agriculture news in marathi,ph gain in soil, satara, maharashtra | Agrowon

माण, कराड, खंडाळा, फलटण तालुक्‍यांत सामू वाढला
टीम अॅग्रोवन
गुरुवार, 25 जानेवारी 2018
माण, कराड, खंडाळा, फलटण तालुक्‍यांत सामू वाढला अाहे. या तालुक्‍यातील जमिनीतून पाण्याचा निचरा होण्यासाठी सामूहिक प्रयत्नांची आवश्‍यक आहे. सेंद्रिय खताचा वापर वाढवावा. शेतकऱ्यांनी जमीन सुपीक राहण्यासाठी माती तपासणी अहवालानुसार रासायनिक खतांच्या मात्रा द्याव्यात. 
- राजेंद्र पवार, जिल्हा मृद चाचणी अधिकारी, सातारा.

सातारा ः पाणी व रासायनिक खतांच्या अतिरिक्त वापरामुळे माण, कराड, खंडाळा, फलटण या तालुक्‍यांतील जमिनी किंचित विम्लधर्मीय होण्याच्या मार्गावर आहेत. सातारा व पाटण तालुक्‍यांत नत्र व स्फुरदची कमतरता माती-पाणी परीक्षण अहवालात मोठ्या प्रमाणात दिसून आली आहे. यामुळे या तालुक्‍यात पिकांच्या उत्पादनात घट होत आहे.

जिल्ह्यातील कृषी विभागाकडील प्रयोगशाळेत एक हजार दहा गावांतील ७२ हजार ११४ माती नमुन्यांची तपासणी करण्यात आली होती. माण, कराड, खंडाळा, फलटण तालुक्‍यांत मातीचा सामू किंचित विम्लधर्मीय दिसत असल्याने धोकादायक परिस्थिती निर्माण होणार आहे. यात माणमध्ये ९६.७१, कऱ्हाडमध्ये ७४.४१, खंडाळामध्ये ९५.१३, फलटण ८६.६८ टक्के नमुन्यांमध्ये किंचित विम्लधर्मीय सामूत वाढ झाल्याचे दिसून येत आहे.
 
जमीन व पिकांचे नियोजन करताना सामू महत्त्वाचा असतो. जमीन आम्लधर्मी, अल्कधर्मी अथवा उदासीन असल्याची कल्पना सामूवरून येते. त्यानुसार आपल्या जमिनीत कोणती पिके व्यवस्थित येऊ शकतील याचा अंदाज बांधणे शक्‍य होते. त्यानुसार पिकांचे व्यवस्थापन केले, तर अपेक्षित उत्पादन मिळण्यास अडचण येत नाही. सेंद्रिय खतांचे विघटन, रासायनिक खताचे विघटन, हवेतील नत्राचे स्थिरीकरण इत्यादी प्रक्रिया या जमिनीचा सामू ६.५ ते ७.५ या दरम्यान असतानाच व्यवस्थित होतात, म्हणूनच जमिनीचा सामू उदासीन राखणे गरजेचे असते. 

 

सातारा तालुक्‍यातील ८१४१ नमुन्यांच्या तपासणीत नत्र व स्फुरदची उपलब्धतता कमी, तर पालाश उलब्धतता मध्यम प्रमाणात असल्याचे स्पष्ट झाले. पाटण तालुक्‍यात ६४४४ नमुन्यांची तपासणी करण्यात आली. यातून नत्राचे प्रमाण कमी, स्फुरदचे प्रमाण अत्यंत कमी झाल्याचे स्पष्ट होत आहे. मात्र पालाशचे प्रमाण या तालुक्‍यात भरपूर आहे.
 
