agriculture news in marathi,regaional grapes seminar, nashik, maharashtra | Agrowon

‘बनावट निविष्ठा विक्री करणाऱ्यांवर कठोर कारवाई करणार ’
ज्ञानेश उगले
शनिवार, 7 ऑक्टोबर 2017
नाशिक  : बोगस खते, बुरशीनाशके, कीटकनाशके आदी कृषी निविष्ठांची विक्री करणारी व्यक्ती आढळल्यास तत्काळ कृषी विभागाच्या गुणवत्ता नियंत्रण विभागाशी संपर्क साधा. अशा तऱ्हेने बनावट निविष्ठांची विक्री करून शेतकऱ्यांची फसवणूक करणाऱ्यांवर कठोर कायदेशीर कारवाई करू, असे नाशिकचे विभागीय कृषी सहसंचालक दिलीप झेंडे यांनी सांगितले. 
 
नाशिक  : बोगस खते, बुरशीनाशके, कीटकनाशके आदी कृषी निविष्ठांची विक्री करणारी व्यक्ती आढळल्यास तत्काळ कृषी विभागाच्या गुणवत्ता नियंत्रण विभागाशी संपर्क साधा. अशा तऱ्हेने बनावट निविष्ठांची विक्री करून शेतकऱ्यांची फसवणूक करणाऱ्यांवर कठोर कायदेशीर कारवाई करू, असे नाशिकचे विभागीय कृषी सहसंचालक दिलीप झेंडे यांनी सांगितले. 
 
महाराष्ट्र राज्य द्राक्ष बागायतदार संघातर्फे आयोजित विभागीय द्राक्ष चर्चासत्राच्या उद्‌घाटनप्रसंगी ते बोलत होते. यावेळी संघाचे माजी अध्यक्ष अशोक गायकवाड अध्यक्षस्थानी होते. संघाच्या मध्यवर्ती विज्ञान समितीचे अध्यक्ष कैलास भोसले, संघाचे माजी अध्यक्ष बाळासाहेब क्षीरसागर, ऑल इंडिया ग्रेप्स एक्‍स्पोर्टर्स असोसिएशनचे अध्यक्ष जगन्नाथ खापरे, नाशिकचे जिल्हा अधिक्षक कृषी अधिकारी तुकाराम जगताप, राष्ट्रीय द्राक्ष संशोधन केंद्राचे वरिष्ठ शास्त्रज्ञ डॉ. अजय उपाध्याय, डॉ. एस. डी. रामटेके, डॉ. आर. जी. सोमकुंवर उपस्थित होते.
 
श्री. झेंडे म्हणाले की, निविष्ठा घेताना पक्‍क्‍या पावतीसह उत्पादनाची अधिकृत माहिती घ्यावी. प्रत्येक उत्पादनाचा शास्त्रोक्त आधार तपासला पाहिजे. शिफारस नसलेली कृषी रसायने वापरून पिकाचे नुकसान होते. त्या सोबतच वेळ व श्रमाचाही अपव्यय होतो. शास्त्रशुद्ध दृष्टिकोनातूनच शेतीचा विचार करावा. गुणवत्ता, उत्पादन आणि बाजार या संदर्भात चांगले काम करून समतोल राखता येणे शक्‍य आहे. दिवसरात्र कष्ट करणारा शेतकरी प्रामाणिकपणे व व्यावसायिकतेने शेती करतो. मात्र त्यासोबत प्रत्येक टप्प्यात कायदेविषयक साक्षरता आली तर बाजारातील फसवणुकीवर नियंत्रण बसेल.
 

कैलास भोसले म्हणाले की, राज्य द्राक्ष संघाची प्रयोगशाळा अत्याधुनिक तसेच अद्ययावत आहे. खते, पाणी तसेच पर्णदेठ तपासणी आदी कामे सुरू आहेत. संघाच्या माध्यमातून ना नफा ना तोटा या तत्त्वावर उच्च दर्जाच्या जीए, सीपीपीयू, हायड्रोजन सायनामाईड या उत्पादनांचे वितरण होते. शेतकऱ्यांनी त्याचा लाभ घ्यावा. 

