agriculture news in marathi,Start of sowing kharif in Pune division | Agrowon

पुणे विभागात खरीप पेरण्यास प्रारंभ
टीम अॅग्रोवन
मंगळवार, 19 जून 2018

पुणे : गेल्या पंधरवड्यात पुणे विभागातील काही भागांत पाऊस झाला आहे. सध्या अनेक भागांत ढगाळ हवामान असून शेतकऱ्यांनी खरीप हंगामातील पेरण्यांना सुरवात केली आहे. विभागातील नगर आणि सोलापूर जिल्ह्यात आतापर्यंत ४२८० हेक्‍टरवर पेरणी झाली असल्याचे कृषी विभागाच्या सूत्रांनी सांगितले

पुणे : गेल्या पंधरवड्यात पुणे विभागातील काही भागांत पाऊस झाला आहे. सध्या अनेक भागांत ढगाळ हवामान असून शेतकऱ्यांनी खरीप हंगामातील पेरण्यांना सुरवात केली आहे. विभागातील नगर आणि सोलापूर जिल्ह्यात आतापर्यंत ४२८० हेक्‍टरवर पेरणी झाली असल्याचे कृषी विभागाच्या सूत्रांनी सांगितले

गेल्या आठवड्यात पावसाचा काही प्रमाणात खंड पडल्याने पुरेसा पाऊस झाल्याशिवाय शेतकऱ्यांनी पेरण्या करू नये, असे आवाहन कृषी विभागाकडून करण्यात आले होते. विभागात काही भागांत उपलब्ध असलेल्या पाण्यामुळे शेतकऱ्यांनी कपाशी लागवड तसेच तूर, मूग, उडीद पिकांची पेरणी करण्यास सुरवात केली आहे. विभागात खरिपातील सरासरी क्षेत्र उसासह एकूण १२ लाख दोन हजार ७० हेक्‍टर आहे. उसाशिवाय एकूण सात लाख ८८ हजार ४८० हेक्‍टर क्षेत्र आहे. त्यापैकी ४२८० हेक्‍टरवर पेरणी झाली आहे.

विभागातील नगर जिल्ह्यात खरिपाचे सरासरी क्षेत्र चार लाख ७८ हजार ६४० हेक्‍टर आहे. त्यापैकी १७७० हेक्‍टरवर पेरणी झाली आहे. जिल्ह्यातील अकोले तालुक्‍यात ७१ हेक्‍टरवर भात रोपांची पुनर्लागवड झालेली आहे. तसेच राहुरी तालुक्‍यामध्ये कापूस पिकाची १७०० हेक्‍टरवर पेरणी झाली आहे.

सध्या खरिपातील पिकांच्या पेरणीसाठी चांगल्या पावसाची आवश्‍यकता आहे. पुणे जिल्ह्यात भात व नाचणी रोपवाटिका तयार करण्यास सुरवात झाली आहे. जिल्ह्यात पेरणीसाठी चांगल्या पावसाची आवश्‍यकता आहे. सोलापूर जिल्हयामध्ये खरिपाचे सरासरी क्षेत्र ७९ हजार २० हेक्‍टर असून त्यापैकी २ हजार ५१० हेक्‍टरवर पेरणी झाली आहे. जिल्ह्यात सरासरी तीन टक्के पेरणी झाली आहे. अक्कलकोट तालुक्‍यात तूर, मूग व उडीद पिकांच्या काही प्रमाणात पेरणीस सुरवात झाली आहे.

शेतकरी पावसाच्या प्रतीक्षेत
 जुन्नरला खरीप हंगामातील पेरणीपूर्व मशागतीची कामे अंतिम टप्प्यात असून, तालुक्यातील शेतकरी पेरणीसाठी चांगल्या पावसाच्या प्रतीक्षेत आहे. आदिवासी भागातील भात मुख्य पीक असून, सुमारे ३५० हेक्टर क्षेत्रापैकी २५० हेक्टर क्षेत्रात रोपवाटिकेत धूळवाफेवर भातरोपे तयार करण्यात आली आहेत. या रोपांना पावसाची आवश्यकता आहे.

