agriculture news in marathi, Yavatmal cotton farmers get relief for government norms | Agrowon

यवतमाळात पीक कापणी प्रयोगाची अट रद्द
टीम अॅग्रोवन
बुधवार, 21 मार्च 2018

यवतमाळ  : खरीप हंगामात कपाशीवर गुलाबी बोंड अळीचा मोठ्या प्रमाणात प्रादुर्भाव झाला. जिल्ह्यातील साडेतीन लाख शेतकऱ्यांचे नुकसान ३३ टक्केच्या वर झाल्याचे पंचनाम्यात समोर आले. मदत देण्यासंदर्भात शासनाने काढलेल्या २३ फेब्रुवारीच्या आदेशात पीक कापणी प्रयोगाची अट टाकल्याने शेतकऱ्यांची संख्या कमी झाली होती. या विरोधात शेतकऱ्यांनी आवाज उठवल्यावर अखेर हा शासन निर्णय रद्द करण्यात आला. परिणामी, पंचनाम्यातील साडेतीन लाख शेतकऱ्यांचा मदतीचा मार्ग मोकळा झाला आहे.

यवतमाळ  : खरीप हंगामात कपाशीवर गुलाबी बोंड अळीचा मोठ्या प्रमाणात प्रादुर्भाव झाला. जिल्ह्यातील साडेतीन लाख शेतकऱ्यांचे नुकसान ३३ टक्केच्या वर झाल्याचे पंचनाम्यात समोर आले. मदत देण्यासंदर्भात शासनाने काढलेल्या २३ फेब्रुवारीच्या आदेशात पीक कापणी प्रयोगाची अट टाकल्याने शेतकऱ्यांची संख्या कमी झाली होती. या विरोधात शेतकऱ्यांनी आवाज उठवल्यावर अखेर हा शासन निर्णय रद्द करण्यात आला. परिणामी, पंचनाम्यातील साडेतीन लाख शेतकऱ्यांचा मदतीचा मार्ग मोकळा झाला आहे.

२०१७ च्या खरीप हंगामामध्ये कापूस पिकावर बोंड अळीचा प्रादुर्भाव झाला. त्यात कापूस पिकांचे मोठे नुकसान झाले. त्यानंतर शासनाने पंचनाम्याचे आदेश दिले. महसूल व कृषी विभागाच्या क्षेत्रीय अधिकाऱ्यांकडून संयुक्त पंचनामे करण्यात आले. जिल्ह्यातील तीन लाख ५८ हजार ४८५ शेतकऱ्यांचे नुकसान ३३ टक्केवर झाल्याचे समोर आले. त्यात जिरायती शेतकऱ्यांची संख्या तीन लाख ५६ हजार ७३६ तर बागायती शेतकऱ्यांची संख्या एक हजार ७४९ आहे. बाधित क्षेत्रफळ चार लाख ९१ हजार हेक्‍टरवर होते. त्यासाठी प्रशासनाने अहवाल पाठवीत ३४९ कोटींची मागणी शासनाकडे केली होती.

या अहवालानंतर शासनाने मदतीसाठी जाहीर केलेल्या निर्णयात अनेक अटी घालण्यात आल्या. त्यात पंतप्रधान पीकविमा योजनेखाली करण्यात आलेल्या पीक कापणी प्रयोगाच्या आधारे मदत देण्यासंदर्भाची अट होती. या अटीमुळे जिल्ह्यातील १०१ महसुली मंडळांपैकी ४१ मंडळे बाद झाली होती. परिणामी, तब्बल एक लाख ३५ हजार ४२५ शेतकरी बोंड अळीच्या मदतीपासून मुकण्याची शक्‍यता वर्तविण्यात येत होती. २३ फेब्रुवारीच्या शासन निर्णयास शेतकऱ्यांकडून कडाडून विरोध झाला. शेतकऱ्यांमध्ये निर्माण होणारा रोष पाहता शासनाने ती अट रद्द करीत असल्याचा शासन निर्णय १७ मार्चला निर्गमित केला. त्यामुळे नुकसानाची मदत मंडळनिहाय न मिळता पंचनाम्याच्या आधारे दिली जाणार आहे. 

प्रशासनाचा पाठपुरावा
बोंड अळीच्या प्रादुर्भावामुळे कापूस पिकांच्या झालेल्या नुकसानामुळे जिल्ह्यातील अनेक शेतकऱ्यांवर मोठे संकट ओढवले होते. त्यात पीक कापणी प्रयोगाच्या अटीने भर घातली. ही अट रद्द करण्यात यावी, यासाठी शेतकऱ्यांनी शासनावर दबाव टाकला. त्यासंदर्भात प्रशासनानेही पाठपुरावा केल्याने शेतकऱ्यांच्या पदरी हे मोठे यश पडल्याचे मानले जाते.

इतर बातम्या
नगर जिल्हा परिषदेचे उद्या अंदाजपत्रकनगर : जिल्हा परिषदेची अंदाजपत्रकीय विशेष सभा...
सौरपंपांपासून साडेचार हजार शेतकरी वंचितजळगाव : मुख्यमंत्री सौरकृषिपंप योजनेच्या लाभासाठी...
सौर कृषिपंप योजनेच्या लाभार्थ्यांचा...सोलापूर : शेतकऱ्यांना सौरऊर्जेद्वारे दिवसाही...
औरंगाबादेत द्राक्ष प्रतिक्विंटल ३५०० ते...औरंगाबाद : येथील कृषी उत्पन्न बाजार समितीमध्ये...
‘स्वराज्य स्वर्णिम' योजनेद्वारे गड-...पुणे ः ग्रामीण पर्यटनातून रोजगार निर्मितीला...
कार्यकर्त्यांवर दडपशाही करून लाँग मार्च...नगर ः सरकारच्या विश्वासघाताविरोधात २०...
विठ्ठल विठ्ठल गजरी, अवघी दुमदुमली पंढरीपंढरपूर, जि. सोलापूर: माघ वारीसाठी (जया...
शिवसेना-भाजपचे युतीच्या दिशेने पुढचे...मुंबई: लोकसभा निवडणुकीतील युतीसाठी शिवसेना-...
महिला सक्षमीकरणाला गती : नरेंद्र मोदी यवतमाळ : यवतमाळसह राज्यात महिला बचत गटांचे...
द्राक्षाला निर्यातीची गोडीमुंबई  ः यंदा देशातील द्राक्ष हंगामावर...
राज्यात थंडी वाढली, निफाड पुन्हा ६...पुणे: वातावरणात झालेल्या बदलामुळे वाढलेले किमान...
दहशतवादी आणि त्यांच्या पाठिराख्यांना...पांढरकवडा : आपल्या लष्कराबद्दल आपल्याला गर्व आहे...
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
'मंडळात एकच छावणी'च्या निकषात बदल नगर  : दुष्काळाच्या पार्श्वभूमीवर जिल्ह्यात...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...
लोकसभेसाठी माढ्यातून तुल्यबळ उमेदवारकऱ्हाड : लोकसभेसाठी माढा मतदारसंघात भारतीय जनता...