agriculture news in marathi,Farmers of Jalgaon awaiting compensation | Agrowon

जळगावातील शेतकरी नुकसानभरपाईच्या प्रतीक्षेत
टीम अॅग्रोवन
शनिवार, 11 ऑगस्ट 2018

जळगाव : मागील हंगामात शेतकऱ्यांना गुलाबी बोंड अळीचा मोठा फटका बसलेला असतानाच हेक्‍टरी सहा हजार ८०० सरसकट मदतनिधी वाटपाचा धडाका लावला. मात्र, अनेक कापूस उत्पादक नुकसानग्रस्त शेतकऱ्यांना तितका मदतनिधीही दिला जात नसल्याची बाब समोर आली आहे.

यावल तालुक्‍यातील सावखेडासीम येथील शेतकरी अनिल विश्राम पाटील यांचे अर्धा हेक्‍टर क्षेत्र बोंड अळीमुळे नुकसानग्रस्त झाले होते. त्यानुसार त्यांना तीन हजार ४०० रुपये रक्कम मिळणे अपेक्षित होते. परंतु त्यांना अर्धा हेक्‍टरपेक्षा कमी क्षेत्र गृहीत धरून प्रशासनाने फक्त तीन हजार रुपये मदतनिधी दिला आहे.

जळगाव : मागील हंगामात शेतकऱ्यांना गुलाबी बोंड अळीचा मोठा फटका बसलेला असतानाच हेक्‍टरी सहा हजार ८०० सरसकट मदतनिधी वाटपाचा धडाका लावला. मात्र, अनेक कापूस उत्पादक नुकसानग्रस्त शेतकऱ्यांना तितका मदतनिधीही दिला जात नसल्याची बाब समोर आली आहे.

यावल तालुक्‍यातील सावखेडासीम येथील शेतकरी अनिल विश्राम पाटील यांचे अर्धा हेक्‍टर क्षेत्र बोंड अळीमुळे नुकसानग्रस्त झाले होते. त्यानुसार त्यांना तीन हजार ४०० रुपये रक्कम मिळणे अपेक्षित होते. परंतु त्यांना अर्धा हेक्‍टरपेक्षा कमी क्षेत्र गृहीत धरून प्रशासनाने फक्त तीन हजार रुपये मदतनिधी दिला आहे.

जळगाव तालुक्‍यातील एका पूर्वहंगामी कापूस उत्पादकाला १३ हजार ५०० रुपये मदतनिधी मिळणे अपेक्षित होते. कारण त्यांच्या सातबारा उताऱ्यावर कूपनलिकेची नोंद आहे. एक हेक्‍टर बागायती कापूस, अशी नोंद त्यांनी केली होती. परंतु या शेतकऱ्यालाही कोरडवाहू क्षेत्रासंबंधीचा हेक्‍टरी सहा हजार ८०० रुपये मदतनिधी जाहीर केला आहे. जो मदतनिधी जाहीर केला आहे, तेवढाही प्रशासन देत नसून, परस्पर आकडे ठरविले जात आहेत.

टेबलावर बसून पंचनामे दाखविले. बागायती (पूर्वहंगामी) कापूस उत्पादक गृहीतच धरले नाहीत. सरसकट कोरडवाहू क्षेत्र गृहीत धरून हेक्‍टरी सहा हजार ८०० मदतनिधी देण्याचे प्रकार प्रशासन करीत असतानाच कोरडवाहू क्षेत्रासंबंधी जाहीर निधीही पुरेशा प्रमाणात प्रशासनातील कर्मचारी देत नसल्याचा आरोप शेतकऱ्यांनी केला आहे.

नवा कापूस हंगाम सुरू झाला तरी अजून मागील हंगामाच्या नुकसानीसंबंधीची रक्कम जिल्ह्यातील अनेक ठिकाणच्या कापूस उत्पादकांना मिळालेली नाही. यावल, रावेर, अमळनेर, पाचोरा भागांतील काही शेतकऱ्यांना हा मदतनिधी मिळाला आहे. जळगाव, चोपडा, भुसावळ तालुक्‍यातील अनेक शेतकऱ्यांना हा निधी मिळालेला नाही. शेतकरी विचारणा करायला गेले तर १५ ऑगस्टनंतर निधी मिळेल, असे उत्तर त्यांना दिले जाते.

