मराठवाड्यात रब्बी पिकांची वाढ खुंटली

औरंगाबाद : पाण्याचा ताण, तापमानातील चढउतार यामुळे यंदाच्या अल्प प्रमाणात पेरणी झालेल्या रब्बी पिकांची वाढ खुंटली आहे. दुसरीकडे ढगांमुळे हरभऱ्यावर घाटे अळीचा प्रादुर्भाव वाढण्याचा धोका निर्माण झाला आहे. भाजीपालावर्गीय पिकांवरही थ्रीप्सचा प्रादुर्भाव वाढल्याने उत्पादन व उत्पन्न घटण्याची शाश्‍वती जास्त असलेल्या खर्चातही वाढ होण्याची शक्यता आहे.

मराठवाड्यात रब्बीचे सर्वसाधारण क्षेत्र १८ लाख ८६ हजार ५४० हेक्‍टर आहे. यंदा केवळ १० लाख ५२ हजार ६९७ हेक्‍टरवरच रब्बीची पेरणी झाली. त्यामध्ये तृणधान्याची ५ लाख ५५ हजार ५८२ हेक्‍टरवर पेरणी झाली. त्यामध्ये रब्बी ज्वारी ३ लाख ९८ हजार २५४ हेक्‍टर, गहू १ लाख २४ हजार ९४२ हेक्‍टर, मका २३ हजार ९० हेक्‍टरवर पेरली गेली.

कडधान्याचे मराठवाड्यात सर्वसाधारण क्षेत्र ५ लाख १६ हजार ३८९ हेक्‍टर इतके आहे. त्या तुलनेत ४ लाख ७५ हजार २१९ हेक्‍टरवर कडधान्याची पेरणी झाली. त्यामध्ये ४ लाख ३७ हजार ९५७ हेक्‍टरवर हरभऱ्याची पेरणी झाली. गळीतधान्याची २१ हजार ८९६ हेक्‍टरवर पेरणी झाली. त्यामध्ये ११८ हेक्‍टरवरील तीळ, १६ हजार २२७ हेक्‍टरवरील करडई, ९९९ हेक्‍टरवरील जवस, १६०२ हेक्‍टरवरील सुर्यफूल व २९५० हेक्‍टरवरील इतर गळीतधान्यांचा समावेश आहे.

आधीच जवळपास निम्म्या क्षेत्रावर पेरणी झालेल्या रब्बी पिकांची वाढ पावसाचा ताण व तापमानातील चढउताराणे प्रभावित झाली. थंड, ढगाळ वातावरणामुळे हरभरा पिकावर घाटेअळीचा प्रादूर्भाव वाढण्याची शक्‍यता आहे. समाधानकारक शाखीय वाढ झालेला हरभरा दिसेनासच झाला आहे. भाजीपाल्यात खासकरून मोठ्या प्रमाणात लागवड होणाऱ्या कांद्यावर, तसेच टोमॅटो व वांग्यांवर थ्रीप्सचा प्रादुर्भाव दिसून येतो आहे. पांढरी माशीचाही प्रादुर्भाव बहूतांश भागात दिसून येतो आहे. संकटांच्या मालिकांमुळे शेतकऱ्यांचा आर्थिक नफा घटण्याची दाट शक्यता आहे.

अशी आहे पीकनिहाय स्थिती