परभणी : येथील जुना मोंढा भागातील फळे-भाजीपाला मार्केटमध्ये बुधवारी (ता. २८) फ्लाॅवरची ३५ क्विंटल आवक झाली. फ्लॉवरला ३०० ते ७०० रुपये क्विंटल दर मिळाल्याची माहिती मार्केटमधील सूत्रांनी दिली.
बाजार समितीत पालेभाज्यांमध्ये पालकाची २५ क्विंटल आवक झाली. पालकाला ३०० ते ५०० रुपये क्विंटल दर मिळाले. चुक्याची १० क्विंटल आवक झाली. त्यास ५०० ते १००० रुपये क्विंटल असे दर मिळाले. मेथीच्या ३० हजार जुड्यांची आवक झाली. मेथीस प्रतिशेकडा १०० ते २०० रुपये दर मिळाले. शेपूची २० क्विंटल आवक झाली. शेपूला ६०० ते १२०० रुपये क्विंटल असे दर मिळाले.कोथिंबिरीची ८० क्विंटल आवक झाली. कोथिंबीरीला ५०० ते १५०० रुपये क्विंटल दर मिळाले.
वांग्याची ४० क्विंटल आवक झाली. वांग्याला ४०० ते ८०० रुपये क्विंटल असे दर मिळाले. टोमॅटोची ७०० क्विंटल आवक झाली. त्यास २०० ते ४०० रुपये क्विंटल असे दर मिळाले. हिरव्या मिरचीची ४० क्विंटल आवक झाली. हिरव्या मिरचीला २५०० ते ३५०० रुपये क्विंटल असे दर मिळाले. ढोबळी मिरचीची १० क्विंटल आवक झाली. ढोबळी मिरचीला २००० ते २५०० रुपये क्विंटल असे दर मिळाले.
मार्केटमध्ये भेंडीची ८ क्विंटल आवक झाली. भेंडीला २५०० ते ३००० रुपये क्विंटल दर मिळाले. कोबीची ४० क्विंटल आवक झाली. कोबीला ३०० ते ६०० रुपये क्विंटल दर मिळाले. दोडक्याची ७ क्विंटल आवक झाली. दोडक्याला २५०० ते ३००० रुपये क्विंटल असे दर मिळाले. कारल्याची १० क्विंटल आवक झाली. कारल्यास १५०० ते २५०० रुपये क्विंटल असे दर मिळाले. काकडीची ४० क्विंटल आवक झाली. काकडीला ४०० ते १००० रुपये क्विंटल दर मिळाले.
शेंगवर्गीय भाज्यांमध्ये शेवग्याची १० क्विंटल आवक होती. शेवग्याला १००० ते २५०० रुपये क्विंटल असे दर मिळाले. गाजराला ३०० ते ६०० रुपये क्विंटल असे दर मिळाले.
