आषाढी वारीत शासकीय महापूजेचा वेळ अर्ध्या तासाने कमी होणार

आषाढी वारीत शासकीय महापूजेचा वेळ अर्ध्या तासाने कमी होणार
आषाढी वारीत शासकीय महापूजेचा वेळ अर्ध्या तासाने कमी होणार

सोलापूर : आषाढी एकादशी दिवशीची श्री विठ्ठल-रुक्‍मिणीची पाद्यपूजा व मुख्यमंत्र्यांच्या हस्ते होणारी शासकीय महापूजा एकाच वेळी घेण्याचा विचार सुरू आहे. यामुळे पूजेसाठी लागणारा कालावधी किमान अर्ध्या तासाने कमी होईल, अशी माहिती पुणे विभागीय आयुक्त डॉ. दीपक म्हैसेकर यांनी पंढरपुरात दिली. या निर्णयामुळे वारकऱ्यांना दर्शनासाठी अर्धा-पाऊण तासाचा जादा वेळ मिळणार आहे. आषाढी यात्रा नियोजनासाठी पंढरपुरातील येथील विश्रामगृहात शासकीय अधिकाऱ्यांची बैठक पार पडली. त्यानंतर त्यांनी ही माहिती दिली. या वेळी विशेष पोलिस महानिरीक्षक डॉ. सुहास वारके, जिल्हाधिकारी डॉ. राजेंद्र भोसले, मुख्य कार्यकारी अधिकारी डॉ. राजेंद्र भारूड, अपर जिल्हाधिकारी रामचंद्र शिंदे, सोलापूर ग्रामीण पोलिस अधीक्षक मनोज पाटील, अतिरिक्त पोलिस अधीक्षक अतुल झेंडे, प्रांताधिकारी सचिन ढोले, तहसीलदार मधुसूदन बर्गे आदी उपस्थित होते.  डॉ. म्हैसेकर म्हणाले, दरवर्षी आषाढी एकादशी दिवशीची विठ्ठल-रुक्‍मिणीची पाद्यपूजा व मुख्यमंत्र्यांच्या हस्ते होणारी महापूजा वेगवेगळी केली जाते. या वर्षी प्रशासनाने सुचविलेल्या बदलानुसार विठ्ठल-रुक्‍मिणीची एकावेळी महापूजा केली जाणार आहे. महापूजा स्वतंत्र केल्यास अधिक वेळ लागतो. त्यामुळे प्रशासनाने महापूजेसाठी लागणारा वेळ कमी करण्यासाठी हा बदल सुचवला आहे. यंदाची आषाढी वारी ही "पर्यावरणपूरक वारी" करण्याचे नियोजन करण्यात आले आहे. त्याप्रमाणे सर्व शासकीय विभागातील संबंधित अधिकाऱ्यांना सूचना देण्यात आल्या आहेत. या वर्षी संत तुकाराम पालखी मार्गावर ६००, तर संत ज्ञानेश्‍वर महाराज पालखी मार्गावर ७०० स्वच्छतागृहे उपलब्ध करून दिली जाणार आहे. शहरातील वाहतूक व्यवस्था, फेरीवाल्यांचे अतिक्रमण, वाळवंटातील वाळूचोरी, नदीपात्रातील पाणीपातळी याविषयी अधिक लक्ष घालून संबंधित अधिकाऱ्यांना तातडीने त्यावर कारवाई करण्याच्या सूचना दिल्याचे म्हैसेकर यांनी नमूद केले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com