द्राक्ष संघाचे माजी अध्यक्ष अशोक गायकवाड म्हणाले, की जागतिक बाजारात भारतीय द्राक्षांचा ब्रॅँड प्रस्थापित होण्यास अतिशय अनुकूल स्थिती आहे. उत्पादन घेताना १०० टक्के गुणवत्तेचा ध्यास घ्या. एकरी उत्पादन घेताना दहा टनांच्या वर जाऊच नका. डिसेंबर ते एप्रिल इतका काढणीचा कालावधी फक्त भारतीय द्राक्षांनाच मिळतो. ही आपली जमेची बाजू आहे. येत्या काळात उत्पादन घेताना वेलीवर सरासरी ३० घड, एका घडात १०० ते दीडशे मणी, फांदीला किमान १२ ते १५ पाने हे सूत्र द्राक्ष उत्पादकांनी लक्षात ठेवावे, असेही त्यांनी सांगितले.
 
यावेळी माणिकराव पाटील यांनी प्रास्ताविक केले. संघाचे सचिव रवींद्र बोराडे यांनी सूत्रसंचालन केले.
 

इतर ताज्या घडामोडी
खेड शिवापूर येथे उभारणार उपबाजार पुणे ः पुणे बाजार समितीमधील वाढलेले व्यवहार आणि...
अकोला जिल्ह्यातील सिंचन प्रकल्प तातडीने...अकोला : सिंचन आणि पिण्याच्या पाण्यासाठी...
कोल्हापूर बाजार समिती करणार बीओटी...कोल्हापूर : कोल्हापूर बाजारसमितीला स्वत: शीतगृह...
बोंडअळीग्रस्त कपाशीचे पंचनामे सुरूपरभणी : जिल्ह्यात यंदाच्या खरीप हंगामात...
विदर्भातील प्रक्रिया उद्योगांसाठी लवकरच...नागपूर : ज्यूस उद्योग तसेच प्रक्रियेकामी उपयोगी...
गुजरातमध्ये भाजपच येणार; राहुल गांधींचा...अधिकृतरित्या राहुल गांधी अध्यक्ष झाल्यामुळे...
भाजपा सरकार आरक्षण विरोधी : धनंजय मुंडेनागपूर : सरकारला मराठा असेल, मुस्लिम असेल, धनगर,...
ड्रोनद्वारे निश्‍चित होणार उजनीवरील...सोलापूर - जिल्ह्याची वरदायिनी असलेल्या उजनी...
शेतकरी संघटनेचे आधारस्तंभ रवी देवांग...धुळे : शरद जोशीप्रणीत शेतकरी संघटनेचे माजी...
बोंड अळी लक्षवेधीवरून विरोधक भडकलेनागपूर : विदर्भ, मराठवाडा आणि खानदेशातील कापूस...
शरद जोशीप्रणीत शेतकरी संघटना रस्त्यावर...शेगाव, जि. बुलडाणा : सध्या देशातील सरकारची धोरणे...
कर्जमाफीच्या मुद्द्यावरून विधान परिषदेत...नागपूर : कर्जमाफीच्या मुद्द्यावरून...
ऋतुमानानुसार अारोग्याची काळजीऋतुनुसार काही आवश्‍यक बदल काही पथ्ये सांभाळावी...
सालीसह फळे खाण्याचे फायदेफळांच्या गरात फायबरचे प्रमाण चांगले असते. ए, बी,...
जंगलाच्या अभ्यासातून शेतीमध्ये सुधारणा...महाराष्ट्रात कोठेही फिरत असता, कोणत्याही...
फुलकिडे, करपा नियंत्रणाकडे लक्ष द्यासध्या रांगडा कांदा व लसूण ही पिके शेतात उभी असून...
कीडनाशक फवारणीचा अाणखी एक बळीअकाेला (प्रतिनिधी) ः कीडनाशकाच्या फवारणीतून...
वऱ्हाडात साडेचार लाख शेतकऱ्यांना...अकोला (प्रतिनिधी) ः शासनाने जाहीर केलेल्या...
सांगलीत कर्जमाफीचे १६५ कोटी वर्गसांगली : छत्रपती शिवाजी महाराज शेतकरी सन्मान...
कापूस उत्पादकांना जागतिक व्यापारात...ब्युनॉर्स अायर्स, अर्जेंटिना : येथे सुरू असलेल्या...