agriculture news in marathi, Yashwant Sinha will raise voice for agriculture, akola | Agrowon

यशवंत सिन्हा आता शेतीसाठी आवाज उठविणार
गोपाल हागे
सोमवार, 16 ऑक्टोबर 2017

अापण ज्या झारखंडमधून येतो त्या प्रदेशात पूर्वी शेतकरी अात्महत्या करीत नव्हता. अाता तेथे अात्महत्या होत अाहेत. महाराष्ट्रातील विदर्भ तर देशातच नव्हे जगात शेतकरी अात्महत्यांसाठी अोळखला जातोय, ही दु:खद बाब आहे. अापण अद्याप शेतकऱ्यांना न्याय देऊ शकलो नाही हेच सत्य आहे.
-यशवंत सिन्हा, माजी केंद्रीय अर्थमंत्री

अकोला : अाज देशातील सर्व शेतकऱ्यांना समस्यांपासून मुक्ती हवी अाहे. ते अाता २०२२ पर्यंत थांबायला तयार नाहीत. सोयाबीन, तूर, मूग, उडीद, कापूस अशा सर्वच पिकांचे भाव पडले अाहेत. नाफेडमार्फत हमीभावाने शेतीमाल खरेदी होत आहे, मात्र त्यासाठी काही क्विंटलची मर्यादा घालण्यात अाली आहे. वास्तविक सरकारने शेतकऱ्यांचा सर्व शेतीमाल योग्यभावाने घेण्याची हमी द्यायला हवी. नाफेडने तातडीने अापला निर्णय बदलला पाहिजे. अन्यथा, अकोल्यापासूनच या विरोधात देशभर अावाज उठविला जाईल अाणि अापण या लढ्यात सहभागी होऊ, असा इशारा माजी केंद्रीय अर्थमंत्री यशवंत सिन्हा यांनी रविवारी (ता. १५) सरकारला दिला.

शेतकरी जागर मंचाने रविवारी अकोला येथे श्री. सिन्हा यांचे व्याख्यान अायोजित केले होते. या वेळी बोलताना सिन्हा यांनी देशात नोटाबंदी फसल्याचे सांगत फसलेल्या गोष्टींवर चर्चा होत नसते, असे सूचक विधान करीत पुन्हा एकदा सरकारच्या धोरणांवर प्रश्नचिन्ह उभे केले.

सिन्हा म्हणाले, की सप्टेंबर महिन्यात मी एका इंग्रजी वर्तमानपत्रात केवळ १२०० शब्दांचा एक लेख लिहिला अाणि देशभरात वेगळे वातावरण तयार झाले. या लेखात मांडलेली मते ही देशातील सर्व जनतेच्या मनातील असल्याने मला सर्वत्र अनुकूल असे संदेश मिळू लागले. सध्या देशातील शेतकरी, व्यापारी, तरुण, कष्टकरी असे सर्वजण विविध अडचणींना सामोरे जात अाहेत. त्यांच्या समस्यांकडे डोळेझाक करून कुठलेही सरकार चालविले जाऊ शकत नाही.

उलट त्या समस्या सोडविणारे शासन चांगले समजले जाते, असा अप्रत्यक्ष टोला अापल्याच पक्षाच्या सरकारला माजी केंद्रीय अर्थमंत्री यशवंत सिन्हा यांनी लावला. जीएसटी कायदा झाल्यापासून छोटे-मोठे व्यापारी, उद्योजक समस्याग्रस्त झाले अाहेत. दबाव वाढल्याने अाता सरकारने काही बदल केले. मात्र ते सुद्धा सदोष असल्याचे ते म्हणाले.

कार्यक्रमाच्या अध्यक्षस्थानी जगदीश मुरुमकार होते. या वेळी व्यासपीठावर शेतकरी जागर मंचाचे मनोज तायडे, प्रशांत गावंडे, यशवंत सिन्हा यांच्या पत्नी श्रीमती सिन्हा व इतर उपस्थित होते. प्रशांत गावंडे यांनी प्रास्ताविकात शेतकरी जागर मंचाची भूमिका मांडली.

