‘यशवंत’चे धुराडे पेटविण्यासाठी अवसायकांची धडपड

पुणे : गाळपासाठी पाच लाख टन ऊस उभा असलेल्या व गेल्या काही वर्षांपासून बंद पडलेल्या यशवंत सहकारी साखर कारखान्याला संजीवनी देण्याचा निर्णय राज्य शासनाने घेतला. यामुळे आता यशवंत कारखाना भाडेतत्त्वावर सुरू करण्यासाठी अवसायकांनी धडपड सुरू केली आहे. 

 हवेली तालुक्यातील थेऊर परिसरातील यशवंत कारखान्याचे धुराडे पेटल्यास अनेक गावांची आर्थिक सुबत्ता परत येण्याची शक्यता व्यक्त केली जात आहे. आर्थिक शिस्त न पाळल्यामुळे २०११ मध्ये शेवटचा हंगाम घेत ‘यशवंत’चा बॉयलर थंडावला. त्यानंतर गेल्या सहा हंगामांपासून या कारखान्याचा बॉयलर पुन्हा पेटलेला नाही. त्याचा फटका शेतकऱ्यांना बसला आहे.