज व्यक्त केला होता. यापूर्वीच्या अहवालात जागतिक कापूसवापर २५.१८ दशलक्ष टन होईल, असा अंदाज व्यक्त केला होता. 

भारतात उत्पादन ८५ हजार टनांनी घटणार
काॅटन आउटलुकने प्रकाशित केलेल्या सुधारित अंदाजानुसार भारतात यंदा ६.३८ दशलक्ष टन उत्पादन होणार आहे. या आधी ६.४६ दशलक्ष टन उत्पादनाचा अंदाज व्यक्त केला होता. सुधारित अंदाजात उत्पादनात यंदा सुमारे ८५ हजार टन उत्पादनाची घट येण्याची शक्यता वर्तविण्यात आली आहे. तसेच पाकिस्तानमध्ये एक लाख टन आणि ऑस्ट्रेलियात ७५ हजार टन उत्पादन घटीचा अंदाज व्यक्त केला आहे.
 

जागतिक कापूस उत्पादन (दशलक्ष टनांत)
वर्ष उत्पादन
२०१०-११ २५.४५
२०११-१२ २७.८५ 
२०१२-१३ २६.७८ 
२०१३-१४ २६.१७
२०१४-१५ २६.२०
२०१५-१६ २१.०२
२०१६-१७ २२.४० 
स्रोत ः जागतिक कापूस सल्लागार समिती (आयसीएसी) 

 

इतर अॅग्रोमनी
ऑक्टोबरमध्ये प्रथमच ब्रॉयलर बाजार...ब्रॉयलर्सचे बाजारभाव वर्षातील उच्चांकी पातळीवर...
सार्वजनिक क्षेत्रातील उपक्रमांची गोचीकोणतेही तातडीचे, आतबट्टायचे काम करायचे असेल तर...
पीक संरक्षण क्षेत्रात ‘महिंद्रा’ची...मुंबई : कृषी अवजारे आणि शेती उत्पादनात देशात...
व्यापारी बँका वित्तीय निरक्षरतेचा फायदा...व्यापारी बँका सामान्य कर्जदारांमधील वित्तीय...
संतुलित पुरवठ्यामुळे ब्रॉयलर्सच्या...नवरात्रोत्सवामुळे चिकनच्या सर्वसाधारपण खपात मोठी...
नवीन हंगामात कापसाची अडखळती सुरवातदेशात कापसाच्या २०१८-१९ च्या नवीन विपणन हंगामाची...
हमीभाव मनमोहनसिंग सरकारपेक्षा कमी;...नरेंद्र मोदी सरकारने जुलै महिन्यात पिकांच्या...
तेल द्या आणि तांदूळ घ्या; भारताकडून '...अमेरिकेच्या डॉलरच्या तुलनेत भारतीय रुपया दररोज...
थेट विक्रीचे देशी मॉडेलमहाराष्ट्रात शेतकऱ्यांच्या पुढाकारातून सेंद्रिय व...
शेतीशी नाळ जोडणारा फॅब्रिकेशन व्यवसायफॅब्रिकेशन व्यवसाय एक उत्तम लघू उद्योग आहे. या...
हेमंतरावांची शेती नव्हे ‘कंपनी’च!लखमापूर (ता. दिंडोरी, जि. नाशिक) येथील हेमंत...
खरीप मका, हळदीच्या भावात घसरणया सप्ताहात कापूस, रब्बी मका, सोयाबीन व हरभरा...
कृषी व्यवसाय, उद्योगाकरिता व्यवहार्यता...कृषी व्यवसाय किंवा उद्योगामध्ये अपेक्षित उत्पन्न...
सोयाबीन, कापूस वगळता इतर पिकांच्या...या सप्ताहात सोयाबीन व कापूस वगळता इतर वस्तूंच्या...
सोयामील निर्यात ७० टक्के वाढण्याचा अंदाजदेशाची सोयामील (सोयापेंड) निर्यात २०१८-१९ या...
आधुनिक मत्स्यपालन : एक शाश्वत...पुणे ः नाशिक रस्त्यावर मंचरपासून जवळच अवसरी खुर्द...
यंदा कापसाची विक्रमी सरकारी खरेदी होणारमुंबई (कोजेन्सिस वृत्तसंस्था)ः यंदा एक...
ऑक्टोबर हीटमुळे पुरवठा घटला, ब्रॉयलर्स...मागणीच्या प्रमाणात योग्य पुरवठा आणि त्यातच...
सेंद्रिय निविष्ठांमुळे उत्पादन खर्चात...कोरडवाहू शेती, उत्पादनाची अशाश्वता, त्यातच आलेले...
वायदे बाजार : मका, हळद यांच्या भावात वाढया सप्ताहात मका व हळद यांचे भाव वाढले. इतरांचे...