agriculture news in marathi,water scarisity in saline strap, akola, maharashtra | Agrowon

अकोल्यातील खारपाणपट्ट्यात तीव्र पाणीटंचाई
टीम अॅग्रोवन
शुक्रवार, 6 एप्रिल 2018
अकोला   आधीच खारपाणपट्टा असल्याने नागरिकांना विविध समस्यांना सामोरे जावे लागते. त्यात या वर्षी कमी पाऊस झाल्याने पाणीटंचाई मोठ्या प्रमाणात वाढली आहे. अकोला तालुक्‍यातील खारपाण पट्ट्यात असलेल्या गावांमध्ये डिसेंबर महिन्यापासूनच पाणीटंचाई जाणवत आहे. ही पाणीटंचाई लोकांसाठी परीक्षा घेणारी ठरत आहे.
   
अकोला   आधीच खारपाणपट्टा असल्याने नागरिकांना विविध समस्यांना सामोरे जावे लागते. त्यात या वर्षी कमी पाऊस झाल्याने पाणीटंचाई मोठ्या प्रमाणात वाढली आहे. अकोला तालुक्‍यातील खारपाण पट्ट्यात असलेल्या गावांमध्ये डिसेंबर महिन्यापासूनच पाणीटंचाई जाणवत आहे. ही पाणीटंचाई लोकांसाठी परीक्षा घेणारी ठरत आहे.
   
अकोला तालुक्‍यात असलेल्या गांधीग्राम, गोपालखेड, निराट, वैराट, राजापूर, धामना, बोरगाव, दुधाळा, मांडाला, गोत्रा, पाळोदी, आगर, लोणाग्रा, सांगवी बुद्रुक, सांगवी खुर्द, फरामर्दाबाद, वल्लभनगर, हिंगणा-तामसवाडी, निंभोरा, कासली, म्हातोडी, घुसर, आपातापा या खारपाणपट्ट्यातील गावात पिण्याच्या पाण्याची नेहमीच समस्या असते.
 
या गावांमध्ये कुठेही बोअरवेल किंवा विहीर खोदल्यास गोडे पाणी लागत नाही. सर्वत्र खारे पाणी लागते. त्यामुळे बाहेरून पाणी आणणे हाच एक पर्याय शिल्लक आहे. पाणीपुरवठा योजनांद्वारे पाणी द्यावे लागते. काही गावांना उन्हाळ्यात केवळ टॅंकरचा आधार असतो. उपरोक्त गावांपैकी बऱ्याच ठिकाणी सध्या टॅंकरने पाणीपुरवठा होत आहे. मात्र टॅंकरद्वारे दिले जाणारे पाणी पुरेसे नसते. यामुळे तासन्‌तास प्रतीक्षा केल्यानंतर अत्यल्प पाणी ग्रामस्थांना मिळते.
 
या गावांना वारी हनुमान येथील प्रकल्पातून पाणी देण्याची मागणी वर्षानुवर्षे प्रलंबित राहिलेली आहे. काही गावांपर्यंत पाइपलाइनचे काम झाले. परंतु, ‘वारी हनुमान’चे पाणी अद्यापही मिळू शकलेले नाही. या गावांसाठी पाण्याचा मुख्य स्रोत पूर्णा नदी आहे. काही वर्षांपर्यंत ही नदी बारमाही वाहत होती. परंतु, पावसाचे प्रमाण कमी झाल्याने नदी दिवाळीनंतर  आटली. पावसाळ्यात पडणारे पाणी कुठलेही बंधारे, बॅरेज नसल्याने तसेच वाहून जाते. 
 
पूर्णा नदी ही केवळ पाण्याचाच स्रोत नव्हती, तर अनेकांच्या रोजगाराचा आधारस्तंभ होती. मासेमारी करणारी असंख्य कुटुंबे यावर उदरनिर्वाह चालवीत. पण नदी आटल्याने मासेमारी बंद झाली. नदी पात्रात घेतली जाणारी टरबूज, खरबूज ही उन्हाळी फळपिके लयाला गेली आहेत.
 
