agriculture news in marathi,District Bank rejects report of Renuka Devi | Agrowon

नाशिक जिल्हा बँकेने रेणुकादेवी संस्थेचा अहवाल फेटाळला
टीम अॅग्रोवन
शुक्रवार, 22 मार्च 2019

नाशिक : जिल्हा सहकारी बँकेच्या संचालक मंडळासमोर थकबाकीदार रेणुका महिला सहकारी सूतगिरणी संदर्भातील चाचणी लेखापरीक्षण अहवाल सादर करण्यात आला. तो फेटाळण्यात आला. 

नाशिक : जिल्हा सहकारी बँकेच्या संचालक मंडळासमोर थकबाकीदार रेणुका महिला सहकारी सूतगिरणी संदर्भातील चाचणी लेखापरीक्षण अहवाल सादर करण्यात आला. तो फेटाळण्यात आला. 

जिल्हा बँकेची मासिक सभा अध्यक्ष केदा आहेर यांच्या अध्यक्षतेखाली झाली. बँकेच्या माध्यमातून ३४७ कोटींचे अनियमित कर्ज वितरण केल्याने आजी माजी संचालकांसह सुमारे ७२ अधिकाऱ्यांची कलम ८८ नुसार चौकशी सुरू आहे. यामध्ये ज्या संस्थांना कर्ज वितरित करण्यात आले, त्यापैकी मालेगाव तालुक्यातील रेणुकादेवी यंत्रमाग औद्योगिक सहकारी संस्थेला २०१२-१३ या आर्थिक वर्षात ७ कोटी ४६ लाख रुपयांचे कर्ज वितरित करण्यात आले. या कर्जाची वसुली वेळेत न झाल्यामुळे थकबाकी १६ कोटी ५३ लाखांवर गेली. थकबाकी वसूल करण्यासाठी जिल्हा बँकेने संस्थेची मालमत्ता जप्त केली.

या प्रकरणात संबंधित संस्थेवर गुन्हा दाखल करण्यासाठी पोलिस स्टेशनला पत्र देण्यात आले. मात्र पत्रात आर्थिक फसवणूक कशी झाली, याचा उल्लेख नसल्याने पोलिसांनी जिल्हा बँकेकडे अहवालाची मागणी केली. त्यानुसार जिल्हा बँकेने विभागीय सहनिबंधकांकडे मागणी करून अहवाल मागितला होता. सहकार विभागाचे विशेष लेख परीक्षक जी. बी. वाघ यांनी लेखापरीक्षण करून विभागीय सहनिबंधकांना जानेवारी महिन्यात अहवाल सादर केला. हा अहवाल त्यानंतर बँकेलाही प्राप्त झाला.

संबंधित अहवाल जिल्हा बँकेच्या संचालक मंडळासमोर ठेऊन रेणुकादेवी सूतगिरणी संस्थेला दिलेल्या कर्जाचा विनियोग कसा करण्यात आला, याची नोंद नसल्याचा आक्षेप घेत अहवाल विभागीय सहनिबंधकांकडे परत पाठविण्याचा निर्णय घेतला असल्याचे समजते. या संस्थेवर कारवाई करण्याचा निर्णय बैठकीत घेण्यात आल्याचे सांगण्यात येते.

इतर ताज्या घडामोडी
अकोल्यात तूर प्रतिक्विंटल ४२०० ते ५४००...अकोला ः स्थानिक कृषी उत्पन्न बाजार समितीत...
प्रतिष्ठेच्या माढ्यात मतदानासाठी चुरस सोलापूर : संपूर्ण राज्याचे लक्ष वेधलेल्या व...
सांगली काही ठिकणी ‘ईव्हीएम’च्या...सांगली ः जिल्ह्यात लोकसभेसाठी झालेल्या मतदानावेळी...
कोल्हापूर, हातकणंगले मतदारसंघात चुरशीने...कोल्हापूर : लोकसभेच्या कोल्हापूर आणि हातकणंगले...
मोदी यांच्या सभेसाठी कांदा लिलाव बंदनाशिक : नाशिक व दिंडोरी लोकसभा मतदारसंघातील...
परभणी ः दूध संकलनात सात लाख ८९ हजार...परभणी ः शासकीय दूध योजनेअंतर्गंत परभणी दुग्धशाळेत...
राज्यात तिसऱ्या टप्प्यात शांततेत मतदानमुंबई :  लोकसभा निवडणुकीच्या तिसऱ्या...
लोकांचा कौल आघाडीलाच; पण ईव्हीएम...मुंबई : मी अनेक मतदारसंघांमध्ये फिरलो....
शिर्डी लोकसभा निवडणुकीसाठी वीस उमेदवार...नगर   : नगर लोकसभा मतदारसंघात मंगळवारी...
सोलापूर जिल्ह्यातील ६६२...सोलापूर  : लोकसभा निवडणुकीची धामधूम सुरू...
पुण्यात पाच वाजेपर्यंत ५३ टक्के मतदानपुणे  ः पुणे लोकसभा मतदारसंघात मंगळवारी (ता....
बारामतीत शांततेत मतदानपुणे  : बारामती लोकसभा मतदारसंघासाठी...
पुणे जिल्ह्यातील १४ कारखान्यांचा गाळप...पुणे  ः जिल्ह्यातील १४ साखर कारखान्यांचा...
बुलडाण्यात खरिपात सात लाख ३८ हजार...बुलडाणा  ः येत्या खरीप हंगामात जिल्हयात...
तुरीचे चुकारे रखडल्याने शेतकरी अडचणीत   संग्रामपूर, जि. बुलडाणा  : शासनाच्या हमीभाव...
नगर लोकसभा मतदारसंघात उत्साहात मतदाननगर ः नगर लोकसभा मतदारसंघात मंगळवारी (ता. २३)...
उपयोगानुसार वनशेतीसाठी वृक्षांची निवडवनशेतीसाठी मुख्यतः कोरडवाहू अथवा पडीक जमिनीची...
आंतरमशागतीसाठी अवजारेमकृवि चाकाचे हात कोळपे ः या अवजाराने आपण खुरपणी,...
एकलहरे वीज केंद्रात उभारली रोपवाटिकानाशिक : पर्यावरणाचा समतोल राखण्यासाठी...
जळगाव : निवडणुकीमुळे टॅँकरचे प्रस्ताव...जळगाव : खानदेशात दिवसागणिक पिण्याच्या...