पुणे जिल्हा परिषदेमार्फत गाय खरेदीसाठी ४५ हजारांपर्यंत अनुदान

पुणे  : जिल्हा परिषद कृषी विभागामार्फत राबविण्यात येणाऱ्या नैसर्गिक सेंद्रिय शेतीस प्रोत्साहन योजनेतून शेतकऱ्यांना गीर, थारपारकर, साहिवाल गाय खरेदीसाठी ७५ टक्के किंवा ४५ हजार रुपये यापेक्षा कमी असलेल्या रकमेचे अनुदान देण्यात येत आहे. यासाठी शेतकऱ्यांनी १३ जुलैपर्यंत पंचायत समिती कार्यालयात अर्ज सादर करावेत, असे आवाहन जिल्हा परिषदेचे अतिरिक्त मुख्य कार्यकारी अधिकारी नृसिंह मित्रगोत्री यांनी केले आहे.  

नैसर्गिक सेंद्रिय शेतीस प्रोत्साहन देण्यासाठी कृषी विभागाकडून गाय खरेदीकरिता अनुदान, ठिबक सिंचन संचासाठी प्रोत्साहन अनुदान, शेतकरी प्रशिक्षण, अभ्यास दौरा, गांडूळखत निर्मिती संयत्र, जैविक खते, कीटकनाशके, बायोडानॅमिक खत युनिटसाठी प्रोत्साहन अनुदान, हिरवळीचे खते आदी    आवश्‍यक बाबींसाठी अनुदानाचा लाभ देण्यात येईल.

योजनेत गायीसह अन्य सर्व घटकांचा लाभ घेतल्यास जास्तीत जास्त ७० हजार रुपयांपर्यंत लाभ मिळणार आहे. ही खरेदी कॅशलेस पद्धतीने करणे बंधनकारक आहे. योजनेचे विहित नमुन्यातील अर्ज ग्रामपंचायत, पंचायत समिती कार्यालय व जिल्हा परिषदेच्या www.punezp.org या संकेतस्थळावर उपलब्ध आहेत. हे अर्ज भरून पंचायत समिती कार्यालयात सादर करायचे आहेत, अधिक  माहितीसाठी पंचायत समिती कार्यालयाशी संपर्क साधण्याचे आवाहन करण्यात आले आहे.

योजनेसाठी अावश्यक कागदपत्रे व निकष