agriculture news in marathi,soyabean seed stock finished,akola, maharashtra | Agrowon

अकोला जिल्ह्यात अनुदानित सोयाबीन बियाणे मिळेना
टीम अॅग्रोवन
शुक्रवार, 29 जून 2018

अकोला जिल्ह्यासाठी महाबीजकडे ३१ हजार क्विंटल सोयाबीन बियाणाची मागणी होती. वास्तवात ३६ हजार क्विंटल बियाणे उपलब्ध करून दिले गेले. सोयाबीन लागवडीकडे कल वाढत असल्याने उपलब्ध करून दिलेले बियाणे संपले अाहे.
-रामचंद्र नाके, विपणन महाव्यवस्थापक, महाबीज, अकोला.

अकोला  ः पाऊस लांबत असल्याने इतर पिकांच्या तुलनेत जिल्ह्यातील शेतकरी सोयाबीन पेरणीला प्राधान्य देत अाहेत. यामुळे महाबीजने हंगामासाठी पुरविलेले अनुदानित सोयाबीन बियाणे पूर्णपणे संपल्याचा दावा केला अाहे. बाजारपेठेत बियाणे नसल्याने अनुदानाचे परमिट मिळालेल्या अनेक शेतकऱ्यांच्या पदरी सध्या निराशा येत अाहे. बियाण्याबाबत बाजारपेठेत अोरड सुरू झाली अाहे.

जिल्ह्यात खरीप हंगामात सोयाबीनची लागवड सुमारे दोन लाख १५ हजार हेक्टरवर होईल, असे नियोजन कृषी विभागाने केले होते. यासाठी महाबीजसह खासगी कंपन्यांकडून बियाणे पुरविण्याबाबत नियोजन करण्यात अाले. महाबीजकडे ३१ हजार क्विंटल सोयाबीन बियाण्याची मागणी करण्यात अाली होती. हंगामात पेरणी क्षेत्र वाढू शकते हे पाहता महाबीजने अाणखी पाच हजार क्विंटलने पुरवठा वाढवित अकोला जिल्ह्यात ३६ हजार क्विंटल बियाणे उपलब्ध करून दिल्याचे सांगितले जाते.    

पाऊस लांबत असल्याने पेरण्यांना विलंब होऊ लागला अाहे. शिवाय गेल्या हंगामात बोंड अळीमुळे झालेल्या नुकसानीचा अनुभव पाहता शेतकरी मोठ्या प्रमाणात सोयाबीन लागवडीकडे वळत अाहेत. परिणामी, बाजारातील महाबीजचे सोयाबीन बियाणे संपले अाहे. ज्यांना ग्रामबीजोत्पादन योजनेअंतर्गत अनुदानित बियाण्यासाठी परमिट देण्यात अाले अशांनी हे परमिट मिळाल्यापासून तीन दिवस किंवा बाजारात बियाणे उपलब्ध झाल्यापासून तीन दिवसांत बियाणे उचलणे गरजेचे असते. परंतु, अनेक शेतकऱ्यांनी या काळात बियाणे उचलले नाही.

परिणामी, बाजारातील सोयाबीन बियाणे संपले अाहे. एेनवेळी अाता बियाणे उपलब्ध करणे शक्य नसल्याने तसेच वाढीव बियाणे साठा उपलब्ध होण्याची कुठलीही शाश्वती नसल्याचे महाबीजच्या अधिकाऱ्याने स्पष्ट केले. शेतकऱ्यांना अाता विनाअनुदानित किमतीचे बियाणे घेणे क्रमप्राप्त झाले अाहे.  बाजारपेठेत विविध कंपन्यांचे सोयाबीन बियाणे प्रति बॅग १९०० रुपयांपेक्षा अधिक दराने विकले जात अाहे. शेतकऱ्यांना हे बियाणे घ्यावे लागत अाहे.
 

इतर ताज्या घडामोडी
सूज, जखमांवर काळी अळू उपयुक्त स्थानिक नाव    : काळी अळू...
खानदेशातील पपई पीक अंतिम टप्प्यातनंदुरबार : पपई दरांमध्ये दर आठवड्याला...
जालन्यात कृषिमाल निर्यात केंद्र सुरू जालना : येथील कृषी उत्पन्न बाजार समितीच्या...
कोल्हापूर जिल्ह्यात ट्रॅक्‍टर, पॉवर...कोल्हापूर/गडहिंग्लज : वर्षभराच्या प्रतीक्षेनंतर...
औरंगाबादेत खरबूज प्रतिक्‍विंटल १००० ते...औरंगाबाद : येथील कृषी उत्पन्न बाजार...
विद्यापीठांपेक्षा शेतकरी संशोधनात...सांगली : सध्या विद्यापीठाच्या तंत्रज्ञानापेक्षा...
कृषी सल्ला : पेरू, गहू, हरभरा, डाळिंब,...पेरू - फळमाशीच्या नियंत्रणासाठी प्रतिएकर ४ रक्षक...
कमाल तापमानात वाढ, उन्हाळी हंगामाला...महाराष्ट्रावर १०१२ हेप्टापास्कल इतका कमी हवेचा...
पलटी नांगर, रोटाव्हेटरचे अनुदान वाढणार...जळगाव : जिल्हा परिषदेच्या आगामी अंदाजपत्रकात (...
ढगाळ वातावरणाचा द्राक्ष खरेदीवर परिणामपांगरी, जि. सोलापूर : गेल्या दोन दिवसांपासून...
जमीन अधिग्रहणाला शेतकऱ्यांचा विरोधनाशिक : नाशिक-पुणे रेल्वे लाईनच्या महाराष्ट्र रेल...
तुमच्या आग्रहापुढे मी नाही कसे म्हणू...टेंभूर्णी, जि. सोलापूर : सोलापूर जिल्ह्यातील...
शिराळ्यातील गूळ हंगाम अवघ्या तीन...सांगली ः शिराळा तालुक्यातील दरवर्षी पाच ते साडे...
आठ दिवसांत पूर्ण एफआरपी द्या; अन्यथा...सातारा ः सांगली, कोल्हापूर जिल्ह्यातील साखर...
अडत्यांवरील कारवाईला प्रशासकांचीच...पुणे ः खरेदीदार आणि शेतकऱ्यांकडून नियमबाह्य...
छावण्यांच्या मंजुरीसाठी शिवसेनेचा ठिय्यानगर : जिल्ह्यात पशुधनाला दिलासा देण्यासाठी...
जालन्यातील कृषी माल निर्यात सुविधा...जालना : येथील कृषी उत्पन्न बाजार समितीच्या...
पैठण तालुक्यातील पिकांना अवकाळीचा फटकाचितेगाव, जि. औरंगाबाद : विजेच्या कडकडाट व वादळी...
परभणी जिल्ह्यातील ‘शेतकरी सन्मान निधी’...परभणी ः पंतप्रधान शेतकरी सन्मान निधी...
पाकिस्तान युद्धाच्या तयारीत,...श्रीनगर : काश्‍मीरमधील पुलवामा येथे दहशतवादी...