जामनी शिवारात प्रतिबंधित बियाणे जप्त

जामनी शिवारात प्रतिबंधित बियाणे जप्त
जामनी शिवारात प्रतिबंधित बियाणे जप्त

वर्धा ः कपाशीच्या प्रतिबंधित बियाण्यांची लागवड होत असल्याची माहिती मिळाल्यावरून कृषी विभागाने छापेमारी केली. या कारवाईत एचटी बियाण्यांची बारा पाकिटे जप्त करण्यात आली. लागवड करणाऱ्या मजुरांकडूनदेखील खुले दोन किलो बियाणे जप्त करण्यात आल्याची माहिती कृषी विभागाच्या सूत्रांनी दिली. जप्त करण्यात आलेल्या बियाण्यांची किंमत ११ हजार ९६० रुपये असल्याचेही सांगण्यात आले.  जामनी शिवारातील एका शेतात अवैधरीत्या एचटी बियाण्यांची लागवड सुरू असल्याची माहिती कृषी विभागाला मिळाली. त्याआधारे जिल्हा परिषदेच्या कृषी विकास अधिकारी अश्विनी भोपळे, मोहीम अधिकारी संजय बमनोटे, गुण नियंत्रक महेंद्र डेहनकर यांनी घटनास्थळ गाठले. या वेळी एका शेतात सात मजुरांच्या माध्यमातून कापसाच्या प्रतिबंधित बियाण्यांची लागवड सुरू असल्याचे पथकाच्या निदर्शनास आले. जामनी येथील सुधीर देशपांडे यांची हे शेती प्रवीण गुळघाने यांनी करारावर कसण्यासाठी घेतली आहे.  कापूस लागवडीच्या वेळी करारदार प्रवीण गुळघाने तेथे उपस्थित होते. परंतु कारवाईची चाहूल लागताच त्यांनी शेतातून पळ काढला. त्यानंतर कृषी विभागाच्या पथकाने तेथील पोत्यांची तपासणी केली असता, त्यात कापूस बियाण्यांची बारा पाकिटे मिळून आली. त्यासोबतच लागवड करणाऱ्या मजुरांच्या ताब्यातूनदेखील दोन किलो खुले बियाणे जप्त करण्यात आले. जप्त करण्यात आलेले बियाणे प्रयोगशाळेकडे तपासणीसाठी पाठविण्यात आले आहे. या प्रकरणाची पोलिसांकडूनदेखील नोंद घेण्यात आली.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com