agriculture news in marathi,khrip crop sowing status, marathwada, maharashtra | Agrowon

मराठवाड्यात खरिपाची ४३ लाख ९२ हजार हेक्‍टरवर पेरणी
टीम अॅग्रोवन
रविवार, 5 ऑगस्ट 2018

औरंगाबाद  : मराठवाड्यातील कपाशी पिकावर अनेक ठिकाणी बोंड अळीचा प्रादुर्भाव आढळून येत आहे. पावसाने ओढ दिल्याने मराठवाड्यातील खरिपाची स्थिती दोलायमान झाली आहे. पिके माना टाकायला लागली असून, पावसाअभावी मुख्य पिकांच्या पेरणीचा कालावधी हातचा गेल्याने, तसेच पर्यायी पिकांसाठीही पाऊसच नसल्याने शेतकरी हवालदिल झाले आहेत. यंदा मराठवाड्यात ऊस वगळता ४६ लाख ७२ हजार २१२ हेक्‍टरवर खरिपाची पेरणी अपेक्षित होती. प्रत्यक्षात गुरुवारअखेर (ता. २) उसाचे क्षेत्र वगळता ९४ टक्‍के क्षेत्रावर अर्थात ४३ लाख ९२ हजार ७७३ हेक्‍टरवर पेरणी झाल्याचे कृषी विभागाच्या सूत्रांनी सांगितले.  

औरंगाबाद  : मराठवाड्यातील कपाशी पिकावर अनेक ठिकाणी बोंड अळीचा प्रादुर्भाव आढळून येत आहे. पावसाने ओढ दिल्याने मराठवाड्यातील खरिपाची स्थिती दोलायमान झाली आहे. पिके माना टाकायला लागली असून, पावसाअभावी मुख्य पिकांच्या पेरणीचा कालावधी हातचा गेल्याने, तसेच पर्यायी पिकांसाठीही पाऊसच नसल्याने शेतकरी हवालदिल झाले आहेत. यंदा मराठवाड्यात ऊस वगळता ४६ लाख ७२ हजार २१२ हेक्‍टरवर खरिपाची पेरणी अपेक्षित होती. प्रत्यक्षात गुरुवारअखेर (ता. २) उसाचे क्षेत्र वगळता ९४ टक्‍के क्षेत्रावर अर्थात ४३ लाख ९२ हजार ७७३ हेक्‍टरवर पेरणी झाल्याचे कृषी विभागाच्या सूत्रांनी सांगितले.  

मराठवाड्यात सोयाबीन वगळता एकाही पिकाची अपेक्षित पेरणी वा लागवड झाली नाही. शिवाय पावसाच्या खंडामुळे बहुतांश ठिकाणी खरिपाची पिके हातची जातात की काय, अशी स्थिती निर्माण झाली आहे. सोयाबीननंतर सर्वाधिक क्षेत्रावर लागवड झालेल्या कपाशी पिकात बोंड अळीचा प्रादुर्भाव आढळून आला असून, समाधानकारक वाढ न होणे किंवा किडींच्या प्रादुर्भावाने ग्रासलेलीच पिकं मराठवाड्यात सर्वदूर पाहायला मिळत आहेत. वाढ, फूल, कळ्या अवस्थेतील सर्वच पिकांना दमदार पावसाची आवश्‍यकता सध्या आहे.

३० जुलैपर्यंत मराठवाड्यात सरासरी पावसाच्या तुलनेत ८६ टक्‍के पाऊस झाला. औरंगाबाद जिल्ह्यातील वैजापूर तालुक्‍यातील लोणी खुर्द मंडळात नायगव्हाण, शिवूर मंडळात विरोळा, वळण, कविटखेडा आदी गावावंर दुबार  पेरणीचे संकट आहे. गंगापूर तालुक्‍यातील शेंदूरवादा, भेंडा, सिद्धनाथ वडगाव व मांजरी तसेच फुलंब्री तालुक्‍यातील लोहगाव, विहामांडवा, बिडकीन, व ढोरकीन महसूल मंडळात काही गावांमध्ये पावसाअभावी पेरणी पूर्ण झालीच नाही. बीड जिल्ह्यात १८ जुलैपासून पावसाने दडी मारल्याने पिकांची वाढ खुंटली आहे.

