नाशिकरोड उपबाजारात सुरू होणार कांदा लिलाव

कांदा
कांदा
नाशिक  : नाशिक रोड सिन्नर फाटा येथील उपबाजार आवारात कांदा लिलाव सुरू करावे, अशी मागणी शेतकऱ्यांनी केली होती. त्यानुसार उपबाजार समिती कार्यालयात सभापती शिवाजी चुंभळे यांच्या अध्यक्षतेखाली नुकतीच बैठक झाली. त्यात अक्षय्य तृतीयेच्या मुहूर्तावर (ता.१८) कांदा लिलाव सुरू करण्याचा निर्णय घेण्यात आला.
 
नाशिकरोडच्या पूर्व भागात मोठ्या प्रमाणात शेतकरी कांदा उत्पादन घेतात. त्यांना जवळच्या ठिकाणी बाजारपेठ उपलब्ध व्हावी. यासाठी नाशिक कृषी उत्पन्न बाजार समितीने येथील सिन्नर फाटा उपबाजार आवारात कांदा विक्रीची व्यवस्था केली आहे. बाजार समिती सभापती शिवाजी चुंभळे व संचालकांनी व्यापारी, अडतदार यांची संयुक्त बैठक उपबाजार समिती कार्यालयात झाली.
 
या बैठकीस संचालक प्रवीण नागरे, युवराज कोठुळे, भाऊसाहेब खांडबहाले, कांदा व्यापारी रावसाहेब दळवी, भारत उगलमुगले, सतीश अंगळ, सुनील गवळी, शिवाजी दराडे, जाय केरळ, राजेंद्र सांगळे, भाऊसाहेब वराटे, सतीश भंडारी, बाजार समिती सचिव अरुण काळे, नियमन विभाग प्रमुख रघुनाथ धोंगडे, कार्यकारी अभियंता रामदास रहाडे, लालदास तुंगार, बनाजी वाघचौरे, बाळासाहेब पवळे, अशोक पाळदे, नंदू सोनवणे आदी उपस्थित होते.
 
या वेळी सभापती चुंभळे म्हणाले की, सिन्नर फाटा उपबाजार आवारात शेतकरी, अडतदार, व्यापाऱ्यांना सर्व प्रकारच्या सुविधा उपलब्ध करून दिल्या जातील. व्यापाऱ्यांनी लिलावात खरेदी केलेला कांदा साठवणूक व  पॅकिंगची व्यवस्था करण्यात येईल. येत्या अक्षय्य तृतीयेच्या मुहूर्तावर कांदा लिलाव सुरू करण्याचा निर्णय बैठकीत झाल्याची माहिती चुंभळे यांनी दिली. जास्तीत जास्त शेतकऱ्यांनी कांदा विक्रीसाठी आणण्याचे आवाहन उपसभापती संजय तुंगार यांनी या वेळी केले.  
 
सोमवार, बुधवार, शुक्रवार असे तीन दिवस कांदा लिलाव होईल. लिलाव पुकारण्यासाठी बाजार समिती कर्मचारी उपस्थित राहतील. येथे गोणी पद्धतीने कांदा विक्री होणार असून कांदा विक्री होताच त्याचे पैसे शेतकऱ्यांना तत्काळ मिळणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com