agriculture news in marathi,thunderstorm in latur, usmanabad, maharashtra | Agrowon

लातूर, उस्मानाबाद जिल्ह्यात वादळी पावसाचा दणका
टीम अॅग्रोवन
गुरुवार, 4 ऑक्टोबर 2018

पुणे  : कोकण, मध्य महाराष्ट्र आणि मराठवाड्यातील काही भागात वादळी पाऊस पडत आहे. मंगळवारी (ता. २) रात्री उशिरा लातूर जिल्ह्यातील औसा, निलंगा, उस्मानाबाद जिल्ह्यांतील उस्मानाबाद, तुळजापूर तालुक्यांत वादळी पावसाने दणका दिला. जोरदार वाऱ्यांसह झालेल्या पावसामुळे ऊस, केळी बागांना फटका बसला असून, शेतात पाणी साचल्याने सोयाबीन पिकासह इतर खरीप पिकांचे नुकसान झाले. चांदवड (जि. नाशिक) तालुक्यात गारपिटीसह झालेल्या पावसाने द्राक्षे, टोमॅटो, फुलशेतीचे नुकसान झाले. कोकण, मध्य महाराष्ट्र, मराठवाड्यात आज (ता.४) वादळी पावसाचा अंदाज हवामान विभागाने वर्तविला आहे.

पुणे  : कोकण, मध्य महाराष्ट्र आणि मराठवाड्यातील काही भागात वादळी पाऊस पडत आहे. मंगळवारी (ता. २) रात्री उशिरा लातूर जिल्ह्यातील औसा, निलंगा, उस्मानाबाद जिल्ह्यांतील उस्मानाबाद, तुळजापूर तालुक्यांत वादळी पावसाने दणका दिला. जोरदार वाऱ्यांसह झालेल्या पावसामुळे ऊस, केळी बागांना फटका बसला असून, शेतात पाणी साचल्याने सोयाबीन पिकासह इतर खरीप पिकांचे नुकसान झाले. चांदवड (जि. नाशिक) तालुक्यात गारपिटीसह झालेल्या पावसाने द्राक्षे, टोमॅटो, फुलशेतीचे नुकसान झाले. कोकण, मध्य महाराष्ट्र, मराठवाड्यात आज (ता.४) वादळी पावसाचा अंदाज हवामान विभागाने वर्तविला आहे.

उस्मानाबादमधील उस्मानाबाद व तुळजापूर तालुक्यात मंगळवारी रात्री उशिरा जोरदार पाऊस झाला. पाडोळी येथे २४ तासांत ७२ मिलिमीटर पाऊस पडला. वादळी वाऱ्यामुळे ढोकी (ता. उस्मानाबाद) येथे ऊसाचे पीक आडवे झाले. तुळजापूर तालुक्यातील मंगरूळ येथे १३० मिलिमीटर, तुळजापूर ८५ पावसाची नोंद झाली. मंगरुळ (ता. तुळजापूर) परिसरात शेतात पाणी साचल्याने सोयाबीन पिकाचे व केळीच्या बागांचेही नुकसान झाले. पाऊस पडलेल्या भागातील शेतकऱ्यांच्या रब्बीच्या आशा पल्लवित झाल्या आहेत.

नाशिक जिल्ह्यातील चांदवड तालुक्यातील देवरगाव परिसरात वादळी वारा आणि त्यानंतर अर्धा तास गारांचा पाऊस झाला. या पावसाने छाटणी झालेल्या द्राक्षबागांसह, टोमॅटो व फुलशेतीचे नुकसान झाले असल्याचे शेतकऱ्यांनी सांगितले. नाशिकसह मध्य महाराष्ट्रातील नगर, पुणे, सोलापूर, सातारा, सांगली कोल्हापूरमध्ये पावसाने हजेरी लावली. कोकणातही तुरळक ठिकाणी मध्यम स्वरुपाचा पाऊस पडला. वादळी पावसाने दणका दिला असताना राज्याच्या तापमानाही वाढ झाली आहे. बुधवारी सकाळपर्यंतच्या २४ तासांमध्ये जळगाव, सोलापूर येथे ३७ अंश सेल्सिअस तापमानाची नोंद झाल्याचे पुणे वेधशाळेतर्फे सांगण्यात आले.

बुधवारी (ता. २) राज्याच्या विविध भागांत पडलेला पाऊस, मिलिमीटरमध्ये (स्त्रोत - कृषी विभाग) : कोकण : मार्गताम्हाणे २०, कळकवणे ३०, दाभील २८, धामनंद ४२, फणसावणे ४२, मदुरा २७, वैभववाडी २५.   
मध्य महाराष्ट्र : उमराळे ११, घोटी २९, धारगाव २८, पेठ ३४, जोगमोडी १३, वडाळी १०, त्र्यंबकेश्‍वर १४, वेळुंजे १६, पारनेर १८, सुपा १६, कोळेगाव १६, खर्डा १०, शेंडी १०, कोतूळ ५०, माले १०, मुठे १६, बेल्हा १६, उपळाई १३, गौडगाव ३९, भेडसगाव २१, करकंब २२, पटवर्धन कुरोली ३२, इस्लामपूर १०, वेळापूर १२, अपशिंगे १०, केळघर १४, हेळवाक १५, तारळे २५, किन्हई २५, खटाव २०, महाबळेश्‍वर १२, तापोळा १४, लामज १८, मालगाव ४२, विटा ३७, कडेगाव १०, शिराेळ १७, जयसिंगपूर ११, नेसरी २०, गारगोटी १०, पिंपळगाव २३, कडेगाव १५, कराडवाडी १२, गवसे ३६, चंदगड १७, नारंगवाडी १३, कोवाड २७, हेरे ८५.
मराठवाडा : औसा ५५, लामजना ३२, मातोळा ४८, भादा २१०, किनी २०, निलंगा ५८, पानचिंचोली २१, नळेगाव ३६, उस्मानाबाद शहर ५१, बेंबळी ४१, पाडोळी ७२, कासेगाव ३३, ढोकी २५, तेर २३, तुळजापूर ८५, सालगारा १७, सावरगाव ३१, मंगरूळ १३०, लोहारा २०, माकणी २८, वाशी १५.

