सातारा जिल्ह्यात ४६ हजार माती नमुन्यांची तपासणी

माती नमुने तपासणी
माती नमुने तपासणी

सातारा  : मृदा आरोग्य पत्रिका अभियानात गतवर्षी (२०१७-१८) जिल्ह्यातील ८४७ गावांतील शेतकऱ्यांना एक लाख ३७ हजार ९१० जमीन आरोग्य पत्रिकांचे वाटप करण्यात आले होते. जिल्ह्यात गतवर्षी ५६ हजार २३ मृदा नमुने घेण्यात आले. त्यापैकी ४६ हजार ३३२ नमुन्यांची तपासणी करण्यात आली असल्याची माहिती मृद्‌ सर्वेक्षण व मृद्‌ चाचणी प्रयोगशाळेच्या सूत्रांनी दिली आहे.

वाढता रासायनिक खताचा वापर, चुकीचे पीक नियोजन व पाण्याचा अतिरिक्त वापर यामुळे दिवसेंदिवस शेतजमीन नापिक होण्याची भीती निर्माण झाली आहे. पंतप्रधान नरेंद्र मोदी यांनी देशभर मातीची आरोग्य पत्रिका उपलब्ध करून देण्याचा महत्त्वाकांक्षी निर्णय घेतला होता. या अभियानाची सातारा जिल्ह्यात प्रभावी अंमलबजावणी करण्यावर कृषी विभागाने लक्ष केंद्रित केले होते. मृदा सर्वेक्षण व मृद्‌ चाचणी प्रयोगशाळेमार्फत माती नमुने तपासून जमिनीची आरोग्य पत्रिका देण्याचा कार्यक्रम हाती घेण्यात आला होता.

या अभियानांतर्गत २०१७-१८ मध्ये जिल्ह्यातील ८४७ गावात एक लाख ३७ हजार ९१० जमिन आरोग्य पत्रिका वाटप करण्यात आले होते. गतवर्षी जिल्ह्यात ५६ हजार २३ मृद्‌ नमुने घेण्यात असून, ४६ हजार ३३२ मृदा नमुन्यांची तपासणी करण्यात आली आहे.

यामध्ये सर्वाधिक कराड तालुक्‍यातील आठ हजार २९६ नमुने तपासण्यात आले आहे. यानंतर फलटण तालुक्‍यात सात हजार ७७६, खटाव तालुक्‍यात पाच हजार ८००, पाटण तालुक्‍यात पाच हजार ११०, माण तालुक्‍यात चार हजार ७२८, सातारा तालुक्‍यात चार हजार ४३०, वाई तालुक्‍यात तीन हजार ६१२, कोरेगाव तालुक्‍यात तीन हजार १००, खंडाळा तालुक्‍यात दोन हजार १३५, महाबळेश्‍वर तालुक्‍यात एक हजार चार, तर जावळी तालुक्‍यात ३३३ माती नमुने तपासण्यात आले आहेत.

या अभियानातून शेतजमिनीत असलेले घटक, कोणत्या घटकांची कमरतता, जमिनीतील नत्र, स्फुरद व पालाशचे प्रमाण आदी बाबींच्या अनुषंगाने माहिती या आरोग्य पत्रिकेतून मिळणार असल्याने ती शेतकऱ्यांना फायदेशीर ठरणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com