agriculture news in marathi,Germination due to lack of moisture; Rabi drought situation | Agrowon

नांदेड, परभणी, हिंगोली जिल्ह्यांत रब्बीवर दुष्काळी सावट
टीम अॅग्रोवन
मंगळवार, 16 ऑक्टोबर 2018

नांदेड ः जमिनीत पुरेशा प्रमाणात ओलावा नसल्यामुळे आजवर पेरणी केलेल्या ज्वारी, करडई, हरभरा आदी पिकांची उगवण व्यवस्थित होत नाही. कोरडवाहू जमिनीत ओलावा राहिला नसल्यामुळे पेरणी शक्य नाही. सिंचनासाठी पाण्याची उपलब्धता अत्यंत कमी असल्यामुळे नांदेड, परभणी, हिंगोली जिल्ह्यांतील रब्बी पिकांच्या क्षेत्रात घट होणार असून नापेर क्षेत्रात मोठी वाढ होणार आहे. या तीन जिल्ह्यांतील रब्बीच्या क्षेत्रात ५० ते ६० टक्क्यांपर्यंत घट होण्याची शक्यता व्यक्त केली जात आहे. सध्या ज्वारी, हरभऱ्याची पेरणी सुरू आहे. परंतु, कृषी विभागाकडे अद्याप पेरणी क्षेत्राची माहिती उपलब्ध झालेली नाही.

नांदेड ः जमिनीत पुरेशा प्रमाणात ओलावा नसल्यामुळे आजवर पेरणी केलेल्या ज्वारी, करडई, हरभरा आदी पिकांची उगवण व्यवस्थित होत नाही. कोरडवाहू जमिनीत ओलावा राहिला नसल्यामुळे पेरणी शक्य नाही. सिंचनासाठी पाण्याची उपलब्धता अत्यंत कमी असल्यामुळे नांदेड, परभणी, हिंगोली जिल्ह्यांतील रब्बी पिकांच्या क्षेत्रात घट होणार असून नापेर क्षेत्रात मोठी वाढ होणार आहे. या तीन जिल्ह्यांतील रब्बीच्या क्षेत्रात ५० ते ६० टक्क्यांपर्यंत घट होण्याची शक्यता व्यक्त केली जात आहे. सध्या ज्वारी, हरभऱ्याची पेरणी सुरू आहे. परंतु, कृषी विभागाकडे अद्याप पेरणी क्षेत्राची माहिती उपलब्ध झालेली नाही.

नांदेड, परभणी, हिंगोली जिल्ह्यांत आॅगस्ट -सप्टेंबर महिन्यात पडलेल्या दीर्घ खंडामुळे जमिनीतील उपलब्ध ओलावा कमी झाला आहे. अनेक प्रकल्पांच्या पाणीसाठ्यामध्ये पुरेशा प्रमाणात पाणीसाठा उपलब्ध झालेला नाही. विहिरी, बोअरच्या पाणी पातळीमध्ये वाढ झालेली नाही. सिंचनासाठी पुरेशा प्रमाणात पाणी मिळणार नाही. त्यामुळे रब्बीच्या क्षेत्रात मोठी घट येणार आहे. काही भागात मूग, उडीद तसेच लवकर आलेल्या सोयाबीनच्या काढणीनंतर शेतकऱ्यांनी ज्वारी, हरभरा, करडईची पेरणी केली. परंतु ओल नसल्यामुळे उगवण कमी होत असल्याचे शेतकरी सांगत आहेत.

नांदेड, परभणी, हिंगोली जिल्ह्यांत रब्बीचे एकूण सरासरी क्षेत्र ५ लाख ३७ हजार ७२ हेक्टर आहे. यंदा या जिल्ह्यांत ६ लाख ७३ हजार ५५५ हेक्टवर पेरणी प्रस्तावित करण्यात आली होती. परंतु, कमी पावसामुळे प्रस्तावित पेरणी क्षेत्रात मोठी घट येणार आहे.

नांदेड जिल्ह्यातील देगलूर, मुखेड, बिलोली, नायगाव, किनवट, धर्माबाद, उमरी आदी तालुक्यांत रब्बीच्या क्षेत्रात मोठी घट येणार आहे. इसापूर धरणाच्या पाणी आवर्तनामुळे लाभक्षेत्रातील अर्धापूर, हदगांव, मुदखेड आदी तालुक्यांमध्ये तालुक्यात रब्बीचा पेरा वाढू शकतो. परंतु सर्वच सोळा तालुक्यांतील कोरडवाहू क्षेत्रातील पेरणी क्षेत्रात मात्र मोठी घट येणार आहे. या जिल्ह्यात खरिपापाठोपाठ रब्बी मोठे क्षेत्र नापेर राहण्याची भीती व्यक्त होत आहे.

