agriculture news in marathi, wrong move to close agri technical diploma course says Vikhe Patil | Agrowon

कृषी तंत्रज्ञान पदविका अभ्‍यासक्रम बंदचा निर्णय तुघलकी : विखेे
वृत्तसेवा
गुरुवार, 24 मे 2018

मुंबई : राहुरी येथील महात्मा फुले कृषी विद्यापीठाने शासनाला अंधारात ठेवून कृषी तंत्रज्ञान पदविका हा तीन वर्षांचा अभ्‍यासक्रम बंद करण्‍याचा घेतलेला निर्णय तुघलकी आहे. तो तातडीने रद्द करून कुलगुरूंविरुद्ध कारवाई करण्याची मागणी विधानसभेतील विरोधी पक्षनेते राधाकृष्ण विखे पाटील यांनी केली आहे.

मुंबई : राहुरी येथील महात्मा फुले कृषी विद्यापीठाने शासनाला अंधारात ठेवून कृषी तंत्रज्ञान पदविका हा तीन वर्षांचा अभ्‍यासक्रम बंद करण्‍याचा घेतलेला निर्णय तुघलकी आहे. तो तातडीने रद्द करून कुलगुरूंविरुद्ध कारवाई करण्याची मागणी विधानसभेतील विरोधी पक्षनेते राधाकृष्ण विखे पाटील यांनी केली आहे.

विखे पाटील यांनी यासंदर्भात कृषिमंत्री पांडुरंग फुंडकर यांना पत्र लिहिले असून, त्यामध्ये त्यांनी नमूद केले आहे की, कृषी तंत्रज्ञान पदविका हा ३ वर्षांचा अभ्‍यासक्रम बंद करण्‍याबाबत शासन स्‍तरावर कोणताही निर्णय झाला नसताना राहुरी विद्यापीठाने सर्व नियम, कायदे आणि मार्गदर्शक सूचना डावलून २०१८-१९ या शैक्षणिक वर्षापासून हा अभ्‍यासक्रम बंद करण्‍याचा निर्णय घेतला आहे. शासनाला अभ्‍यासक्रमात बदल करण्‍याचे अधिकार आहेत. परंतु, राहुरी विद्यापीठाने संबंधितांना विश्वासात न घेता परस्पर हा निर्णय घेतल्याचेही विखे पाटील यांनी म्हटले आहे.

२०१२ मध्ये कुलगुरूंच्‍या संमतीने अतिशय विचारपूर्वक ३ वर्ष कालावधीच्‍या अभ्‍यासक्रमाचा प्रस्ताव पाठवण्यात आला होता व त्यास कुलपतींनी मान्‍यताही दिली होती. या अभ्‍यासक्रमामुळे ग्रामीण भागातील कृषी शिक्षण घेणाऱ्या लाखो विद्यार्थ्यांना मोठा फायदा झाला. मात्र राहुरीच्या महात्‍मा फुले कृषी विद्यापीठाने कुलपती व शासनाला अंधारात ठेवून हा ३ वर्षांचा अभ्‍यासक्रम बंद करण्‍याचा निर्णय घेतल्याने ग्रामीण भागाचे नुकसान होणार आहे. शासनाकडून कौशल्य विकासाचे ढोल बडवले जात असताना कृषी क्षेत्रातील कौशल्य विकसित करणारा हा अभ्यासक्रम बंद करून संबंधित कुलगुरूंनी शासनाच्या धोरणाला छेद दिल्याचेही विखे पाटील यांनी म्हटले आहे.

केंद्र आणि राज्‍य सरकारकडून कृषी विस्‍ताराच्‍या प्रचार आणि प्रसारासाठी अर्थसंकल्‍पात आर्थिक तरतूद केली जाते. या पार्श्‍वभूमिवर या निधीचा योग्य वापर करून विद्यार्थ्‍यांना बदलत्‍या आधुनिक तंत्रज्ञानाचे कृषी शिक्षण उपलब्‍ध करून देणे ही व्‍यवस्‍थेची जबाबदारी आहे. या अनुषंगाने आघाडी सरकारमध्‍ये कृषिमंत्री असताना आपण या अभ्‍यासक्रमाची मुहूर्तमेढ रोवली होती. मात्र, कृषी तंत्रज्ञानाचा पाया भक्‍कम करण्‍याऐवजी त्‍यासंदर्भातील शिक्षणच बंद करण्‍याचा कृषी विद्यापीठाचा निर्णय शेतीसाठी धोकादायक ठरणार असल्‍याचेही विखे पाटील म्हणाले. 

इतर ताज्या घडामोडी
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...
कृषी सल्ला : वाल, आंबा, काजू, नारळ,...वाल काढणी अवस्था वाल पिकाची काढणी जसजशा शेंगा...
तेल्हारा, अकोट तालुक्यांत अवकाळी पाऊस;...अकोला : जिल्ह्यात तेल्हारा, अकोट तालुक्यांत...
ढगाळ वातावरणामुळे शेतकरी चिंतेत जळगाव : मागील दोन-तीन दिवसांपासून खानदेशात ढगाळ,...
अमरावती जिल्ह्यात सव्वालाख शेतकऱ्यांची...अमरावती : पंतप्रधान किसान सन्मान योजनेतील दोन...
माथाडी कामगारांच्या आंदोलनामुळे गूळ...कोल्हापूर ः माथाडी कामगारांनी जादा वेळ काम...
जायकवाडी पाटबंधारे विभाग क्रमांक...परभणी ः परभणी येथील जायकवाडी पाटबंधारे विभाग...