‘‘नुकसानग्रस्त क्षेत्रासंबंधी ६०० रुपये कमी मिळाले आहेत. ही चूक कुणाची त्याचे उत्तर मिळत नाही. कारण यंत्रणा एकमेकांची नावे सांगते,’’ असे शेतकरी अनिल पाटील यांनी सांगितले.

इतर ताज्या घडामोडी
संघर्ष गोकुळ ‘मल्टिस्टेट’चाकोल्हापूर जिल्हा दूध संघ (गोकुळ) मल्टिस्टेट...
'दारुमुळे दरवर्षी अडीच लाखापेक्षा जास्त...नवी दिल्ली- दारूमुळे दरवर्षी जवळपास अडीच...
जालन्यात पाण्यात बुडून तिघांचा मृत्यूजालना : गणपती बाप्पांचे विसर्जन करताना जालना...
शिखर, रोहितने पाकला धुतले; भारत अंतिम...दुबई : पाकिस्तानने उभारलेल्या 237 धावांचा सहजी...
खानदेशात मध्यम पाऊस; नंदुरबारला हुलकावणीजळगाव : खानदेशात शुक्रवारी (ता.२१) मध्यरात्री व...
पुणे जिल्ह्यात ढगाळ हवामानपुणे  : जिल्ह्यात आठवड्याच्या सुरवातीला...
खानापूर घाटमाथ्यावर तीव्र पाणीटंचाई सांगली  : घाटमाथ्यावर पावसाने ओढ दिली आहे....
नगर जिल्ह्यात साडेसहा लाख हेक्‍टरवर...नगर  ः जिल्ह्यात रब्बी हंगामात सहा लाख ५२...
कौशल्यावर आधारित उपक्रम ‘रयत’मध्ये सुरू...सातारा  ः केवळ पुस्तकी नव्हे तर कौशल्यावर...
नियमित कर्ज भरणाऱ्या शेतकऱ्यांचा अकोला...अकोला  ः नियमित कर्जाची परतफेड करणाऱ्या...
सांगली जिल्ह्यात पाणीप्रश्‍न पेटण्याची...सांगली  : पावसाने दिलेली उघडीप आणि पावसाळा...
अकोला, बुलडाण्यात सर्वदूर पाऊसअकोला   ः वऱ्हाडातील अकोला, बुलडाणा या...
सावधान... अल्झायमर आला उंबरठ्यावर ! कोल्हापूर : मंगळवार पेठेतल्या विठ्ठल मंदिरात रोज...
परभणीत हिरवी मिरची प्रतिक्विंटल ६०० ते...परभणी ः येथील जुना मोंढा भागातील फळे-भाजीपाला...
भातावरील तुडतुडे प्रादुर्भावाकडे...सध्या खरीप हंगामातील भात पीक बहुतेक ठिकाणी...
कमी तीव्रतेच्या वणव्यांचाही मातीच्या...कमी तीव्रतेचे वणवे किंवा मर्यादित प्रमाणात...
ढगाळ वातावरणाने खानदेशात सोयाबीन मळणीला...जळगाव : खानदेशातील धुळे, नंदुरबार व जळगाव...
माळेगावकरांचा औद्योगिक वसाहतीच्या...नाशिक : माळेगाव औद्योगिक वसाहतीच्या टप्पा क्रमांक...
परभणीत व्यापाऱ्यांचे असहकार आंदोलन सुरूचपरभणी ः परभणी कृषी उत्पन्न बाजार समितीअंतर्गत...
सांगली जिल्ह्यात द्राक्ष क्षेत्रात वाढसांगली  ः दर्जेदार द्राक्ष उत्पादनासाठी...