agriculture news in marathi,Government cereals purchase after 10 oct. | Agrowon

जळगावात शासकीय कडधान्य खरेदी १० आॅक्टोबरनंतर
टीम अॅग्रोवन
रविवार, 7 ऑक्टोबर 2018

खरेदीसंबंधीची तारीख शासनाकडून आल्यानंतर त्याबाबत माहिती दिली जाईल. खरेदीची तयारी तिन्ही केंद्रांवर पूर्ण झाली आहे. नोंदणीलाही चांगला प्रतिसाद मिळाला आहे.
                                   - परिमल साळुंखे, पणन   अधिकारी, मार्केटिंग फेडरेशन, जळगाव

जळगाव : शासकीय कडधान्य खरेदीला पुढील आठवड्यात १० तारखेनंतर सुरवात होण्याची शक्‍यता आहे. नोंदणी सध्या सुरू असून, तिला चांगला प्रतिसाद मिळाला आहे. तीन्ही केंद्रांवर सुमारे अडीच हजार शेतकऱ्यांनी नोंदणी अर्ज दिले आहेत. यंदा खरेदीला चांगला प्रतिसाद मिळेल, हे लक्षात घेऊन गोदामे, बारदाना व इतर यंत्रणेसंबंधी आढावा घेण्यात आला आहे. कुठलीही अडचण यंदा खरेदीदरम्यान भासणार नाही, याची दक्षता घेतल्याचे सांगण्यात आले.

कडधान्यात मूग व उडदाची खरेदी जिल्ह्यातील जळगाव, पाचोरा व अमळनेर येथे केली जाईल. या केंद्रांवर जिल्ह्यातील कुठल्याही भागातील शेतकरी आपले धान्य विकू शकतात. मुगाला ६९७५, उडदाला ५६०० रुपये प्रतिक्विंटलचा हमीभाव असेल. सध्या खासगी बाजारात किंवा बाजार समितीत मूग व उडदाला ५ हजार रुपये प्रतिक्विंटलपर्यंतच दर आहेत. शासकीय खरेदीसंबधी शेतकऱ्यांना नोंदणी बंधनकारक केली आहे. येत्या ९ तारखेपर्यंत ही नोंदणी सुरू राहील. त्यानंतर खरेदी सुरू होईल.

नोंदणीनंतर संबंधित शेतकऱ्याला मोबाईलवर संदेश जात आहे. हा संदेश मिळाल्याशिवाय नोंदणी झाली, हे गृहीत धरले जात नाही.

खरेदीच्या वेळेसही नोंदणीकृत शेतकऱ्याला संदेश जाईल. त्याशिवाय खरेदी केंद्रात धान्य विक्रीसाठी आणता येणार नाही, असे मार्केटिंग फेडरेशनच्या सूत्रांनी सांगितले. जळगाव येथे विसनजीनगरातील कृषी औद्योगिक सहकारी संस्थेत सुमारे ११०० शेतकऱ्यांचे अर्ज आले आहेत. पाचोरा येथील केंद्र बाजार समितीत असून, येथे सुमारे ८०० शेतकऱ्यांचे अर्ज आले आहेत. अमळनेरातही जवळपास ६०० अर्ज आल्याची माहिती मिळाली.

इतर बातम्या
'टीम देवेंद्र'चा विस्तार; विखे पाटील,...मुंबई : आगामी विधानसभा निवडणूक ऐन तोंडावर आली...
ऊस बिलासाठी शेतकऱ्यांचा पाचपुतेंच्या...श्रीगोंदे : काष्टी येथील माजी मंत्री बबनराव...
खरेदीदारांच्या इच्छेवर पॅकेजिंगचा पडतो...एखादा खाद्यपदार्थ लोकांना आकर्षित ...
नगरमध्ये छावणीचालकांसाठी आणखी ६ कोटींचा...नगर : पशुधन जगविण्यासाठी छावणीचालकांचे अर्थचक्र...
परभणीत पाणीपुरवठ्याच्या टॅंकरचे शतकपरभणी : मोसमी पावसाचे आगमन लांबल्याने जिल्ह्यातील...
सांगली जिल्ह्यात खरीप पेरा रखडलासांगली : जिल्ह्यात वळीव पावसाने दडी मारली,...
पेरणीच्या अनुदानासाठी संभाजी ब्रिगेडचा...हिंगोली :  दुष्काळग्रस्त शेतकऱ्यांना...
केंद्र आणि राज्याच्या मंत्र्यांना कांदे...नाशिक  : अगोदरच मागील कांदा विक्रीचे अनुदान...
विदर्भात भुईमूग शेंगाचे दर पोचले ५७००...नागपूर ः उन्हाळी भुईमुगाची आवक विदर्भातील अनेक...
सहलींच्या बचत निधीतून होणार आंबा फवारणी...रत्नागिरी : ग्रास कटर, आंबा फवारणी मशिनला...
मराठवाड्यात चार दिवसांत लाखभर लोक...औरंगाबाद : लांबलेला पाऊस, भूपृष्ठावरील जलसाठ्यांत...
पणन सुधारणा विधेयक पावसाळी अधिवेशनात...पुणे  ः शेतीमाल पणन सुधारणांमधील...
करंजवण ते मनमाड थेट जलवाहिनी योजनेला...नाशिक : मनमाड शहरासाठी बहुचर्चित व बहुप्रतिक्षित...
पुणे बाजार समिती पुनर्विकासाला गतीपुणे : पुणे कृषी उत्पन्न बाजार समितीच्या...
कारखान्यांना ‘सहवीज’मधून १०४१ कोटींचे...पुणे  : राज्यातील साखर कारखान्यांनी सहवीज...
पुणे : कृषी अवजारे, साहित्य खरेदीसाठी...पुणे  : जिल्हा परिषदेच्या कृषी विभागाकडून...
खानदेशात उष्णतेचा कहर; पावसाची...जळगाव  ः खानदेशात वादळी पाऊस वगळता कुठेही...
शकूबाईंच्या लढ्याला आले यश;  वनजमीन...वणी, जि. नाशिक  : शेतकरी व आदिवासींच्या...
खास पोह्यासाठी भाताची ‘कर्जत शताब्दी’...रत्नागिरी ः दापोली येथील डॉ. बाळासाहेब सावंत कोकण...
मराठवाड्यातील चार जिल्ह्यांत चारा...औरंगाबाद  ः दुष्काळाच्या पार्श्वभूमीवर...