agriculture news in marathi, Yield at half the cost of production | Agrowon

उत्पादन खर्चाच्या निम्म्यावर उत्पन्न
टीम अॅग्रोवन
बुधवार, 8 नोव्हेंबर 2017

माळाकोळी, जि. नांदेड : अनियमीत पावसाचा फटका सलग पाचव्या वर्षीही येथील शेतकऱ्यांना बसला आहे. पेरणीनंतर पडलेल्या पावसाचा खंड व परतीच्या माॅन्सूनमुळे झालेले सोयाबीन पिकाचे नुकसान, यामुळे यावर्षीही माळाकोळी परिसरातील सोयाबीन, उडीद, मूग या पिकांचे उत्पन्न तीस टक्क्‍यांवर आले आहे. यामध्ये उत्पादन खर्च वाढला असून उत्पन्न खर्चापेक्षा निम्म्यावर आल्यामुळे शेतकऱ्यांचे आर्थिक गणित बिघडले आहे.

माळाकोळी, जि. नांदेड : अनियमीत पावसाचा फटका सलग पाचव्या वर्षीही येथील शेतकऱ्यांना बसला आहे. पेरणीनंतर पडलेल्या पावसाचा खंड व परतीच्या माॅन्सूनमुळे झालेले सोयाबीन पिकाचे नुकसान, यामुळे यावर्षीही माळाकोळी परिसरातील सोयाबीन, उडीद, मूग या पिकांचे उत्पन्न तीस टक्क्‍यांवर आले आहे. यामध्ये उत्पादन खर्च वाढला असून उत्पन्न खर्चापेक्षा निम्म्यावर आल्यामुळे शेतकऱ्यांचे आर्थिक गणित बिघडले आहे.

माळाकोळी व परिसरात नव्वद टक्‍क्‍यांपेक्षा जास्त कोरडवाहू जमीन आहे. येथील शेतकरी हा पूर्णत; निसर्गावरच अवलंबून आहे. मागील पाच वर्षांपासून कधी अल्पवृष्टी तर कधी अतिवृष्टी तसेच अनियमित पाऊस यामुळे नापिकी होत आहे. मात्र शेतीतील उत्पादन खर्च दरवर्षी वाढतच जात आहे. खते, बियाणे, औषधे, रोजगार, शेती अवजारे यांचा खर्च वाढतच जात आहे. दरवर्षीच्या नापिकीमुळे शेतकरी कर्जाच्या खाईत लोटला जात आहे.

यावर्षी जून महिन्यात समाधानकारक पाऊस झाल्यानंतर शेतकऱ्यांनी मोठ्या उत्साहात पेरण्या केल्या. मात्र त्यानंतर सलग वीस ते बावीस दिवसांचा पावसाचा खंड पडला. यामुळे सोयाबीन, उडीद, मूग या पिकांना मोठ्या प्रमाणावर फटका बसला. तसेच काढणीची वेळी झालेल्या परतीच्या पावसामुळे सोयाबीन, ज्वारी शेतातच फुटणे, काळवंडणे हा प्रकार झाला. या सर्वांचा एकत्रित परिणाम पिकाच्या आणेवारीवर झाला.

साधारणपणे सोयाबीन, ज्वारी, मूग उडीद या पिकांना नांगरणी ते मळणीपर्यंतचा एकरी पंधरा ते अठरा हजार रुपये खर्च येतो. तर उत्पादन हे एकरी आठ ते दहा क्विंटल अपेक्षीत असते. मात्र यावेळी एकरी उत्पादन सव्वा ते दीड क्विंटल झाले आहे. म्हणजेच पस्तीसशे ते चार हजार रुपये उत्पन्न आणि खर्च पंधरा ते अठरा हजार एवढा झाला आहे. त्यामुळे शेतकऱ्यांचे आर्थिक गणित कोलमडले आहे.

