नाशिकला डोंगराची काळी मैना विक्रीसाठी बाजारात

नाशिक : आदिवासी भागात सध्या मोठ्या प्रमाणावर रानमेवा उपलब्ध होतो आहे. करवंद, भोकर, काजूआंबा यांसारख्या जंगली फळांना आयुर्वेदिक महत्त्व असून शहरी भागात ग्राहक यांची खरेदी करतात. उन्हाळ्याच्या दिवसांमध्ये हंगामातील करवंदांना 'डोंगराची काळी मैना' म्हणून शहरात लहान मोठ्यांमध्ये मागणी असते. हाच रानमेवा आदिवासी भागातील नागरिकांचे उदरनिर्वाहाचे साधन बनले आहे.  आदिवासी पाड्यावर पाण्याचा प्रश्नाबरोबर रोजगाराचा प्रश्न गंभीर झाला आहे. दोन वेळच्या दानापाण्यासाठी करवंद विक्रीतून मोठा हातभार लागत असल्याचे चित्र आहे. जिल्ह्यातील पेठ, सुरगाणा, कळवण, दिंडोरी या तालुक्यांमध्ये डोंगराळ भागात करवंदाची जाळी आहेत. या भागातील अदिवासी बांधव करवंदे व इतर रानमेवा विक्रीसाठी शहरात आणत आहेत. सध्या शहरातील पंचवटी, काळा राम मंदिर परिसराबरोबरच शहरातील मुख्य रस्त्यांवर विविध ठिकाणी करवंदांसह इतर रानमेव्याची विक्री होत आहे.  अशी आहे विक्रीची पद्धत :