agriculture news in Marathi, World cotton production will up till 121 million bales | Agrowon

जागतिक कापूस १२१ दशलक्ष गाठींवर स्थिरावणार
टीम अॅग्रोवन
सोमवार, 12 फेब्रुवारी 2018

वॉशिंग्टन, अमेरिका ः जागतिक कापूस उत्पादन २०१७-१८ हंगामात गेल्या वर्षीच्या तुलनेत वाढून १२१.३७ दशलक्ष गाठी (एक कापूस गाठ = १७० किलो) होईल. मागील वर्षी जागतिक कापूस उत्पादन १०६.५७ दशलक्ष गाठी झाले होते. यंदा जागतिक उत्पादन वाढणार असले, तरी भारतात पिकावर आलेल्या गुलाबी बोंड अळीमुळे उत्पादनात घट होणार आहे, असा सुधारित अंदाज अमेरिकेच्या कृषी विभागाने (यूएसडीए) व्यक्त केला आहे.

वॉशिंग्टन, अमेरिका ः जागतिक कापूस उत्पादन २०१७-१८ हंगामात गेल्या वर्षीच्या तुलनेत वाढून १२१.३७ दशलक्ष गाठी (एक कापूस गाठ = १७० किलो) होईल. मागील वर्षी जागतिक कापूस उत्पादन १०६.५७ दशलक्ष गाठी झाले होते. यंदा जागतिक उत्पादन वाढणार असले, तरी भारतात पिकावर आलेल्या गुलाबी बोंड अळीमुळे उत्पादनात घट होणार आहे, असा सुधारित अंदाज अमेरिकेच्या कृषी विभागाने (यूएसडीए) व्यक्त केला आहे.

‘यूएसडीए’ने नुकताच जागतिक कापूस उत्पादनाचा सुधारित अंदाज जाहीर केला आहे. सुधारित अंदाजात जागतिक कापूस उत्पादन वाढणार आहे. याआधी जाहीर केलेल्या अंदाजात जागितक कापूस उत्पादन १२०.९७ दशलक्ष गाठी होणार असल्याचे यूएसडीएने सांगितले होते. चीन आणि ब्राझील या दोन्ही देशांमध्ये पिकाला पूरक स्थिती असल्याने येथील उत्पादन वाढणार आहे. चीनमध्ये या आधी २६.४० दशलक्ष गाठी उत्पादन होणार असल्याचा अंदाज जाहीर केला होता. आता मात्र त्यात वाढ होऊन २७.५० दशलक्ष गाठी उत्पादन होणार अाहे. तसेच ब्राझीलमध्ये याआधीच्या अंदाजात ७.८० दशलक्ष गाठी उत्पादन होणार असल्याचे जाहीर केले होते; परंतु सुधारित अंदाजात उत्पादन वाढून ८ दशलक्ष टन गाठी उत्पादन होणार असल्याचे स्पष्ट केले आहे. 

ब्राझीलचे उत्पादन वाढणार
ब्राझीलमध्ये यंदा लागवड जास्त झाल्याने कापूस उत्पादनात वाढ झाली आहे. जानेवारी महिन्यात जाहीर केलेल्या अंदाजात देशात ७.८ दशलक्ष गाठी उत्पान होईल, असा अंदाज व्यक्त करण्यात आला होता. मात्र फेब्रुवारी महिन्यात जाहीर केलेल्या अंदाजात ०.२ दशलक्ष गाठी म्हणजेच ३ टक्के वाढ होऊन ८ दशलक्ष टन उत्पादन होईल. मागील वर्षीच्या तुलनेत १ दशलक्ष गाठी म्हणजेच १४ टक्के वाढ होणार आहे. मागील वर्षी ७ दशलक्ष गाठी उत्पादन झाले होते. देशात गेल्या वर्षीच्या तुलनेत यंदा १९ टक्के वाढ होऊन १.१ दशलक्ष हेक्टरवर लागवड झाली आहे. तसेच उत्पादकता जानेवारी महिन्यात अंदाजित केलेल्या उत्पादकतेपेक्षा १ टक्का जास्त; मात्र मागील वर्षीच्या तुलनेत ४ टक्के घटली आहे.