नोटाबंदी पूर्णपणे फसली
सरकारने गेल्या काळात केलेली नोटाबंदी पूर्णपणे फसली. त्याबाबत काय बोलायचे, असा प्रश्न करीत नोटाबंदीचे परिणाम वाईट अाहेत. सर्वच जण त्यात भरडले गेल्याचे सिन्हा म्हणाले. केवळ अाकडेवारी दाखवून देशातील समस्या सुटणार नाहीत. जीएसटी लावण्यापूर्वी व नंतर एवढी विक्री झाली, असे म्हणणे योग्य होत नाही. उलट उत्पादन किती झाले त्यावर तुम्ही विकासाची गोष्ट करू शकता. विरोधात असताना अाम्हीच सरकारच्या करविषयक धोरणांवर टीका करीत होतो. अाजची परिस्थिती पाहिली तर अापल्या जवळ शब्दच नाहीत, असे सिन्हा म्हणाले.

माजी केंद्रीय अर्थमंत्री म्हणाले

  • सर्व शेतीमाल योग्य भावाने घेण्याची हमी हवी
  • शेतकरी, व्यापारी, युवक, कष्टकरी अडचणीत
  • नोटाबंदीत शेतकऱ्यांसह सर्वजण भरडले गेले
  • शेतकरी आत्महत्यांना आपण सर्वच जबाबदार
  • समस्या सोडविणारे सरकार चांगले असते
  • जीएसटी अद्यापही सदोष, सुधारणा अपेक्षित

इतर अॅग्रो विशेष
होय, आम्हीच खरे लाभार्थी!राज्यभर झालेल्या मृद संधारणाच्या अनेक कामांवर...
शेतीमाल हमीभाव : एक सापळासरकारने शेतकऱ्यांपुढे लटकवलेले हमीभावाचे एक गाजरच...
थंडी पुन्हा परतण्याची चिन्हेपुणे : गेल्या दहा ते बारा दिवसांपासून गायब झालेली...
कापूस उत्पादकांना एकरी २५ हजारांची मदत...नागपूर : बोंडअळीमुळे कापूस पट्ट्यातील शेतकऱ्यांचे...
कारखान्यांपुढे शॉर्ट मार्जिनचे संकटकोल्हापूर ः गेल्या तीन महिन्यांपासून साखरेच्या...
मावळातील शेतकऱ्यांची इंद्रायणी भाताला...कामशेत, जि. पुणे ः मावळ तालुक्‍याची ओळख असलेला...
"स्वामिनाथन'बाबत पुन्हा सर्वोच्च...पुणे : शेतीमालाचा उत्पादन खर्च अधिक पन्नास टक्के...
अन्नसुरक्षा मुद्दाच भारतासाठी महत्वाचा ब्युनाॅर्स अायर्स, अर्जेंटिना : येथे होत असलेल्या...
कर्जमाफी, यवतमाळ विषबाधा,...नागपूर : ऑनलाइन कर्जमाफीतील घोळ, पाच...
अवघ्या ३०० रुपयांत बनविले हरभरा शेंडे...एक एकर हरभरा खुडणीसाठी पाच ते सहा मजुरांची...
सोयाबीनच्या दर्जेदार बीजोत्पादनासाठी...महाराष्ट्राचे प्रमुख पीक म्हणून कापूस व सोयाबीनचा...
कोणताही पक्ष, सरकार, शेतकऱ्यांना न्याय...शेतकरी प्रश्‍नांबाबत रघुनाथदादांची खंत आजपासून...
ट्रेलर्स ट्रॅक्‍टरला स्वयंचलित ब्रेक...सातारा : ॲग्रिकल्चरल ट्रेलर्स ट्रॅक्‍टर्सला...
कापूस उत्पादकांकडून बोनसची मागणीनागपूर : कापसावर गुलाबी बोंड अळीचा प्रकोप...
‘माफसू’ची कुलगरू निवड प्रक्रिया २४...नागपूर ः महाराष्ट्र पशु व मत्स्य विज्ञान...
विदर्भात काही ठिकाणी बुधवारी पावसाचा...पुणे  ः बंगालच्या उपसागरातील कमी दाबाचा...
कीटकनाशक प्रयोगशाळांमध्ये विश्लेषकांची...पुणे : कीटकनाशकांची विक्री वाढत असताना राज्यातील...
भडगावला अडतीच्या नावाखाली शेतकऱ्यांची...जळगाव ः बाजार समितीत अडत वसुली बंदचा निर्णय होऊन...
सीताफळाला फळमाशीचा डंखसोलापूर ः कोरडवाहू शेतकऱ्यांचा आधार ठरू पाहणाऱ्या...
शेतीमध्येही गिरविले आधुनिकतेचे धडेघाटकोपर (मुंबई) येथील तानाजी मोहिते यांनी...