agriculture news in marathi,Farmers' struggle to save paddy fields | Agrowon

भातशेती वाचविण्यासाठी शेतकऱ्यांची धडपड
टीम अॅग्रोवन
रविवार, 14 ऑक्टोबर 2018

नगर ः ‘पोळ्यापासून पाऊस नाही. पोळ्याला गेला तरी गणपतीत नक्की कोसळतो, यंदा दीड महिना आधीच पाऊस गायब झालाय. पाऊस नाही, त्यामुळं यंदा पंचवीस टक्केही भाताचे पीक आले नाही. जागेवरच करपलाय, १९७२ च्या दुष्काळानंतर पहिल्यांदाच असं झालं. जोरदार पाऊस पडणाऱ्या भागात यंदा मोठा दुष्काळ आहे.’ अकोले तालुक्‍याच्या आदिवासी भागातील शेतकऱ्यांनी व्यथा मांडत यंदाची तीव्रता स्पष्ट केली. सध्या अकोले तालुक्‍यात भातपीक वाचवण्यासाठी शेतकऱ्यांची धडपड सुरू असल्याचे दिसून आली.

नगर ः ‘पोळ्यापासून पाऊस नाही. पोळ्याला गेला तरी गणपतीत नक्की कोसळतो, यंदा दीड महिना आधीच पाऊस गायब झालाय. पाऊस नाही, त्यामुळं यंदा पंचवीस टक्केही भाताचे पीक आले नाही. जागेवरच करपलाय, १९७२ च्या दुष्काळानंतर पहिल्यांदाच असं झालं. जोरदार पाऊस पडणाऱ्या भागात यंदा मोठा दुष्काळ आहे.’ अकोले तालुक्‍याच्या आदिवासी भागातील शेतकऱ्यांनी व्यथा मांडत यंदाची तीव्रता स्पष्ट केली. सध्या अकोले तालुक्‍यात भातपीक वाचवण्यासाठी शेतकऱ्यांची धडपड सुरू असल्याचे दिसून आली.

नगर जिल्ह्यामध्ये दरवर्षी अकोले तालुक्‍याच्या पश्‍चिम भागात जोरदार पाऊस पडत असतो. यंदाही सुरवातीच्या काळात चांगला पाऊस झाला. भंडारदरा, निळवंडे भरले. प्रशासनाच्या लेखी यंदाही १२० टक्के अकोले तालुक्‍यात पाऊस झालेला आहे. अकोले तालुक्‍यातील पन्नासपेक्षा अधिक गावांसह शेजारच्या ठाणे, नाशिक, पुणे जिल्ह्यांमधील डोंगराळ, आदिवासी भागात भाताचे पीक घेतले जाते. जास्तीच्या पावसावरच अवलंबून असलेले हे पीक यंदा पूर्णतः धोक्‍यात आहेत. मुळात जोरदार पाऊस पडणाऱ्या भागात यंदा सुरवातीला चांगला पाऊस झाला असला तरी पोळ्यापासून म्हणजे साधारण दीड महिन्यापासून पाऊस अन्य भागाप्रमाणे याभागातूनही गायब झाला आहे.

सध्या भाताचे पीक शेवटच्या टप्प्यात आहे. मात्र, ऐन बहरात भातपीक असताना पाऊस नसल्याने पीक जागेवरच करपले आहे. सर्वाधिक पाऊस या भागात पडत असला आणि धरणे भरलेली असली तरी त्याचा भातशेतीला फायदा नाही. ज्या शेतकऱ्यांकडे पाणी उपलब्ध आहे त्यांचा भातपीक वाचवण्याची धडपड सुरू आहे. मात्र, सध्या साधारण साठ टक्के पीक वाया गेले असल्याचे येथील शेतकरी सांगतात. हीच परिस्थिती शेजारच्या जिल्ह्यातील आहे. खरिपातील पिके वाया गेली, रब्बीतही या भागात पिके घेता येणार नसल्याचे स्पष्ट झाल्याने राजूर, भंडारदरा, मुरशेत, धामणवन, पांजरे, घाटघर, रतनवाडी आदी भागातील नागरिकांनी मजुरीसाठी स्थलांतर सुरू केले आहे.

