agriculture news in Marathi, Yashwant sinha says,All work done frorm PM office, ministers dont have work, Maharashtra | Agrowon

सर्व विभागांचे काम पंतप्रधानांच्या कार्यालयातूनच, मंत्र्यांना कामच नाही : यशवंत सिन्हा
टीम अॅग्रोवन
रविवार, 12 ऑगस्ट 2018

मुंबई: पंतप्रधान नरेंद्र मोदी यांच्या कार्यालयातूनच देशाच्या सर्व विभागांचे काम सुरू असून केंद्रीय मंत्र्यांना कोणतेही अधिकार नाहीत, त्यांना कामच उरले नसल्याची टीका माजी केंद्रीय मंत्री यशवंत सिन्हा यांनी केली. 

मुंबई: पंतप्रधान नरेंद्र मोदी यांच्या कार्यालयातूनच देशाच्या सर्व विभागांचे काम सुरू असून केंद्रीय मंत्र्यांना कोणतेही अधिकार नाहीत, त्यांना कामच उरले नसल्याची टीका माजी केंद्रीय मंत्री यशवंत सिन्हा यांनी केली. 

भाजप सरकारच्या विरोधात सिन्हा यांनी सर्वपक्षीय नेत्यांच्या राष्ट्रमंच या संघटनेची स्थापना केली असून, या संघटनेच्या वतीने आयोजित ''लोकशाही वाचवा, संविधान वाचवा'' या कार्यक्रमात शुक्रवारी (ता. १०) ते बोलत होते. या कार्यक्रमात माजी केंद्रीय मंत्री अरुण शौरी, भाजपचे खासदार शत्रुघ्न सिन्हा, आपचे खासदार संजय सिंग, तृणमूल काँग्रेसचे माजी खासदार आणि माजी केंद्रीय रेल्वे मंत्री दिनेश त्रिवेदी, अॅड. माजिद मेमन, ज्येष्ठ वकील आभा सिंह, समाजवादी पक्षाचे राष्ट्रीय प्रवक्ते घनश्याम तिवारी, उच्च न्यायालयाचे निवृत्त न्यायमूर्ती अभय ठिपसे आदी उपस्थित होते.

सिन्हा म्हणाले, की पंतप्रधान मोदी यांच्यानंतर केंद्रीय मंत्रिमंडळातील दुसऱ्या क्रमांकाचे नेते गृहमंत्री राजनाथसिंग आहेत. पण त्यांना काश्मीरमधील मुफ्ती मेहबूबा सरकारचा पाठिंबा काढला हे माहितीच नव्हते. ईशान्य भारतात सुरक्षाविषयक धोरण पंतप्रधान मोदी यांनी घोषित केले, त्याची माहितीसुद्धा गृहमंत्र्यांना नव्हती. नोटाबंदीच्या निर्णयाबाबत अर्थमंत्री अरुण जेटलीही अनभिज्ञ होते. तसेच परराष्ट्रमंत्री सुषमा स्वराज यांनाही काहीही काम उरले नाही. देशाची सध्याची परराष्ट्र नीती काय आहे, याबाबत त्या सांगू शकत नाहीत. मंत्री स्वराज ट्विटरवर परराष्ट्र खाते चालवतात.

देशात सध्या संविधानाची पायमल्ली सुरू आहे. केवळ एकाधिकारशाहीवर कारभार सुरू आहे. हा कारभार असाच सुरू राहिल्यास भारतीय लोकशाही धोक्यात येईल. पण मुंबई ही क्रांतीची नगरी आहे. इथून सुरू झालेली लढाई लोकशाहीचा निःपात करणाऱ्यांच्या विरोधात नक्कीच जिंकू, असा विश्वास सिन्हा यांनी या वेळी व्यक्त केला.

माजी मंत्री अरुण शौरी म्हणाले, की देशात आतापर्यंत गोरक्षा आणि धर्माच्या नावावर 72 जणांची हत्या झाली आहे. सोहराबुद्दीन केसमधील साक्षीदार उलटले आहेत. माध्यमांनी न घाबरता काम केले पाहिजे, त्याशिवाय सत्यता लोकांपर्यंत पोचणार नाही. 2019 ला बदल न झाल्यास लोकशाही संपली असेच समजा, अशी भीती त्यांनी व्यक्त केली. जनतेने पंतप्रधानांनी केलेल्या घोषणांचा पाठापुरावा करावा. एक एक घोषणा घ्या, त्या घोषणेचा किती फोलपणा आहे, त्याच्या खोलात जा म्हणजे जुमला काय आणि खरे काय ते समजेल. 