खारपाण पट्ट्यातील या गावांना कायमस्वरूपी पाण्याची सोय होण्याच्या उद्देशाने नेर-धामणा बॅरेज महत्त्वाचे ठरणार आहे. हे काम पूर्ण झाल्यानंतर नागरिकांना जलस्रोतासाठी मोठा आधार मिळेल. सिंचनासाठी पाणी मिळेल. त्यामुळे या कामाला गती देण्याची मागणी केली जात आहे.

इतर ताज्या घडामोडी
हरभरा चुकाऱ्यासाठी शेतकऱ्यांचा पोलिस...बुलडाणा : गेल्या वर्षात हमीभावाने विक्री केलेल्या...
कमाल, किमान तापमानात चढउतारमहाराष्ट्रावर १०१२ हेप्टापास्कल इतका हवेचा दाब...
सोलापुरात गाजर, काकडीला उठावसोलापूर ः सोलापूर कृषी उत्पन्न बाजार समितीच्या...
हवामान बदलाशी सुसंगत उपाययोजनांचा शोध...सध्या हवामान बदलाचा परिणाम शेतीवर दुष्काळ, गारपीट...
सोलापूर जिल्ह्यात आठ ग्रामपंचायतींची...सोलापूर : लोकसभेच्या आधी जिल्ह्यातील आठ...
पीकविम्याचा योग्य मोबदला द्यावा : ‘...अकोला : संग्रामपूर तालुक्यात भीषण दुष्काळी...
नांदेड जिल्ह्यात पिकांना गारपिटीचा तडाखाकिनवट, जि. नांदेड : नांदेड जिल्ह्यातील बोधडी बु (...
शिवसेनेच्या २१ उमेदवारांची घोषणा,...मुंबई : आगामी लोकसभा निवडणुकीसाठी...
आनंदी देशांच्या यादीत भारताचे स्थान...न्यूयॉर्क : देशातील आनंदाला ओहोटी लागल्याचे...
केळी पीक सल्लाउन्हाळ्यात अधिक तापमान, तीव्र सूर्य प्रकाश, वादळी...
बॅंक कर्मचाऱ्याच्या दक्षतेमुळे मोदी...लंडन : पंजाब नॅशनल बॅंकेची हजारो कोटींची फसवणूक...
गुलाबी बोंड अळी नियंत्रणासाठी फरदड;...केंद्रीय कापूस संशोधन संस्था, नागपूरद्वारे तयार...
नाशिक जिल्हा बँकेने रेणुकादेवी संस्थेचा...नाशिक : जिल्हा सहकारी बँकेच्या संचालक मंडळासमोर...
शेतकऱ्यांचा 'वसाका' प्रशासनाला घेरावनाशिक  : देवळा तालुक्यातील वसंतदादा सहकारी...
मीटर रीडिंगची पूर्वसूचना संदेशाद्वारे...सोलापूर  : ग्राहकांची गैरसोय होऊ नये, मीटर...
दिव्यांग मतदारांना सुविधा द्या :डॉ....सोलापूर : दिव्यांग मतदारांना मतदान करण्यासाठी...
कोल्हापुरात २३०० हेक्टरवर उन्हाळी पेरणीकोल्हापूर  : जिल्ह्यात उन्हाळी हंगामाची...
जळगावात गवारीला प्रतिक्विंटल ७५०० रुपयेजळगाव : कृषी उत्पन्न बाजार समितीमध्ये गुरुवारी (...
नंदुरबार जिल्ह्यात पाणीटंचाई गंभीरनंदुरबार  : जिल्ह्यातील पाणीटंचाई वाढत आहे....
पुणे विभागात ४१५ टॅंकरने पाणीपुरवठापुणे : विभागात पाणीटंचाईच्या झळा दिवसेंदिवस तीव्र...