agriculture news in marathi,hailstrom his onion seed plot, varhad, maharashtra | Agrowon

वऱ्हाडात कांदा बिजोत्पादनाला गारपिटीचा तडाखा
टीम अॅग्रोवन
बुधवार, 21 फेब्रुवारी 2018

तीन एकरांत ४० क्विंटल कांद्याची लागवड केली होती. हा बियाण्याचा कांदा २६०० रुपये भावाने विकत घेतला होता. लाख रुपये बियाण्यावर खर्च झाला. शिवाय तीन खते, तीन फवारण्या, पाणी व्यवस्थापन असा दीड लाखावर खर्च झाला होता. अर्धा तास झालेल्या गारपिटीनंतर हा संपूर्ण प्लॉट जमीनदोस्त झाला. आता नांगरटी करणार आहे. दरवर्षी आमच्या गावात कांद्याची लागवड मोठ्या प्रमाणावर केली जाते. यावर्षी फक्त चौघांनी लागवड केली आणि चौघांचेही माझ्यासारखेच नुकसान झाले.
- शरद रमेशराव देशमुख, रा. दुधा, ता. मेहकर, जि. बुलडाणा .

अकोला ः कांदा बिजोत्पादनाचे मोठे क्षेत्र असणाऱ्या बुलडाणा, वाशीम, अकोला या जिल्ह्यांमध्ये गेल्या आठवड्यात झालेल्या गारपिटीचा शेतकऱ्यांना मोठा फटका बसला आहे. इतर पिकांसोबतच कांदा बिजोत्पादनाचे क्षेत्र या आपत्तीत पार उद्‍ध्वस्त झाले आहे. उत्पादनात ५० टक्‍क्‍यांपेक्षा अधिक घट होण्याची शक्‍यता शेतकरी वर्तवित आहेत.

गेल्या दोन हंगामात कांदा बियाण्याला फारसे दर न मिळाल्याने आधीच शेतकऱ्यांनी लागवड घटविली. कांदा दरातील चढ-उतारामुळे लागवडीचे क्षेत्र जवळपास ६० टक्‍क्‍यांवर आले होते. ज्यांनी लागवड केली त्या शेतकऱ्यांच्या कांदा प्लॉटमध्ये बिजाची प्रक्रिया सुरू झाली होती. कांद्याचे गोंडे उमलू लागले असतानाच या महिन्यात दोनदा गारपीट झाली. या गारपिटीचा तडाखा हे बिजोत्पादाचे प्लॉट सहन करू शकले नाहीत. कांद्याची पात मोडली गेली. यामुळे शेतकऱ्यांचे प्रचंड नुकसान झाले आहे.

प्रामुख्याने बुलडाणा जिल्ह्यात मेहकर, चिखली, देऊळगावराजा, सिंदखेडराजा, वाशीम जिल्ह्यात रिसोड, मालेगाव, अकोल्यात पातूर, तेल्हारा, अकोट या भागांत अधिक नुकसान झाले. यातील बहुतांश तालुक्‍यांत दरवर्षी शेतकरी कांदा बिजोत्पादन घेतात. एकरी तीन ते पाच क्विंटलपर्यंत सरासरी बियाण्याची उत्पादकता आहे.

यामुळे शेतकऱ्यांना उन्हाळ्यात हमखास पैसे मिळवून देणारे पीक म्हणून याकडे पाहले जात होते. मात्र गेल्या दोन वर्षात बियाण्याच्या दरात प्रचंड चढ-उतार झाले. मागील मोसमात उत्पादित केलेले बियाणे अनेकांकडे तसेच पडून होते. आता बियाण्याला मागणी येऊ लागली. मात्र बियाण्याची उगवण क्षमतेवर दर ठरत आहे. बियाणे तसेच साठवून ठेवल्याने उगवण क्षमतेवर त्याचा परिणाम झाला आहे.

या मोसमात घटलेले लागवड क्षेत्र, गारपिटीच्या तडाख्याने झालेले नुकसान तसेच बाजारात कांद्याचे सध्या मिळत असलेले चांगले दर बघता कांदा बियाण्याला योग्य दर मिळतील, अशी शेतकऱ्यांना आशा आहे. मात्र उत्पादनाबाबत साशंकता आहे.
 

इतर ताज्या घडामोडी
एचटी सीड ‘एसआयटी’ची पोलिसांच्या...नागपूर  ः राज्य शासनाने स्थापन केलेल्या एच....
इतिहासकालीन जलसंधारण अन् त्यामागचे...दरवर्षी पिढ्यानपिढ्या पावसाचे पाणी वेगवेगळे उपाय...
अभ्यासक्रमात हवा भूसूक्ष्मजीवशास्त्राचा...महाराष्ट्रात चार कृषी विद्यापीठे असून, तिथे १२...
ठिबकचे अनुदान वाटपासाठी अधिकाऱ्यांची...पुणे ः शासनाकडून ठिंबक सिंचनासाठी तरतूद केलेली...
होळीमुळे द्राक्ष काढणी मंदावलीनाशिक : द्राक्षपट्ट्यात द्राक्ष काढणीसाठी आदिवासी...
एकरकमी एफआरपीबाबत साखर कारखान्यांचे मौनसातारा ः जिल्ह्यातील बहुतांशी कारखान्यांचा ऊस...
‘बळिराजा'चे सोळा उमेदवार जाहीरकोल्हापूर : देशात शिक्षण, आरोग्य, रोजगार तसेच...
साताऱ्यात हिरवी मिरची ४०० ते ५०० रुपये...सातारा ः येथील कृषी उत्पन्न बाजार समितीत मंगळवारी...
धुळ्यात भाजपमध्ये अंतर्गत धुसफुसजळगाव ः लोकसभा निवडणुकीत भाजपचे जळगाव व...
नाशिकमध्ये युतीचे उमेदवार ठरेनानाशिक: लोकसभेच्या निवडणुकीसाठी नाशिक व दिंडोरी...
पुणे जिल्ह्यातील सात साखर कारखान्यांचा...पुणे ः पुणे जिल्ह्यातील साखर कारखान्यांचा ऊस गाळप...
उष्णतेचे कारण देऊन पपईच्या दरात अडवणूकनंदुरबार : जिल्ह्यातील पपई उत्पादकांना अपेक्षित...
नांदेड जिल्ह्यात साडेअकराशे हेक्टरवर...नांदेड ः नांदेड जिल्ह्यात गुरुवार (ता. १४) पर्यंत...
नगर जिल्हाधिकाऱ्यांच्या तपासणी मोहिमेची...नगर : जनावरांच्या छावण्या सुरू केल्या. मात्र,...
वऱ्हाडात हळद काढणीला सुरवातअकोला : वऱ्हाडात दुष्काळी परिस्थिती, तसेच पाणी...
परभणीतील पशुवैद्यक विद्यार्थ्यांचे भीक...परभणी ः पशुसंवर्धन विभागांतर्गंत पशुधन सहायकांना...
नाशिक जिल्ह्यात बिबट्यांचा धुमाकूळनाशिक : नाशिक शहर व जिल्ह्यात बिबट्याच्या...
सोलापूर कृषी विज्ञान केंद्राला...सोलापूर : भारतीय कृषी व संशोधन परिषदेअंतर्गत...
नगर जिल्ह्यात सव्वा कोटी टन उसाचे गाळपनगर ः जिल्ह्यातील २३ सहकारी व खासगी साखर...
सोलापूर जिल्हा दूध संघाचे पैसे...सोलापूर : दूध अनामत रक्कम, पशुखाद्य व गायी...