साताऱ्यात शेवगा ८०० ते १००० रुपये दहा किलो

सातारा : येथील कृषी उत्पन्न बाजार समितीत बुधवारी (ता. ८) शेवगा, दोडका, कारली, भेंडी, टोमॅटोचे दर तेजीत होते. दुधी भोपळ्याच्या आवकेत वाढ झाली. शेवग्याची दोन क्विंटल आवक झाली. शेवग्यास ८०० ते १००० रुपये प्रतिदहा किलो असा दर मिळाला. गुरुवारच्या तुलनेत शेवग्याच्या दरात दहा किलोमागे २०० रुपयांनी वाढ झाली असल्याची माहिती बाजार समितीच्या सूत्रांनी दिली आहे. 

बाजार समितीत दोडक्‍याची दोन क्विंटल आवक झाली. दोडक्‍यास ४०० ते ५०० रुपये प्रतिदहा किलो असा दर मिळाला. दोडक्‍याच्या दरात दहा किलोमागे शंभर रुपयांनी वाढ झाली. कारल्याची तीन क्विंटल आवक झाली. कारल्यास ३०० ते ३५० रुपये प्रतिदहा किलो असा दर मिळाला. भेंडीची तीन क्विंटल आवक झाली. भेंडीला ३५० ते ४०० रुपये प्रतिदहा किलो असा दर मिळाला. टोमॅटोची २३ क्विंटल आवक झाली.

टोमॅटोला ३०० ते ४०० रुपये प्रतिदहा किलो असा दर मिळाला. कारली, भेंडी, टोमॅटोच्या दरात दहा किलोमागे ५० रुपयांनी वाढ झाली. ढोबळी मिरचीची सात क्विंटल आवक झाली. ढोबळी मिरचीस ४०० ते ४५० रुपये प्रतिदहा किलो असा दर मिळाला. हिरवी मिरचीची १७ क्विंटल आवक झाली. मिरचीस २०० ते २५० रुपये प्रतिदहा किलो असा दर मिळाला. पावट्याची पाच क्विंटल आवक झाली. पावट्यास ४०० ते ४५० रुपये प्रतिदहा किलो असा दर मिळाला. वाटाण्याची पाच क्विंटल आवक झाली.

वाटाण्यास ८०० ते १००० रुपये प्रतिदहा किलो असा दर मिळाला. फ्लॉवरची २१ क्विंटल आवक झाली. फ्लॉवरला २५० ते ३०० रुपये प्रतिदहा किलो असा दर मिळाला. गाजराची दोन क्विंटल आवक झाली. गाजरास ४०० ते ५०० रुपये प्रतिदहा किलो असा दर मिळाला. काळा घेवडाची दोन क्विंटल आवक झाली. यास ५०० ते ६०० रुपये प्रतिदहा किलो असा दर मिळाला. दुधी भोपळ्याची दोन क्विंटल आवक झाली. यास १५० ते २००रुपये प्रतिदहा किलो असा दर मिळाला. 

पालेभाज्यांमध्ये मेथीची १६०० जुड्या आवक झाली. मेथीस शेकड्यास १००० ते १४०० रुपये असा दर मिळाला. कोथिंबिरीची २१०० जुड्या आवक झाली. कोथिंबिरीस शेकडा ५०० ते १००० रुपये असा दर मिळाला.