विखे, क्षीरसागरांना मंत्रीपदे देऊन मुख्यमंत्र्यांचा राजकीय भ्रष्टाचार : चव्हाण

विखे, क्षीरसागरांना मंत्रीपदे देऊन मुख्यमंत्र्यांचा राजकीय भ्रष्टाचार : चव्हाण
विखे, क्षीरसागरांना मंत्रीपदे देऊन मुख्यमंत्र्यांचा राजकीय भ्रष्टाचार : चव्हाण

नाशिक : ‘‘घटना माहीत असूनही त्याविरोधात निर्णय घेऊन पावसाळी अधिवेशनाच्या सुरवातीस राधाकृष्ण विखे-पाटील व जयदत्त क्षीरसागर  यांना मंत्रिपद देऊन मुख्यमंत्री देवेंद्र फडणवीस यांनी राजकीय भ्रष्टाचार केला आहे,’’ असा आरोप माजी मुख्यमंत्री पृथ्वीराज चव्हाण यांनी केला. नाशिकमध्ये एका कार्यक्रमासाठी माजी मुख्यमंत्री पृथ्वीराज चव्हाण आले असता रविवारी (ता.२३) त्यांनी पत्रकारांशी संवाद साधला. या वेळी माजी मंत्री डॉ. शोभा बच्छाव, आमदार डॉ. सुधीर तांबे, जिल्हाध्यक्ष डॉ. तुषार शेवाळे, माजी जिल्हाध्यक्ष राजाराम पानगव्हाणे, शहराध्यक्ष शरद अहेर, नगरसेवक हेमलता पाटील. डॉ. प्रतापराव वाघ आदी उपस्थित होते. यावेळी श्री. चव्हाण म्हणाले, ‘‘मुख्यमंत्र्यांच्या या निर्णयाने माजी पंतप्रधान अटलबिहारी वाजपेयी यांच्या सरकारने पक्षांतरासंदर्भात २००३ मध्ये केलेल्या घटनादुरुस्तीचे उल्लंघन झाले आहे. यासंदर्भात उच्च न्यायालयात याचिका दाखल करण्यात आली आहे. राज्यात कोणतीही अपवादात्मक परिस्थिती नसताना काँग्रेसमधून भाजपवासी झालेले  विखे  व ‘राष्ट्रवादी’तून शिवसेनेत आलेले क्षीरसागर यांना मंत्रिपदे देण्यात आली. त्यांना अशाप्रकारे पक्षांतर करून मंत्रिपदे देणे हा लाच देण्याचा प्रकार आहे. हा राजकीय भ्रष्टाचार स्वतः मुख्यमंत्री देवेंद्र फडणवीस यांनीच केला आहे.’’ 

‘राष्ट्रवादी’सोबत आघाडी निश्चित लोकसभा निवडणुकीत वंचित आघाडीमुळे मते विभागली गेली. त्यामुळे भाजपला आठ जागांचा फायदा झाला. त्यांनी आघाडी केली असती, तर त्यांचे पाच-सहा खासदार झाले असते. विधानसभेत ही मते विभागू नयेत, यासाठी आमची चर्चा सुरू असल्याचेही चव्हाण यांनी सांगितले. विधानसभा निवडणुकांसाठी ‘राष्ट्रवादी’बरोबर आघाडी निश्चित असल्याचे त्यांनी सांगितले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com