राष्ट्रीय कृषी विकास योजनेसाठी पावणेतीन कोटींची तरतूद

संग्रहित छायाचित्र
संग्रहित छायाचित्र

परभणी : राष्ट्रीय कृषी विकास योजनेअंतर्गत २०१७-१८ मध्ये जिल्ह्यात शेडनेट हाऊस, हरितगृह, कांदा चाळी उभारणी, शेततळ्यांचे अस्तरीकरण, मल्चिंग, यांत्रिकीकरणासाठी २ कोटी ७७ लाख ४७ हजार रुपये निधीची तरतूद आहे. या योजनेअंतर्गत कामे पूर्ण केलेल्या लाभार्थी शेतकऱ्यांनी अनुदानासाठी संबंधीत तालुका कृषी अधिकारी कार्यालयाकडे माहिती अहवाल सादर करणे आवश्यक आहे, असे जिल्हा अधीक्षक कृषी अधिकारी बी. आर. शिंदे यांनी सांगितले.

राष्ट्रीय कृषी विकास योजनेअंतर्गत २७ शेडनेट हाऊस उभारणीचे उद्दिष्ट असून, त्यासाठी ६१ लाख २५ हजार रुपये निधीची तरतूद आहे. त्यापैकी १८ शेडनेटहाऊसची कामे सुरू झाली आहेत. १५ हरितगृहाचे उद्दिष्ट असून, त्यासाठी ७० लाख ६५ हजार रुपये निधीची तरतूद आहे. सध्या १३ हरितगृहाची कामे सुरू झाली आहेत. तसेच १ हजार ७५० टन कांदा साठवण क्षमतेच्या एकूण ७० कांदा चाळी उभारण्याचे उद्दिष्ट असून त्यासाठी ६१ लाख २५ हजार रुपये निधीची तरतूद आहे. ३.२ हेक्टरवर मल्चिंग चे उद्दिष्ट असून, त्यासाठी ५१ हजार रुपयांची तरतूद आहे.

दरम्यान, ५८ शेततळ्यांच्या अस्तरिकरणासाठी ४० लाख रुपये निधीची तरतूद आहे. त्यापैकी ३१ शेततळ्यांच्या अस्तरिकरणाचे काम सुरू झाले आहे. ५६ ट्रॅक्टर वाटपाचे उद्दिष्ट आहे. त्यासाठी २६ लाख २२ हजार रुपये निधीची तरतूद आहे. राष्ट्रीय कृषी विकास योजनेअंतर्गत विविध कामांसाठी २ कोटी ७७ लाख ४७ हजार रुपये निधीची तरतूद आहे. परंतु आजवर केवळ ८८ हजार रुपये एवढा निधी खर्च झाला आहे.

पूर्वसंमतीनंतर कार्यारंभ आदेश दिलेल्या शेतकऱ्यांनी कामे सुरू केली आहेत. परंतु,, कामे पूर्ण झालेल्या शेतकऱ्यांनी संबंधीत तालुका कृषी अधिकारी कार्यालयाकडे अहवाल तसेच मोजमाप पुस्तिका सादर केलेल्या नाहीत.

राष्ट्रीय कृषी विकास योजनेसोबतच राष्ट्रीय फलोत्पादन अभियान अंतर्गत सघन पेरू लागवड, फुले लागवड, शेडनेट हाऊस, यांत्रिकीकरण, पॅक हाऊस आदी कामे पूर्ण केलेल्या लाभार्थी शेतकऱ्यांनीदेखील तालुका कृषी अधिकारी कार्यालयाकडे माहिती सादर करावी. त्यानंतर जिल्हा अधीक्षक कृषी अधिकारी कार्यालयाकडून लाभार्थी शेतकऱ्यांना अनुदान वितरित करण्यात येईल असे श्री. शिंदे यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com