आॅस्ट्रेलियातही माघारणार
यूएसडीएने जानेवारी महिन्यात आॅस्ट्रेलियात ४.६ दशलक्ष गाठी उत्पादनाचा अंदाज जाहीर केला होता. त्यात आता घट करून ४.४ दशलक्ष गाठी उत्पादन होईल, असे सांगितले आहे. परंतु मागील वर्षीच्या तुलनेत हे उत्पादन ९ टक्के जास्त असणार आहे. मागील वर्षी आॅस्ट्रेलियात ४.१ दशलक्ष गाठी उत्पादन झाले होते. देशात यंदा ०.४३५ दशलक्ष हेक्टरवर कापूस लागवड झाली होती. आॅस्ट्रेलियात सिंचनावर आधारित कापूस उत्पादन जास्त घेतले जाते. तसेच देशातील उत्पादताही जास्त आहे. यूएसडीएने देशात यंदा हेक्टरी उत्पादकता २२०२ किलो राहील, असे सांगितले आहे. 

चीनमध्ये २१ टक्के वाढ
चीनमध्ये यंदा जास्त झालेली लागवड आणि पोषक वातावरणामुळे मागील वर्षाच्या तुलनेत विक्रमी २१ टक्के वाढ होऊन उत्पादन २७.५ दशलक्ष गाठी होणार आहे. चीनमध्ये कापूस लागवड क्षेत्रात यंदा १७ टक्के वाढ झाली आहे. यंदा एकूण ३.४ दशलक्ष हेक्टरवर लागवड झाली होती. तसेच उत्पादकता मागील वर्षाच्या १७०८ किलोवरून यंदा १७६१ किलो प्रतिहेक्टर राहील, असे जाहीर केले आहे. चीनमधील सर्वच प्रांतांतील कापूस हंगाम अंतिम टप्प्यात असून, डिसेंबरपर्यंत ८० टक्के शेतकऱ्यांनी आपला कापूस विकला आहे, असे चीन कापूस असोसिएशिनने म्हटले आहे. देशातील सर्वच कापूस उत्पादक भागात यंदा पोषक वातावरण असल्याने चीनच्या कापूस उत्पादनात यंदा २१ टक्के वाढ होणार आहे, असे यूएसडीएने म्हटले आहे.

कापूस उत्पादन दृष्टिक्षेपात

  • जागतिक कापूस उत्पादन १२१.३७ दशलक्ष गाठी होणार
  • अमेरिकेत मागील वर्षीच्या १७.२ दशलक्ष गाठी उत्पादनाच्या तुलनेत यंदा २१.३ दशलक्ष गाठी उत्पादन होणार 
  • ब्राझीलमध्ये उत्पादन वाढून ८ दशलक्ष गाठीवर स्थिरावणार
  • भारतात बोंड अळीचा फटक्याने उत्पादन २८.५ दशलक्ष गाठी होणार
  • आॅस्ट्रेलियात घट होऊन ४.४ दशलक्ष गाठी उत्पादन होईल. 
  • चीनमध्ये उत्पादन २१ टक्क्यांनी वाढले
  • पाकिस्तानमध्ये मागील वर्षीच्या ७.७ दशलक्ष गाठींवरून ८.२ दशलक्ष गाठी उत्पादन होणार

भारतात बोंड अळीचा फटका
भारतात यंदा महाराष्ट्र, तलंगणा, आंध्र प्रदेश आणि कर्नाटकात कापसावर गुलाबी बोंड अळीचा प्रादुर्भाव झाल्याने उत्पादनात घट होणार आहे. जानेवारी महिन्यात भारतात २९.३ दशलक्ष गाठी उत्पादनाचा अंदाज जाहीर केला होता. त्यात आता घट करून २८.५ दशलक्ष टन उत्पादन होईल, असे यूएसडीएने जाहीर केले आहे. मात्र तरीही २०१६-१७ च्या हंगामात झालेल्या २७ दशलक्ष गाठी उत्पादनाच्या तुलनेत यंदा वाढ होणार आहे. भारतात यंदा १२.३० दशलक्ष हेक्टरवर लागवड झाली होती. मात्र महाराष्ट्र, तलंगणा, आंध्र प्रदेश आणि कर्नाटकात गुलाबी बोंड अळीचा प्रादुर्भाव झाल्याने उत्पादनात घट आली आहे. व्यापारी सूत्रांच्या माहितीनुसार महाराष्ट्रात एकूण लागवडीच्या ४० टक्के क्षेत्रावर गुलाबी बोंड अळीचा प्रादुर्भाव झाला होता. तसेच तेलंगणा राज्यात केवळ पहिल्या वेचणीतलाच कापूस व्यवस्थित निघाला. मात्र गुजरातमध्ये यंदा बोंड अळीचा प्रादुर्भाव जाणवला नाही. 