आकडेवारीतील घोळ कायम
औसा (जि. लातूर) तालुक्यातील भादा येथे बुधवारी (ता. ३) सकाळपर्यंतच्या २४ तासांमध्ये अतिवृष्टी होत तब्बल २१० मिलिमीटर पावसाची नोंद झाल्याचे कृषी विभागातर्फे सांगण्यात आले. मात्र लातूर जिल्हाधिकारी कार्यालयातर्फे भादा येथे ६८ मिलिमीटर पाऊस झाल्याचे स्पष्ट करण्यात आले. त्यामुळे कृषी विभागाकडून मंडलनिहाय प्रसिद्ध केल्या जाणाऱ्या पावसाच्या आकडेवारीतील घोळ अद्यापही कायम असल्याचे दिसून येत आहे.
 
राज्याच्या उत्तर भागातून माॅन्सून परतला
नैॡत्य मोसमी वाऱ्यांचा (मॉन्सून) परतीचा प्रवास सुरू असून, बुधवारी (ता.३) मॉन्सूनने राज्याच्या उत्तरेकडील काही भागांतून माघार घेतली आहे. उत्तर महाराष्ट्रातील, नंदुरबार, धुळे, जळगाव, तर विदर्भातील गोंदियापर्यंतच्या भागांतून माॅन्सून परतला असल्याचे जाहीर करण्यात आले आहे. अरबी समुद्रामध्ये शुक्रवारपर्यंत (ता. ५) कमी दाबाचे क्षेत्र तयार होणार असून, तीव्रता वाढून त्याचे ‘चक्रीवादळात’ रूपांतर होण्याचे संकेतही हवामान विभागाने दिले आहेत.

इतर ताज्या घडामोडी
`जलयुक्त`ची कामे गतीने पूर्ण करा : डवलेबुलडाणा : जलयुक्‍त शिवार अभियानातंर्गत भूजल...
नगर जिल्ह्यात सव्वाचार लाख हेक्‍टर...नगर ः नगर जिल्ह्यामध्ये रब्बीच्या सरासरी...
सांगलीतील मध्यम, लघू प्रकल्पांत २३...सांगली ः जिल्ह्यातील ८४ मध्यम आणि लघू प्रकल्पांत...
नगर जिल्हा परिषदेत दलालांचा सुळसुळाटनगर ः जिल्हा परिषदेत आता पहिल्यासारखी स्थिती नाही...
सोलापुरात वांगी, ढोबळी मिरची, कोबी दरात...सोलापूर ः सोलापूर कृषी उत्पन्न बाजार समितीच्या...
रेशीम शेतकऱ्यांना सरकारचे अर्थसाह्य :...नागपूर : नव्याने रेशीम शेतीकडे वळणाऱ्या...
नाशिक जिल्हा बॅँकेच्या संचालकांच्या...नाशिक : आर्थिक अडचणीत सापडलेल्या जिल्हा मध्यवर्ती...
सोलापुरातील रस्त्याचे काम शेतकऱ्यांनी...सोलापूर : सोलापूर-विजापूर राष्ट्रीय...
योग्य वेळी करा मिरीची काढणीमिरी घोसामधील एक ते दोन मणी पिवळे अगर नारंगी...
नाशिकला वांगी, घेवडा, आले दर तेजीतनाशिक : गत सप्ताहात नाशिक बाजार समितीत बहुतांश...
बियांद्वारे मिळवता येतील भाताचे ‘क्लोन’ बियांद्वारे मिळवता येतील भाताचे ‘क्लोन’...
प्रथिनांद्वारे मिळवता येईल अधिक टिकाऊ...निसर्गातील कोळ्याच्या धाग्यापासून प्रेरणा घेत चीन...
ऊसतोडणी कामगारांच्या गावांत दुष्काळी...नगर ः जनावरे जगवण्यासाठी आणि रोजगाराच्या शोधात...
नामपूरात शेतमालाला दर, कर्जमाफीसाठी...नामपूर, जि. नाशिक : कांदा पिकासह शेतमालाचे...
वजनकाट्यात घोळ करणाऱ्यांनी लाज बाळगावीमाळेगाव, जि. पुणे ः ‘माळेगाव साखर कारखान्याचे...
कोल्हापूर जिल्ह्यास ३०० एकर तुती...कोल्हापूर : महारेशीम अभियानांतर्गत कोल्हापूर...
हमीभावाने साडेदहा हजार क्विंटल शेतीमाल...नांदेड ः नांदेड, परभणी, हिंगोली जिल्ह्यांमध्ये...
पुणे बाजारात भाजीपाल्यांचे दर स्थिर;...पुणे ः गुलटेकडी येथील कृषी उत्पन्न बाजार...
केळी सल्लाकेळी पिकाची उत्तम वाढ व उत्पादनासाठी सरासरी किमान...
करडईवरील मावा किडीचे नियंत्रणकरडई हे रब्बी हंगामातील प्रमुख तेलबियापैकी...