मका पिकावर खोडकिडीचा प्रादुर्भाव आढळून आला आहे. औरंगाबाद जिल्ह्यात हा प्रादुर्भाव प्रकर्षाने जाणवला आहे. शाखीय वाढीच्या अवस्थेतील कपाशी पिकावर रसशोषक किडीसह गुलाबी बोंड अळीचे पतंग व अळी आढळून आली आहे. पावसाच्या खंडाचा परिणाम कपाशीच्या वाढीवर झाला आहे. वाढीच्या अवस्थेतील तुरीच्या पिकाला पावसाची नितांत आवश्‍यकता आहे. जूनच्या शेवटच्या आठवड्यात पावसाचा खंड पडल्याने औरंगाबाद जिल्ह्यात मूग पिकाची वाढ समाधानकारक झालेली नाही. उडीद पिकाचीही वाढ समाधानकारक नाही. औरंगाबाद जिल्ह्यात पिकांची अवस्था बिकट आहे. सोयाबीनवर पाने खाणाऱ्या अळीचा प्रादुर्भाव दिसून आला आहे. वाढीच्या अवस्थेतेतील बाजरी पिकाची वाढ खुंटली आहे.
 

खरीप पिकनिहाय पेरणी स्थिती (क्षेत्र हेक्‍टरमध्ये)
पीक    क्षेत्र
भात ४०३४
ज्वारी  १,०८,१५३
मका १,००,००३
तूर ४,३१,६७५
मूग  १,६१,३४७
उडीद १,४४,८१९
भुईमूग १३,७८७
तीळ  ६११४
कारळ  २०७३
सूर्यफूल  २७६७
सोयाबीन  १७,४९,७६५
कपाशी १४,२५,१४९
इतर तृणधाण्य    ४७७६
इतर कडधान्य ३३३४
इतर गळीतधान्य २४१५

 

इतर ताज्या घडामोडी
बोंड अळीचे जीवनचक्र खंडित करण्यासाठी...परभणी : सद्यःस्थितीत पाणी दिलेल्या कपाशीच्या...
नागपूरला होणार रेशीम कोष मार्केटनागपूर   ः राज्यात विस्तारत असलेल्या रेशीम...
खानदेशातील रब्बी पाण्याअभावी संकटातजळगाव  : अत्यल्प पावसामुळे खानदेशात...
साखर कारखान्यांच्या ताबेगहाण कर्जाला...मुंबई  ः साखर कारखान्यांना शेतकऱ्यांच्या ‘...
नगरमधील शेतकऱ्यांना मिळणार शेळीपालन,...नगर   : पशुसंवर्धन विभागामार्फत शेतकऱ्यांना...
जळगावात सीताफळाला प्रतिक्विंटल २५०० ते...जळगाव : कृषी उत्पन्न बाजार समितीमध्ये बुधवारी (ता...
संग्रामपूर खरेदी केंद्रावर अाॅनलाइन...बुलडाणा   : अाधारभूत किमतीने शेतीमाल...
एफआरपी थकवलेल्या ११ कारखान्यांवर कारवाई...मुंबई  : राज्यातील ११ साखर कारखान्यांनी...
गोंदिया जिल्ह्यात ५२ हजार क्विंटल धान...गोंदिया  ः शासनाच्या वतीने नाफेडच्या...
मदत, पुनर्वसन समितीच्या अहवालानंतर...अकोला  ः कमी तसेच अनियमित पावसामुळे निर्माण...
सातारा जिल्ह्यात रब्बीसाठी आतापर्यंत...सातारा : जिल्ह्यातील राष्ट्रीयीकृत तसेच सहकारी...
‘उजनी`चे २० टीएमसी पाणी सोलापूर, अऩ्य...सोलापूर : सोलापूर आणि इतर शहरांच्या पिण्याच्या...
मक्यावरील अमेरिकन लष्करी अळीचे नियंत्रणशास्त्रीय नाव ः स्पोडोप्टेरा फ्रुजीपर्डा  ...
बेणापूर ग्रामपंचायतीने केली गायरानावर...खानापूर तालुक्यातील बेणापूर ग्रामपंचायतीने आपल्या...
भुरीच्या प्रादुर्भावावर लक्ष ठेवासर्व द्राक्ष विभागांमध्ये वातावरण पुढील आठ...
नगर जिल्ह्यात ११५ टॅंकरद्वारे पाणीपुरवठानगर   : जिल्ह्यातील गाव-शिवारातील...
साताऱ्यात सोयाबीनच्या दरात सुधारणासातारा   ः जिल्ह्यात सोयाबीनच्या दरात...
गुंजवणी प्रकल्पाच्या ‘सुप्रमा’मधील अटीत...मुंबई   : पुणे जिल्ह्याच्या वेल्हे...
खपली गहू लागवडीचे सुधारित तंत्रगेल्या काही दशकांमध्ये कमी उत्पादकतेमुळे खपली गहू...
सुरळीत वीजपुरवठ्यासाठी परभणीत भजन आंदोलनपरभणी  ः महावितरणच्या बोबडे टाकळी (ता. परभणी...