agriculture news in marathi,solar system failure, jalgaon | Agrowon

जळगाव जिल्हा परिषदेत सौरऊर्जा यंत्रणेची देखभाल दुरुस्ती ठप्प
चंद्रकांत जाधव
सोमवार, 9 ऑक्टोबर 2017

जळगाव : जिल्हा परिषदेतील सौरऊर्जा यंत्रणा दुरुस्ती व देखभालीसाठी संबंधित कंपनीचा कालावधी संपल्याने या यंत्रणेची देखभाल थांबली आहे. अशातच सध्या भारनियमनामुळे जिल्हा परिषदेच्या मुख्यालयातील दोन्ही इमारतींमध्ये भारनियमनाचा फटका बसत असल्याने नवीन जनित्र घेतले जावे, अशी मागणी जिल्हा परिषदेच्या सदस्यांनी केली आहे.

जळगाव : जिल्हा परिषदेतील सौरऊर्जा यंत्रणा दुरुस्ती व देखभालीसाठी संबंधित कंपनीचा कालावधी संपल्याने या यंत्रणेची देखभाल थांबली आहे. अशातच सध्या भारनियमनामुळे जिल्हा परिषदेच्या मुख्यालयातील दोन्ही इमारतींमध्ये भारनियमनाचा फटका बसत असल्याने नवीन जनित्र घेतले जावे, अशी मागणी जिल्हा परिषदेच्या सदस्यांनी केली आहे.

महिनाभरापासून जिल्हा परिषदेच्या कामकाजाला दुपारच्या वेळी होणाऱ्या भारनियमनाचा फटका बसतो. दुपारी दोन ते चार यादरम्यान अनेकदा वीजपुरवठा बंद असतो. जिल्हा परिषदेच्या नवीन इमारतीच्या छतावर ८२ लाख रुपये खर्चून सौरऊर्जा यंत्रणा बसविली आहे. या यंत्रणेद्वारे जुन्या इमारतीमधील बाल कल्याण, समाज कल्याण व कृषी सभापतींचे दालन आणि पशुसंवर्धन, कृषी, शिक्षण, वित्त, समाज कल्याण विभागातील विभाग प्रमुखांची दालने, काही प्रमुख कर्मचाऱ्यांचे संगणक यासाठी वीजपुरवठा केला जातो.

पण या यंत्रणेच्या देखभाल, दुरुस्तीसंबंधीचे संबंधित कंपनीकडील कंत्राट संपुष्टात आले आहे. अशातच या यंत्रणेच्या बॅटरी दुरुस्तीचे काम रखडले होते; परंतु कृषी विभागाने विनंती केल्यानंतर संबंधित कंपनीच्या तज्ज्ञांनी किरकोळ दुरुस्ती व बॅटरीचे काम केले. यामुळे वीजपुरवठा काहीसा सुरळीत झाला; पण भारनियमन सुरू असताना सर्वच संगणक, दिवे सौरऊर्जा यंत्रणेवर कार्यरत होत नाहीत.

जिल्हा परिषदेतील जुन्या व नवीन इमारतीमध्ये कामकाजाला भारनियमनाचा फटका बसत असल्याने नवे जनित्र घेतले जावे, अशी मागणी जिल्हा परिषदेतील शिवसेना व राष्ट्रवादी काँग्रेसच्या सदस्यांनी प्रशासनाकडे केली आहे. नवीन इमारतीमध्ये जुने जनित्र आहे. ते व्यवस्थित कार्यरत होत नाही; परंतु प्रशासनाने मात्र सौरऊर्जा यंत्रणा असताना पुन्हा जनित्रावर खर्च कशाला, असा मुद्दा मांडला आहे.

सौरऊर्जा यंत्रणेचे पॅनल, बॅटरी यांची देखभाल, दुरुस्ती यासाठी कर्मचारी नियुक्त करावा, अशा सूचना जिल्हा परिषदेच्या प्रशासनाने कृषी विभागाला दिल्या आहेत; परंतु तसा तज्ज्ञ कर्मचारी कृषी विभागात नसल्याने या कामासाठी आता मानधन तत्त्वावर कर्मचारी नियुक्त करण्याची तयारी कृषी विभाग करीत असल्याची माहिती मिळाली.

इतर ताज्या घडामोडी
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...
रताळे उत्पादनवाढीसाठी ओडिशाचा...पेरू येथील आंतरराष्ट्रीय बटाटा केंद्राच्या...
सिंधुदुर्ग जिल्ह्यात गीर, साहिवाल...पुणे : सिंधुदुर्ग जिल्ह्यात दुग्ध आणि कुक्कुट...
औरंगाबाद जिल्ह्यात ४६९७ क्‍विंटल...औरंगाबाद : हमीभावाअंतर्गत औरंगाबाद जिल्ह्यात मका...
मराठवाड्यातील ५६९ गाव-वाड्यांना टॅंकरऔरंगाबाद : मराठवाड्यातील पाणीटंचाईचा सामना...
तुरीला ५००० पर्यंत दर, देशी वाणांना...जळगाव : खानदेशात तुरीची मळणी अनेक भागात सुरू झाली...
टँकरऐवजी पाइपलाइनने पाणीपुरवठा करा :...नागपूर : अपुऱ्या व अनियमित पावसामुळे जिल्ह्यातील...
दिल्लीतील व्यावसायिकांनी फळबागा...नगर : नगर जिल्ह्यामधील पाथर्डी तालुक्‍यातील तीव्र...
सातारा जिल्ह्यातील धरणांत अल्प साठासातारा : जिल्ह्यातील प्रमुख धरणांत गतवर्षीच्या...
नाशिक जिल्हा बँकेत खडखडाट तरी सचिवांना...नाशिक : एकीकडे सभासदांना पुरेशी रक्कम देण्यास...
कर्जमाफीची प्रक्रिया थंडावल्याने...सोलापूर : शेतमालाचे कोसळलेले दर, कर्जमाफी होऊनही...
योग्य पद्धतीने करा दालचिनी काढणीनोव्हेंबर ते मार्च या कालावधीत दालचिनी काढणीचा...
परभणीत फ्लॅावर प्रतिक्विंटल ४०० ते ७००...परभणी ः येथील जुना मोंढा भागातील फळे भाजीपाला...
भाजपची राष्ट्रीय परिषद ११ जानेवारीपासूननवी दिल्ली ः भारतीय जनता पक्षाच्या राष्ट्रीय...
यंत्रमाग १ तर प्रोसेस, सायझिंगला २...मुंबई  ः महाराष्ट्र राज्याचे वस्त्रोद्योग...
अटी, शर्ती काढल्या तरच कर्जमाफीचा फायदा नगर : सरकारच्या चुकीच्या धोरणामुळे कर्ज झाले आहे...
कर्जासाठी शेतकऱ्याचा बॅंकेसमोर मृत्यू...मुंबई : कर्जाच्या मागणीसाठी शेतकऱ्यांना स्टेट...
ग्रामपंचायतीच्या ८०० सदस्यांचे सदस्यत्व...सोलापूर : निवडणूक निकालानंतर सहा महिन्यांच्या आत...
प्रतापगडावर शिवप्रताप दिन उत्साहातसातारा : ढोल-ताशांचा रोमांचकारी गजर, छत्रपती...