agriculture news in marathi, This year thirty percent Raisin production will be in state | Agrowon

बेदाण्याचे यंदा तीस टक्केच उत्पादन
अभिजित डाके
रविवार, 18 मार्च 2018

सांगली : राज्यात दरवर्षी सुमारे २ लाख टन बेदाण्याचे उत्पादन होते. मात्र, अवकाळी पावसामुळे द्राक्ष बागांचे मोठ्या प्रमाणात नुकसान आणि तीन वर्षांपासून बेदाण्याला अपेक्षित दर नसल्याने शेतकऱ्यांनी द्राक्ष निर्यातीस प्राधान्य दिल्याने राज्यात यंदा बेदाण्याचे २५ ते ३० टक्केच उत्पादन होण्याचा अंदाज आहे. 

सांगली : राज्यात दरवर्षी सुमारे २ लाख टन बेदाण्याचे उत्पादन होते. मात्र, अवकाळी पावसामुळे द्राक्ष बागांचे मोठ्या प्रमाणात नुकसान आणि तीन वर्षांपासून बेदाण्याला अपेक्षित दर नसल्याने शेतकऱ्यांनी द्राक्ष निर्यातीस प्राधान्य दिल्याने राज्यात यंदा बेदाण्याचे २५ ते ३० टक्केच उत्पादन होण्याचा अंदाज आहे. 

राज्यातील सांगली, सोलापूर, नाशिक जिल्ह्यांत बेदाणा उत्पादन केले जाते. यंदा द्राक्ष हंगाम चांगला जाईल अशी आशा द्राक्ष उत्पादक शेतकऱ्यांना होती. मात्र, फळ छाटणीनंतर द्राक्ष बागेचे मोठ्या प्रमाणात नुकसान झाले. अपेक्षित दराअभावी बेदाणा निर्मिती करण्याऐवजी द्राक्षाची विक्री करण्याचे शेतकऱ्यांनी ठरवले आहे. द्राक्षापासून बेदाणा तयार करण्यासाठी २५ टक्के खर्चात वाढ होते. अपेक्षित दर मिळत नसल्याने शेतकरी नुकसानीत जात असल्याने यंदा बेदाणा उत्पादनात २५ ते ३० टक्के घट होण्याचा अंदाज अभ्यासकांनी व्यक्त केला आहे. 

बेदाणा निर्मितीसाठी लागणारा वेळ आणि होणारा खर्च, मिळणारा दर यांमुळे शेतकऱ्यांना आर्थिक ताळमेळ घालणे मुश्‍कील झाले आहे. त्यामुळे द्राक्ष उत्पादक शेतकरी बेदाणाऐवजी ‘टेबल ग्रेप्स’ करण्याकडे वळले आहेत. 

कर्नाटक राज्यात दरवर्षी ६० ते ७० हजार टन बेदाण्याचे उत्पादन होते, तोही बेदाणा तासगाव बाजार समितीत विक्रीला येतो. यंदा या राज्यातील बेदाणा उत्पादक शेतकऱ्यांनी थेट द्राक्षाची विक्री केली असल्याचे तासगाव बाजार समितीच्या सूत्रांनी सांगितले. यामुळे दरवर्षीच्या उत्पादनापेक्षा यंदा या राज्यात २० हजार टनाने उत्पादन घटेल असा अंदाज आहे. 

बेदाण्याला तीन वर्षांपासून अपेक्षित दर नाहीत. त्यातच बेदाण्याला जीएसटी लावला आहे. शासन, व्यापारी आणि बाजार समितींच्या चुकीच्या धोरणामुळे दराला फटका बसला आहे. बेदाण्याला अधिक दर मिळावा, यासाठी शासन आणि बाजार समितीने ठोस पाऊले उचलावित अशी शेतकऱ्यांची अपेक्षा आहे. 

फळ छाटणीच्यावेळी अवकाळी पावसाने झालेल्या नुकसानीचा फटका बेदाणा उत्पादनावर झाला आहे. त्यामुळे बेदाण्याचे उत्पादनात घट होण्याची शक्‍यता आहे. राज्यातील बेदाण्याचे उत्पादन किती होईल हे एप्रिल महिन्याच्या अखेर स्पष्ट होईल.
- सुभाष आर्वे
अध्यक्ष, राज्य द्राक्ष बागायतदार संघ

गेल्या तीन वर्षांपासून बेदाण्याच्या दरात वाढ झाली नाही. त्यामुळे द्राक्ष उत्पादक शेतकरी द्राक्षाची निर्यात करण्यासाठी पुढे आले आहेत. बेदाण्याचे दरवाढीसाठी शासन आणि बाजार समितीने ठोस धोरण राबविण्याची गरज आहे. तरच बेदाणा उत्पादकांना चांगले दिवस येतील.
- एन. बी. म्हेत्रे, 
बेदाणा तज्ज्ञ, तासगाव.

बेदाण्याचे उत्पादनात घट झाली, तरी बेदाण्याच्या दरात वाढ होईल अशी आशा आहे.
- श्री. पदमन, बेदाणा उत्पादक शेतकरी, वाळवा, 
जि. सांगली.

इतर अॅग्रो विशेष
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...
निर्यात कोट्यावरून साखर उद्योगात घमासानपुणे : देशात साखरेचा अफाट साठा तयार होत असताना...
शेतकऱ्यांचा जीवनसंघर्ष २०१८ मध्येही...मुंबई : गेल्या चार वर्षांत सिंचन सोडून कृषीच्या...
मध्य महाराष्ट्र, मराठवाडा, विदर्भात...पुणे : पूर्व आणि पश्चिमेकडून वाहणाऱ्या...
हवामान बदलांमुळे दारिद्र्य वाढण्याचा...नवी दिल्ली : हवामानबदलांचा प्रश्न अतिशय गंभीर आहे...
हिमवृष्टीमुळे काश्‍मीर, हिमाचल गारठले;...नवी दिल्ली : हिमवृष्टीमुळे काश्‍मिरसह हिमाचल...
‘रेसिड्यू फ्री’ शेतीतून गुणवत्ताप्राप्त...स्थावर मालमत्ता व्यावसायिक उद्योगातील दोन...
प्रतिष्ठा जपण्यासाठी शेतकऱ्यांच्या...नाशिक : यवतमाळमधील साहित्य संमेलनाचे उद्‌घाटन...
शेतकऱ्यांच्या परदेश अभ्यास दौऱ्यास अखेर...पुणे  ः गेल्या तीन वर्षांपासून बंद...
संत्रा निर्यातीला कृषी विभाग देणार...नागपूर : अपेडाने संत्रा क्‍लस्टरला पहिल्यांदाच...
विदर्भात गुरुवारपासून तुरळक पावसाचा...पुणे   : राज्यातील गारठा कमी झाल्यांनतर...
चढ्या दराचा फायदा कोणाला?मागील दोन दिवसांपासून सोयाबीनचे दर वाढत आहेत....
अतिखोल भूजलाचा उपसा घातकचपर्यावरणाचा नाश कोणी केला? या एका प्रश्नाला अनेक...