पाणी उपलब्ध असलेले शेतकरी पाणी देऊन रोपे वाचविण्यासाठी प्रयत्न करत आहे. भात लागवडीसाठी मात्र मोठ्या पावसाची गरज आहे. कृषी विभागाने जुन्नर मंडलातील केळी, माणकेश्वर, चावंड, खडकुंबे व ओतूर मंडळ विभागांतील तळेरान, खिरेश्वर, कोपरे, मांडवे या गावांतील सुमारे ५० हेक्टर क्षेत्रात भातपीक प्रात्यक्षिक घेतले असून, येथील भात रोपवाटिकांसाठी सहभागी शेतकऱ्यांना भात बियाणे पुरविण्यात आले आहे.

तालुक्यात सुमारे २६० हेक्टर क्षेत्रात सोयाबीनचे पीक प्रात्यक्षिक घेण्यात येणार असून, त्यासाठी शेतकऱ्यांना बियाणे पुरविण्यात आले आहे, असे सहायक तालुका कृषी अधिकारी बापू रोकडे यांनी सांगितले.

इतर ताज्या घडामोडी
किमान तापमानात वाढ, उन्हाळी हंगामास...महाराष्ट्रावर १०१४ हेप्टापास्कल इतका हवेचा दाब...
पुणे विभागात हरभऱ्याची ४९ टक्केच पेरणीपुणे : पावसाळ्यात कमी पावसामुळे जमिनीत पुरेशी ओल...
शाळांमधील ४९८ खोल्या धोकादायकपुणे : जिल्हा परिषदेच्या शिक्षण विभागाने...
मराठवाड्यात रब्बी पिकांची वाढ खुंटलीऔरंगाबाद : पाण्याचा ताण, तापमानातील चढउतार यामुळे...
अमरावतीत तूर, कापसाला मिळेना भावअमरावती : चीनकडून भारतीय सोयाबीनला वाढती...
गुलाब उत्पादकांच्या कष्टाला मिळाले फळ नाशिक : दुष्काळी परिस्थिती, कमी असलेला भाव,...
लोकसभेसाठी माढ्यातून तुल्यबळ उमेदवारकऱ्हाड : लोकसभेसाठी माढा मतदारसंघात भारतीय जनता...
उपोषणासाठी बाजार समित्यांच्या...नाशिक : नियमनमुक्तीमुळे बाजार समित्यांचे...
परभणीतील शेतकऱ्यांचे कोल्हापुरात आंदोलनकोल्हापूर : परभणी जिल्ह्यातील नुकसानग्रस्त...
युवकांच्या सहकारी संस्था स्थापणार :...कऱ्हाड : राज्यातील सहकारी संस्थांचे सभासद हे ६०...
बाजार समित्यांमधील...नाशिक : तेलंगण, तमिळनाडू व कर्नाटकच्या धर्तीवर...
पुलवामातील हल्ल्यात बुलढाणा जिल्ह्याचे...बुलडाणा : पुलवामा येथे झालेल्या अतिरेकी ...
हल्ल्या मागे जे आहेत त्यांना शिक्षा...नवी दिल्ली : जम्मू-काश्‍मीरच्या पुलवामा...
आम्ही विसरणार नाही.. माफही करणार नाही...नवी दिल्ली- जम्मू-काश्‍मीरच्या पुलवामा जिल्ह्यात...
काश्‍मीरमधील शेतकऱ्याला थकबाकीची रक्कम...पुणे : काश्‍मीरमधील शेतकऱ्याला सफरचंदाचे पैसे...
बिबट्याच्या दहशतीखाली चोरट्यांकडून...आंबेठाण, जि. पुणे : शिंदे गाव (ता. खेड) येथे दोन...
‘डिंभे’चे पाणी जोड बोगद्याद्वारे ‘...मुंबई : डिंभे डाव्या तीर कालव्यातील गळती...
विदर्भात आज गारपीट, हलक्या पावसाचा अंदाजपुणे : पोषक हवामानामुळे आज (ता. १४) विदर्भात...
कापसासाठी ‘एमसीएक्‍स’कडून गोदामांची...मुंबई : कापूस उत्पादक शेतकऱ्यांना समृद्ध...
कर्ज देण्याच्या नावाखाली ७३ शेतकऱ्यांची...गोंदिया : कर्ज देण्याच्या नावाखाली ७३...