भाजपने मला सोडावे ः शत्रुघ्न सिन्हा
सातत्याने सरकारच्या भूमिकेवर बोट ठेवत असल्याने, लोक मला विचारतात भाजप सोडणार का? पण मी भाजपच्या आधी भारतीय जनतेचा आहे. जनतेच्या प्रश्नांवर सरकारवर बोलणार, मी भाजप सोडणार नाही, भाजपने मला सोडावे. नोटाबंदी कुणाला विचारून या सरकारने केली. नोटाबंदीचे फार दूरगामी दुष्परिणाम जाणवत आहेत. अनेक उद्योग बुडाले त्याचबरोबर लाखो लोकांचा रोजगार गेला, त्याला जबाबदार कोण? भाजपने मला निवडणुकीत तिकीट द्यावे की नाही, हा त्यांचा प्रश्न आहे. पण तिकीट पाहिजेच कुणाला, असे खासदार शत्रुघ्न सिन्हा म्हणाले.

इतर ताज्या घडामोडी
संत्रा पिकाबाबतच्या उपाययोजनांचा अहवाल...नागपूर  ः संत्रा उत्पादकांचे आर्थिक हित...
सूक्ष्म सिंचन विस्तारातील अडचणी, पर्याय...औरंगाबाद   : औरंगाबाद येथे आयोजित...
‘ई- टेंडरिंग’ रेशीम उत्पादकांच्या मुळावरपुणे  ः राज्यात पाणीटंचाईमुळे सर्वत्र...
आंदोलनामुळे शेतकऱ्यांना मिळाले ७४...पुणे  : साखर आयुक्तालयासमोर गेल्या तीन...
रोहित पवार यांनी वाढवला नगर जिल्ह्यात... नगर : कर्जत-जामखेड विधानसभा मतदारसंघात मरगळ...
लोणार तालुक्यात कडाक्याच्या थंडीमुळे...बुलडाणा : जिल्ह्यात द्राक्ष शेती टिकवून ठेवण्यात...
कृषी सल्ला (कोकण विभाग)भात रोप अवस्था : उन्हाळी भात रोपवाटिकेस...
थंडीच्या काळात केळी बागांची काळजीकेळीच्या पानांवर कमी तापमानाचे दुष्परिणाम २ ते ४...
पहाटे, रात्री थंडीचे प्रमाण अधिक राहीलमहाराष्ट्राच्या सह्याद्री पर्वत रांगावर १०१४...
पाणंद रस्त्यांची निविदा प्रक्रिया सुरू अकोला : शासनाच्या पाणंद रस्ते योजनेतून...
`साखर उद्योगातील संघटित गुन्हेगारी...मुंबई : गेल्या वर्षीच्या हंगामातील ७०-३०...
शासकीय दूध डेअरीत अमोनियाची गळतीअकोला : येथील मूर्तिजापूर मार्गावर असलेल्या...
कृषी योजनेतील विहिरींनाही दुष्काळाचा...धुळे : अत्यल्प पावसामुळे खानदेशात विहिरींनी...
नागपुरात `जलयुक्‍त`चा निधी आटलानागपूर : फडणवीस सरकारची महत्त्वाकांशी योजना...
मराठवाड्याची ७६२ कोटींची अतिरिक्‍त...औरंगाबाद ः शासनाने कळविलेल्या आर्थिक मर्यादेच्या...
नत्राच्या कार्यक्षम वापरासाठी सेन्सरचा...कृषी क्षेत्रातून होणाऱ्या नत्रांच्या प्रदूषणाची...
कृषिक प्रदर्शनातील प्रात्यक्षिके पाहून...बारामती, जि. पुणे ः कृषिक प्रदर्शनाच्या दुसऱ्या...
जाती-धर्माच्या भिंती तोडणे हीच स्व....इस्लामपूर, जि. सांगली : लोकनेते राजारामबापू पाटील...
पशुधन संख्येनुसार चारा उपलब्ध करून द्यापरभणी ः परभणी जिल्ह्यात गेल्या काही वर्षांत पशुधन...
ज्वारी, हरभरा, करडईच्या पेरणी...परभणी ः जिल्ह्यात यंदा ज्वारी, हरभरा, करडई या तीन...