आमच्या भागात अत्यंत कमी पाऊस झाला. जमिनीत अजिबात ओलावा नाही. त्यामुळे यंदा हरभरा, भुईमूगाची पेरणी शक्य नाही.
- सदाशिव पाटील,
हाणेगांव, ता. देगलूर, जि. नांदेड.

मुगानंतर ज्वारी, करडई, हरभऱ्याची पेरणी केली. पण ओल नसल्यामुळे उगवण व्यवस्थित होत नाही.
- नरेश शिंदे, सनपुरी, जि. परभणी.

ज्वारी, हरभऱ्याची पेरणी केली. थंडी वाढल्यानंतर कमी पाण्यावर येणाऱ्या गव्हाची पेरणी करायची आहे.
- सुभाष डुकरे,
विरेगांव, ता. वसमत, जि. हिंगोली.

इतर अॅग्रो विशेष
परोपजीवी मित्रकीटकांची ओळखअळी-कोष-परोपजीवी (Larval-Pupal Parasitoid) या...
सांगलीत वाढली दुष्काळाची दाहकतासांगली : जिल्ह्यात दुष्काळाची दाहकता वाढत आहे....
साखर कारखान्यांचे बॉयलर लवकर थंडावणारपुणे  : दुष्काळी स्थितीमुळे साखर...
नंदुरबार बाजार समितीत ओल्या लाल मिरचीची...जळगाव  ः खानदेशात एकीकडे थंडीने केळीला मोठा...
ॲग्रोवन स्मार्ट ॲवॉर्डसाठी शेतकऱ्यांचा...पुणे : संकटांपुढे हार न मानता प्रतिकूल...
टंचाईग्रस्त विसापूर झाले पाणीदार सातारा जिल्ह्यातील माण व खटाव कायम तीव्र...
विदर्भात गारपिटीचा इशारा; राज्यात...पुणे : पावसाला पोषक हवामान होत असल्याने आजपासून (...
‘एफआरपी’ची थकबाकी ४० हजार कोटींपर्यंत...पुणे : साखर उद्योगात तयार झालेल्या संकटामुळे...
गूळ उद्योगाला आर्थिक स्थैर्य देणे...मुंबई : ऊस उत्पादक शेतकऱ्यांचे हित जपतानाच...
दुधाळ जनावरे वाटप योजनेत देशी गाईंचा...पुणे : देशी गोवंशाच्या संवर्धनासाठी संकरित दुधाळ...
बांबूशेतीमध्ये शेतकऱ्यांचे अर्थकारण...सोलापूर : ‘‘बांबू हे गवतवर्गीय पीक आहे....
‘ई-नाम’द्वारे देशातील बाजार समित्या...मुंबई : देशातील सर्व बाजार समित्या ‘ई-नाम’...
वेतन आयोगाने वाढते गरीब-श्रीमंतांतील दरीमाजी पंतप्रधान डॉ. मनमोहनसिंग यांनी ४ ...
दूध दरवाढीसाठीही दाखवा तत्परताआंतरराष्ट्रीय बाजारात दूध भुकटीचे (पावडर) दर...
मक्यातील लाग रंग येण्यामागील गूढ उलगडलेमक्यामध्ये काहीवेळा दिसणाऱ्या लाल रंगाच्या...
एफआरपी तुकड्यात घेणार नाही : खासदार...सांगली : राज्यातील साखर कारखाने सुरू होऊन ८० दिवस...
राज्यात १७८६ टॅंकरव्दारे पाणीपुरवठापुणे  : सलग दोन वर्षे पावसाने ओढ दिल्यानंतर...
केळी पट्ट्याला १५० कोटींचा फटकाजळगाव ः डिसेंबर व जानेवारी महिन्यातील थंडीचा...
सुगंधी वनस्पतींची शेती, तेलनिर्मितीही...नगर जिल्ह्यात आंभोळ या दुर्गम भागात मच्छिंद्र...
शेषरावांनी सुनियोजितपणे जपलेली संत्रा...टेंभूरखेडा (ता. वरुड, जि. अमरावती) येथील शेषराव...