कोरेगाव, खटाव, कराड, वाई, जावली, खंडाळा, फलटण, माण या तालुक्‍यांत मध्यम ते भरपूर प्रमाणात नत्र, स्फुरद, पालाश उपलब्ध असल्याचे अहवालावरून दिसत आहे. एकूण जिल्ह्याचे चित्र पाहता नत्र मध्यम, स्फुरद साधारण ते जास्त व पालाश भरपूर प्रमाणात असल्याचे अहवालातून स्पष्ट होते. जिल्ह्यात ९९.११ टक्के क्षेत्र सर्वसाधारण, ०.७६ टक्के उगवणीस हानीकारक, ०.११ टक्के क्षार संवेदनशील, ०.०२ टक्के नुकसानकारक आहेत. यावरून जिल्ह्यातील जमिनी क्षारपड होण्याचा धोका सध्यातरी कमी आहे.
 

इतर ताज्या घडामोडी
अवर्षणाचा पिकावरील ताण कमी करण्यासाठी...कोरडवाहू शेतीत पीक उत्पादनाच्या दृष्टीने “ओल तसे...
कोल्हापुरात केळी लागवड कमी होण्याची शक्...कोल्हापूर : पुरेशा पाण्याअभावी जिल्ह्यात केळीच्या...
नगरमधील आठ तालुके अद्यापही रब्बी...नगर ः नगर जिल्ह्यामध्ये रब्बीची आतापर्यंत अवघी नऊ...
जनावरांच्या आहारातील क्षारमिश्रणाचे...जनावरांच्या हाडांच्या वाढीसाठी दूध उत्पादनासाठी,...
परभणी जिल्ह्यात हुमणीच्या नुकसानीचा कहरपरभणी ः परभणी जिल्ह्यात उद्‍भवलेल्या दुष्काळी...
बाजार समिती कर्मचारी शासन आस्थापनावर...पुणे  ः राज्यातील बाजार समित्यांमधील...
पुणे विभागात चारापिकांची एक लाख...पुणे   ः जनावरांसाठी चाऱ्याची अडचण येऊ नये...
साताऱ्यात उसावर ‘हुमणी’चा प्रादुर्भावसातारा  ः जिल्ह्यातील विविध पिकांवर ‘हुमणी’...
नगर जिल्ह्यात ३५ हजार हेक्‍टरवरील उसावर...नगर  ः नगर जिल्ह्यात यंदा उसावर ‘हुमणी’चा...
‘पंदेकृवि’तील शिवारफेरीला शेतकऱ्यांचा...अकोला  ः डाॅ. पंजाबराव देशमुख कृषी...
महसूल राज्यमंत्र्यांनी घेतला महागावमधील...महागाव, जि. यवतमाळ  ः दुष्काळग्रस्त भागात...
महाराष्ट्रातील जनताच पंतप्रधान मोदी...शिर्डी, जि. नगर   ः घरकुलाचा लाभ देण्यासाठी...
सरकारने कर्जमाफीत घोटाळा केला : उध्दव...नगर  ः राज्यातील शेतकऱ्यांसाठी कर्जमाफी...
पुण्यात भाजीपाल्याच्या मागणीत वाढ; दरही...पुणे ः गुलटेकडी येथील कृषी उत्पन्न बाजार...
नाशिक जिल्ह्यात सर्वपक्षीय पाणी बचाव...नाशिक  : मराठवाड्यातील जायकवाडी धरणात नाशिक...
इंदापूर बाजार समितीत शेतीमाल तारण योजना...इंदापूर, जि. पुणे  ः महाराष्ट्र राज्य कृषी...
नगर जिल्ह्यात एप्रिलपासून चाराटंचाई...नगर  ः जिल्ह्यात यंदा पाऊस नसल्याचे...
शेतीतील सुधारणांसाठी कृषी विद्यापीठांची...अकोला   ः बदललेल्या परिस्थितीत शेतीतही मोठी...
नगर जिल्हा परिषदेत सरकार विरोधात...नगर  ः जिल्हा परिषदेच्या मालकीच्या...
शेतकऱ्यांच्या मागण्यांबाबत ‘राष्ट्रवादी...अकोला  ः तूर, सोयाबीन, हरभरा या पिकांचा विमा...