सिन्नर तालुक्याच्या पूर्व भागात पाण्यासाठी वणवण

सिन्नर तालुक्याच्या पूर्व भागात पाण्यासाठी वणवण
सिन्नर तालुक्याच्या पूर्व भागात पाण्यासाठी वणवण

नाशिक  : सिन्नर तालुक्याच्या पूर्व भागात अनेक गावांमध्ये पाणीप्रश्न बिकट झाला आहे. टँकरची अनियमितता, अटलेल्या विहरी यामुळे पंचाळे, मीठसागरे, शिंदेवाडी, शहा, पांगरी, देवपूर, खोपडी, दातली भागात पाण्यासाठी वणवण करत भटकावे लागत आहे. 

उपलब्ध असलेले जलसाठे, विहिरी आटल्या आहेत. त्यामुळे शासकीय टँकरद्वारे पाणीपुरवठा करण्यात येत आहे. लोकसंख्येच्या तुलनेत पाण्यासाठी शासकीय यंत्रणेकडून प्रयत्न होत असले तरी वास्तविक स्थितीत होणारा पाणीपुरवठा पुरेसा नाही. गावातील लोकसंख्या व होणारा पाणीपुरवठा यांचे गणित जुळत नाही. येणारे पाणी गढूळ व दूषित असल्याचा आरोप नागरिक करीत आहेत.

अपुऱ्या पाणीपुरवठ्यामुळे नागरिकांना टंचाईच्या झळा सहन करण्याशिवाय दुसरा पर्याय नाही. या पाण्यावर जनावरांसह माणसांची तहान भागवावी लागत आहे. पंचाळे येथे दहा हजार लिटर क्षमतेच्या शासकीय टँकरच्या पाच फेऱ्या होतात, तर निमा उद्योग संघटनेकडून जनावरांसाठी देवपूर, पंचाळे, मीठसागरे या गावांसाठी प्रत्येकी २२ हजार लिटर क्षमतेच्या टँकरने पाणीपुरवठा करण्यात येतो. यामुले पशुपालक व शेतकऱ्यांना मोठा दिलासा मिळाला आहे. परंतु गावापेक्षा वस्तीवाड्यांवर लोकसंख्या जास्त असल्याने पिण्याच्या पाण्याची झळ वस्तीवाड्यांवरील रहिवाशांना बसत आहे.

शासनाच्या वतीने वस्त्यांवर पिण्याच्या पाण्यासाठी टाक्या देण्याचे आश्वासन देण्यात आले होते. मात्र, अद्याप एकाही गावात टाक्या बसवण्यात आल्या नाही. परिणामी, पिण्याच्या पाण्याच्या शोधात वणवण भटकावे लागत असल्याने हाल होत आहेत. काही शेतकऱ्यांच्या विहिरीत थोडे फार पाणी उपलब्ध आहे; मात्र, याच गढूळ व दूषित पाण्याचा वापर करावा लागत आहे. अनेक जण हे पाणी उकळून नंतर गाळून वापरत असल्याने पाण्याचे मोठे दुर्भिक्ष तालुक्याच्या पूर्व भागात असून पावसाची सर्वजण आतुरतेने वाट पाहत आहेत.

सिन्नर तालुक्यातील सद्यःस्थिती

गावे-२३, वाड्या-२८२    एकूण - ३०५
एकूण टँकर    ६८
अधिग्रहित विहिरी     ४
मंजूर फेऱ्या     १७६
प्रत्यक्ष फेऱ्या    १५७

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com