बालाजी बापुराव तिडके यांच्या शेतात महसूल विभागाच्या कर्मचाऱ्यांनी आणेवारी काढली असता ही आणेवारी प्रतिएकर सव्वा क्विंटल निघाली. याशिवाय हारीबाई गिरी, शामसिंह बयास, शिवाजी तिडके, रमेश तिडके, माउली गिते यांच्या शेतातील सोयाबीन पिकाची मळणी झाली असून यांचेही सोयाबीन, मूग, उडीद व ज्वारी पिकाचे उत्पन्न हे एकरी सव्वा ते दीड क्विंटल निघाले आहे.

यातही परतीच्या माॅन्सूनचा फटका सोयाबीनला बसल्यामुळे खराब झालेल्या सोयाबीनला हजार ते बाराशे रुपयेच भाव मिळतो आहे. परिस्थिती अशीच राहिली तर शेतकऱ्यांना मोठ्या संकटाला सामोरे जावे लागणार हे स्पष्ट आहे. यामुळे पिकांची योग्य आणेवारी काढून आर्थिक मदत द्यावी, अशी मागणी शेतकऱ्यांमधून होत आहे.

इतर ताज्या घडामोडी
'इस्मा'च्या उपाध्यक्षपदी रोहित पवार...शिर्सुफळ, ता. बारामती, जि, पुणे : इंडियन...
नवसंशोधनातून हवामान बदलावर करा मातहवामान बदलासाठी मानवाचा नैसर्गिक संतुलनात अवाजवी...
दूध का नासले?राज्यात दुधाच्या दराच्या मुद्यावरून सहकारी दूध...
डाळिंबाच्या प्रश्‍नापासून सरकारने पळ...निमगाव केतकी, जि. पुणे ः सरकारच्या...
आधार लिंकची मुदत आता ३१ मार्चनवी दिल्ली: सर्वोच्च न्यायालयाने आज (शुक्रवार)...
अंतराळात 'केप्लर-९०आय' हे नवीन सौर मंडळ...नवी दिल्ली: नासाच्या मोठ्या केप्लर डिस्कव्हरी या...
खेड शिवापूर येथे उभारणार उपबाजार पुणे ः पुणे बाजार समितीमधील वाढलेले व्यवहार आणि...
अकोला जिल्ह्यातील सिंचन प्रकल्प तातडीने...अकोला : सिंचन आणि पिण्याच्या पाण्यासाठी...
कोल्हापूर बाजार समिती करणार बीओटी...कोल्हापूर : कोल्हापूर बाजारसमितीला स्वत: शीतगृह...
बोंडअळीग्रस्त कपाशीचे पंचनामे सुरूपरभणी : जिल्ह्यात यंदाच्या खरीप हंगामात...
विदर्भातील प्रक्रिया उद्योगांसाठी लवकरच...नागपूर : ज्यूस उद्योग तसेच प्रक्रियेकामी उपयोगी...
गुजरातमध्ये भाजपच येणार; राहुल गांधींचा...अधिकृतरित्या राहुल गांधी अध्यक्ष झाल्यामुळे...
भाजपा सरकार आरक्षण विरोधी : धनंजय मुंडेनागपूर : सरकारला मराठा असेल, मुस्लिम असेल, धनगर,...
ड्रोनद्वारे निश्‍चित होणार उजनीवरील...सोलापूर - जिल्ह्याची वरदायिनी असलेल्या उजनी...
शेतकरी संघटनेचे आधारस्तंभ रवी देवांग...धुळे : शरद जोशीप्रणीत शेतकरी संघटनेचे माजी...
बोंड अळी लक्षवेधीवरून विरोधक भडकलेनागपूर : विदर्भ, मराठवाडा आणि खानदेशातील कापूस...
शरद जोशीप्रणीत शेतकरी संघटना रस्त्यावर...शेगाव, जि. बुलडाणा : सध्या देशातील सरकारची धोरणे...
कर्जमाफीच्या मुद्द्यावरून विधान परिषदेत...नागपूर : कर्जमाफीच्या मुद्द्यावरून...
ऋतुमानानुसार अारोग्याची काळजीऋतुनुसार काही आवश्‍यक बदल काही पथ्ये सांभाळावी...
सालीसह फळे खाण्याचे फायदेफळांच्या गरात फायबरचे प्रमाण चांगले असते. ए, बी,...