कापूस उत्पादन ३६.७ दशलक्ष गाठी होणार ः ‘सीएआय’
देशात यंदा कापूस उत्पादन ३६.७ दशलक्ष गाठी होणार आहेत, असे भारतीय कापूस महामंडळाने जाहीर केले आहे. याआधी जाहीर केलेल्या अंदाजात २ टक्के घट करण्यात आली आहे. देशातील महत्त्वाच्या कापूस उत्पादक राज्यांमध्ये गुलाबी बोंड अळीचा प्रादुर्भाव झाल्याने उत्पादनात घट होणार आसल्याचे सीएआयने म्हटले आहे. तसेच देशातील कापूस स्टॉक हा ५ दशलक्ष गाठींवरून ४.२ दशलक्ष गाठी राहणार असल्याचेही सीएआयने म्हटले आहे.

फोटो गॅलरी

इतर अॅग्रो विशेष
मुरघास : चाराटंचाईवर उत्तम पर्यायउन्हाळ्यामध्ये किंवा चारा तुटीच्या काळात...
बाजारात टंचाईमुळे ‘पांढऱ्या सोन्या'च्या...जळगाव ः देशात कापसाची सर्वाधिक सुमारे ४० लाख हेक्...
दिवसा वीजपुरवठ्याचे स्वप्न प्रत्यक्षात...मुंबई : मुख्यमंत्री सौर कृषी पंप...
विजयादशमीनिमित्त फुलांना मागणी वाढलीपुणे ः गुरुवारी (ता. १८) साजऱ्या हाेणाऱ्या...
कोकण, पश्‍चिम महाराष्ट्रात पावसाची...पुणे: राज्याच्या कमाल तापमानात चढ-उतार सुरू...
मराठवाड्यात यंदा शेतकऱ्यांचे...औरंगाबाद : कमी पाऊस आणि मोठा खंड यामुळे...
ऊर्जा विभागाच्या योजनांचा शेतकऱ्यांना...मुंबई  : ऊर्जा विभागाने लोकहिताच्या व...
राज्यात २७ लाख हेक्टरवर होणार ज्वारी...पुणे : केंद्र सरकारच्या नव्या धोरणाप्रमाणे...
सणासुदीत अर्थकारण उंचावणारे पेरीडकरांचे...गणपती उत्सवापासून ते अगदी दसरा, दिवाळीस तुळशीच्या...
दुष्काळ, मजूरटंचाई समस्येवर सीताफळ,...अौरंगाबाद जिल्ह्यातील कुंभेफळ येथील श्रीराम शेळके...
कडधान्य कवडीमोल दरात व्यापाऱ्यांच्या...जळगाव : कडधान्याचा हंगाम येऊन एक महिना झाला;...
सकाळी गारठा, तर दुपारी चटकापुणे : राज्यात कमाल तापमान पस्तीशीपार गेले...
नांदेड, परभणी, हिंगोली जिल्ह्यांत...नांदेड ः जमिनीत पुरेशा प्रमाणात ओलावा नसल्यामुळे...
भारतात ३६५ लाख गाठी कापूस होणारमुंबई ः भारतात मागील वर्षीच्या तुलनेत यंदा कापूस...
मुग, उडीद विक्रीत शेतकऱ्यांना ३३०...पुणे ः शासनाची हमीभावाने खरेदीसाठी नोंदणीच सुरू...
खरिपात उत्पादनात घट; हमी दरही मिळेनाऔरंगाबाद : खरिपातील प्रमुख पिकांपैकी मूग, उडीद...
सरकारला दुष्काळचे गांभीर्य ः चंद्रकांत...नगर: राज्यात साधारण दोनशे तालुक्यांत दुष्काळसदृश...
नर्सरी मॅन ऑफ वरुड- जावेद खान अमरावती जिल्‍ह्यातील वरुड मोर्शी या प्रसिद्ध...
दुष्काळातही विस्तारला देशी गोवंश व्यवसायकायम दुष्काळी खानापूर तालुक्यातील अडसरवाडी (जि....
नांदेड, हिंगोली, परभणीतील बारा...नांदेड   ः दुष्काळ व्यवस्थापन संहितेनुसार...