‘दसरा-दिवाळीपर्यंत आमच्या भागात जोरदार पाऊस पडत असतो. यंदा मात्र पोळ्यापासून पाऊस आला नाही. चाळीस वर्षांच्या काळात पहिल्यांदाच असे झाले आहे. पाऊस नसल्याने साठ टक्‍केपेक्षा जास्ती भातपीक वाया गेले आहे. जे आले त्याचा उतारही कमी मिळणार आहे. यंदाचा दुष्काळ आदिवासी जनतेला जगणं महाग करणारा आहे.’
- दगडू धिंदळे,
शेतकरी, धामणवन, ता. अकोले, जि. नगर

इतर अॅग्रो विशेष
सरकारबी मदत करंना अन्‌ बॅंका कर्ज देईनातनांदेड ः गेल्या वर्षीबी अन्‌ औंदाबी पावसानं मारलं...
पाण्याअभावी संत्राबागा होताहेत सरपणपरभणी ः जिल्ह्यातील प्रमुख संत्रा उत्पादक गाव...
‘कृष्णा’ आली दिघंचीच्या अंगणीदिघंची, जि. सांगली ः  अनेक वर्षे दिवास्वप्न...
जनावरांच्या बाजारातील व्यवहार उधारीवरचपरभणी: खरिपाच्या पेरणीच्या तोंडावर काहीशी...
सहकार विभाग आयुक्तांविना पोरकापुणे : गेल्या आठ महिन्यांपासून राज्याच्या सहकार...
आत्मा प्रकल्प संचालक चौकशीत दोषीपुणे: कृषी खात्यातील वादग्रस्त अधिकारी बी. एन....
लोकसभा निवडणुकीत भाजपच्या ‘व्होट शेअर’...पुणे : यंदाच्या लोकसभा निवडणुकीत भारतीय जनता...
खानदेशात पूर्वहंगामी कापूस लागवड सुरू जळगाव ः खानदेशात मुबलक जलसाठे किंवा कृत्रिम...
कोकण वगळता उष्ण लाटेचा इशारापुणे : विदर्भ, मराठवाडा, मध्य महाराष्ट्राच्या...
शेतकऱ्यांनो विकते ते पिकवाः डॉ. भालेअकोला ः येत्या हंगामात पीक लागवड करताना...
हतबलतेतून फळबागांवर कुऱ्हाड अन्‌...जालना : जीवापाड जपलेली बाग वाचविण्यासाठी रानोमाळ...
विषाणूंद्वारे खोल मातीतही पोचविता येतील...मातीमध्ये खोलवर पिकाच्या मुळावर एखाद्या बुरशी...
जळगाव : शिवारात पाणीबाणी, शेतकरीराजा...जळगाव ः गावात तीन वर्षांपासून पावसाच्या लहरीपणाने...
हरवले जलभान कोनाड्यात‘नॅशनल एरोनॉटिक्स अँड स्पेस ॲडमिनिस्ट्रेशन’...
मोदी लाटेचे गारुडसतराव्या लोकसभेचे भवितव्य स्पष्ट झालेले आहे. खरे...
राज्यात महायुतीची त्सुनामी...मुंबई  ः सतराव्या लोकसभेच्या निवडणुकीत देशभर...
चंदन लागवडचंदन मध्यम उंच आणि परोपजीवी प्रजाती आहे....
हुमणीच्या प्रौढ भुंगे­ऱ्यांचा सामुदायिक...गेल्या काही वर्षांत राज्यामध्ये हुमणी अळीचा...
संरक्षित शेतीतून आर्वीतील शेतकऱ्यांची...वाढती पाणीटंचाई आणि  बदलत्या हवामानामुळे...
उन्हाचा चटका ‘ताप’दायकपुणे : सूर्य चांगलाच तळपल्याने उन्हाचा चटका...