agriculture news in marathi,ragistar meeting, vardha, maharashtra | Agrowon

बाजार समितीच्या बैठकीला गैरहजर राहणाऱ्या निबंधकांवर कारवाई : देशमुख
टीम अॅग्रोवन
बुधवार, 28 फेब्रुवारी 2018
वर्धा :  बाजार समितीमध्ये सहायक निबंधक हे पदसिद्ध सदस्य असतात. त्यांनी कृषी उत्पन्न बाजार समितीच्या प्रत्येक बैठकीला उपस्थित राहून शासनाच्या योजनांची व्यवस्थित अंमलबजावणी होते की नाही यावर लक्ष ठेवणे अपेक्षित आहे. मात्र सहायक निबंधक बाजार समितीमधील कोणत्याही बैठकीला हजर राहत नसल्याचे निदर्शनास आले आहे. यापुढे कृषी उत्पन्न बाजार समितीच्या बैठकीला गैरहजर राहणाऱ्या सहायक निबंधकांवर कडक कारवाई केली जाईल, असा इशारा सहकार, पणन व वस्त्रोद्योगमंत्री सुभाष देशमुख यांनी दिला. 
 
हिंगणघाट येथे कृषी उत्पन्न बाजार समितीमधील शेतकरी भवन येथे आयोजित सहायक निबंधक व अधिकाऱ्यांच्या आढावा बैठकीत श्री. देशमुख बोलत होते. या वेळी विभागीय सहनिबंधक प्रवीण वानखेडे, जिल्हा उपनिबंधक अजय कडू उपस्थित होते.
 
या वेळी श्री. देशमुख म्हणाले, की शेतीमाल तारण योजना राबविण्यासाठी कृषी उत्पन्न बाजार समितीला प्रोत्साहित करण्यात यावे. शेतीमालाचे भाव बाजारात पडलेले असताना शेतकऱ्यांना त्याचा फटका बसू नये म्हणून शेतकरी त्यांचा शेतीमाल बाजार समितीमध्ये शेतीमाल तारण योजनेत ठेऊ शकतात.
 
शेतीमालाच्या तत्कालीन बाजारभावाच्या ७५ टक्के रक्कम शेतकऱ्यांना उपलब्ध करून दिली जाते. यथावकाश वाढलेल्या बाजारभावाचा लाभही नंतर शेतकऱ्यांना घेता येऊ शकतो. त्यामुळे या योजनेचा लाभ घेण्यासाठी शेतकऱ्यांना सुद्धा प्रोत्साहित करावे. तूर खरेदी मध्ये येणाऱ्या अडचणी तत्काळ सोडवाव्यात. शेतकऱ्यांच्या नावावर व्यापारी तूर विकणार नाहीत याची खबरदारी घ्यावी. 
 
छत्रपती शिवाजी महाराज शेतकरी सन्मान योजनेंतर्गत त्रुटी असलेल्या शेतकऱ्यांना तत्काळ त्रुटी दूर करण्यासाठी सांगावे. तसेच काही कारणाने ऑनलाईन अर्ज न भरू शकलेल्या शेतकऱ्यांनासुद्धा या योजनेत समाविष्ट करून घेण्यात येणार आहे, अशी माहितीही त्यांनी या वेळी दिली. 
 
अवसायनात निघालेल्या सहकारी संस्था तत्काळ बंद करण्यासाठी कारवाई सुरू करावी. विदर्भातील सहकार क्षेत्र बळकट करण्यासाठी अटल पणन योजना राबविण्यात येणार असून, यामध्ये जुन्या भात गिरण्यांचा समावेश करण्यात येईल. तसेच प्रत्येक गावात एक सोसायटी निर्माण करावी. प्रत्येक शेतकरी अशा सोसायटीचा सभासद असला पाहिजे. सहकार क्षेत्रातील अनुभव संस्था उभी करण्यासाठी उपयोगात आणावा, असे आवाहन त्यांनी केले.

इतर ताज्या घडामोडी
फुलोरा अवस्थेतील द्राक्ष बागेचे...द्राक्ष लागवड विभागात पाऊस झाल्याने बागेच्या...
साताऱ्यात शेवगा प्रतिक्विंटल ५००० ते...सातारा ः येथील कृषी उत्पन्न बाजार समितीत मंगळवारी...
`दुष्काळाबाबत उपाययोजनांसाठी स्वतंत्र...पुणे  ः दुष्काळ आणि योजनांच्या माध्यमातून...
वऱ्हाडात काही ठिकाणी अवकाळी पाऊसअकोला : वऱ्हाडात मंगळवारी (ता.२०) सकाळ पर्यंतच्या...
साताऱ्यातील प्रमुख धरणांत ७१ टक्क्यांवर...सातारा  ः जिल्ह्यातील सर्वत्र प्रमुख...
अमरावती जिल्ह्यात रब्बीचे ५० टक्‍के...अमरावती : जिल्ह्यात सरासरीच्या तुलनेत कमी पाऊस...
मालावी देशातील हापूस पुण्यात दाखलपुणे ः दक्षिण अफ्रिका खंडातील मालावी देशातील...
सोलापुरात सलग दुसऱ्या दिवशी पाऊससोलापूर : सोलापूर जिल्ह्यात ठिकठिकाणी सोमवारी...
नव्या सहकारी संस्थांना भागभांडवल :...नाशिक : सहकार खात्याने नावीन्यपूर्ण सहकारी संस्था...
पुणे जिल्ह्यातील चार तालुक्यांत काही...पुणे ः पुणे जिल्ह्यात दोन दिवसांपासून ढगाळ हवामान...
हिरज येथे रेशीम कोषाची बाजारपेठसोलापूर : राज्यातील रेशीम कोष उत्पादक शेतकरी व...
संगमनेरच्या पश्‍चिम भागाला पाऊस,...संगमनेर, जि. नगर ः तालुक्‍याच्या पश्‍चिम भागात...
कोल्हापुरात ऐन हंगामातच गुऱ्हाळघरे शांतकोल्हापूर  : यंदा गूळ दरात काहीशी वाढ...
दुष्काळ, आरक्षणाच्या मुद्द्यांवर विधान...मुंबई : दुष्काळग्रस्त शेतकऱ्यांना तातडीने मदत...
परिषदेत पहिल्याच दिवशी राज्य सरकारची...मुंबई : विधान परिषदेचे पहिले विरोधी पक्षनेते...
जुन्नर तालुक्यात द्राक्ष बागांवर...नारायणगाव, जि. पुणे : जुन्नर तालुक्‍यातील द्राक्ष...
कर्जमुक्तीसह विविध मागण्यांसाठी...परभणी  : मानवत तालुक्यासह जिल्ह्यातील...
नाशिक जिल्ह्यात ३५०० द्राक्षप्लॉटची...नाशिक  : युरोपियन राष्ट्रांसह रशिया आणि अन्य...
शेतकऱ्यांनो, आत्महत्या करू नका ः आदित्य...बुलडाणा   ः तुम्ही संकटात असताना...
काकडी, दोडका, कारल्याच्या दरात सुधारणापुणे : गुलटेकडी येथील कृषी उत्पन्न बाजार...