agriculture news in marathi,water storage, sangli,maharashtra | Agrowon

टायर बंधाऱ्यात एक कोटी लिटर पाणीसाठा
अभिजित डाके
शुक्रवार, 20 ऑक्टोबर 2017

पेठ येथे टायर बंधारा बांधल्याने सुमारे १ कोटी लिटर पाणीसाठा झाला आहे. पुढील टप्प्यात याच ठिकाणी आणखी एक बंधारा बांधण्याचे नियोजन केले आहे. पाण्याची क्षमता वाढविण्यासाठी नदीपात्राची खोली वाढविणार आहे. यामुळे अधिक पाणीसाठा होण्यास याची मदत होईल.
- संपतराव पवार, सांगली.

सांगली  ः डॉ. विकास आमटे यांनी आनंदवनात बांधलेला टायर बंधारा हा कमी खर्चात आणि टाकाऊपासून टिकाऊ या संकल्पनेतून बांधण्यात आला आहे. हीच संकल्पना घेत संपतराव पवार आणि परिसरातील लोकांनी एकत्र येऊन पेठ (ता. वाळवा) येथील तिळगंगा नदीवर टायरचा बंधारा बांधला. या बंधाऱ्यात सुमारे १ कोटी लिटर पाणीसाठा झाला आहे. यामुळे पेठ गावातील सुमारे १५ हजार हेक्‍टर क्षेत्र ओलिताखाली येणार आहे. यामुळे शेतीच्या पाण्याचा प्रश्‍न मार्गी लागला आहे.

पेठ तालुक्‍यात टंचाईमुळे शेतीच्या पाण्याचा प्रश्‍न कायम होता. हा बंधारा बांधण्यासाठी जिल्हा प्रशासन आणि पेठ गावातील ग्रामस्थांनी पुढाकार घेतला. तिळगंगा नदी शिराळा तालुक्‍यात उगम पावते. १८ गावांना या नदीचा लाभ होतो.

या नदीच्या पाण्यावर सुमारे २० हजार हेक्‍टर क्षेत्र ओलिताखाली येणार आहे. यामुळे या भागातील पाण्याचा प्रश्‍न कायमचा मिटणार आहे. हा बंधारा २४ मीटर लांब आणि दीड मीटर उंचीचा आहे. वाळवा तालुक्‍यात परतीच्या पावसाने हा बंधारा तुडूंब भरून वाहू लागला आहे. या कामासाठी डॉ. आमटे यांच्या महारोगी सेवा समितीने ४ लाख ४१ हजार रुपये दिले आहेत. गावातील लोकसहभागातून सुमारे १ लाख ३० हजार वगर्णी जमा केली आहे.

तिळगंगा नदीवर बांधलेल्या टायर बंधाऱ्यात १ कोटी पाण्याची साठवण झाली आहे. सध्याच्या पावसाने नदीकाठी असणाऱ्या विहिरी आणि कूपनलिकांमधील पाणीपातळी वाढली आहे. त्यामुळे शेतकऱ्यांना हंगामी पिके घेण्यास याचा उपयोग होणार आहे. शेतकऱ्यांना वर्षभर पाणी पुरावे यासाठी पाणी साठवण क्षमता वाढविण्याकरिता खोदाई केली जाणार आहे. यासाठी महाविद्यालयातील एनएसएसच्या विद्यार्थ्यांची श्रमदानाकरिता मदत घेण्यात येणार आहे.
 

इतर ताज्या घडामोडी
शिवकुमार स्वामी यांचे १११व्या वर्षी...बंगळूर : तुमकुरू येथील सिद्धगंगा मठाचे प्रमुख,...
आयटीसीचे ‘ई चौपाल’ आता येणार मोबाईलवरग्रामीण भागाला डिजिटल करण्याच्या उद्देशाने दोन...
पुण्यात भाजीपाल्याची आवक कमी; दर स्थिरपुणेः गुलटेकडी येथील कृषी उत्पन्न बाजार...
...तर भविष्यात निवडणुका होणारच नाहीत :...कासेगाव, जि. सांगली : देशाचे पंतप्रधान नरेंद्र...
नाशिक जिल्ह्यात पाण्यासाठी गावे पाहतात...येवला, जि. नाशिक : यंदा दुष्काळाच्या माहेरघरांसह...
द्राक्ष उत्पादकांची फसवणूक टाळण्यासाठी...सांगली ः  दादा... द्राक्षांची विक्री करताना...
पंजाब गारठलेले; काश्‍मीरला दिलासाश्रीनगर/चंडीगड : पंजाब आणि हरियानातील...
शेवगाव, वैजू बाभूळगाव येथे लोकसहभागातून...नगर   ः दुष्काळाने होरपळ सुरू असताना...
पुरस्कारप्राप्त शेतकऱ्यांनी आपले ज्ञान...बारामती, जि. पुणे  ः ज्याप्रमाणे...
पुणे विभागात ४२६२ शेततळ्यांची कामे पूर्णपुणे  ः दुष्काळी स्थितीत फळबागा, पिकांसाठी...
फसव्या भाजप सरकारला हद्दपार करा ः धनंजय...वरवट बकाल, जि. बुलडाणा   ः भाजप सरकारने...
कृषिक प्रदर्शनाला दिली दोन लाखांवर...बारामती, जि. पुणे  ः गेल्या चार दिवसांत दोन...
सरकारचे अपयश लोकांसमोर प्रभावीपणे...नगर   ः सरकार कामे करण्यापेक्षा घोषणा...
रस्ते विकासासाठी ३० हजार कोटींचा निधी...कोल्हापूर  : राज्यात रस्ते विकासाचा भरीव...
प्रकाश संश्लेषणातून जीएम भात उत्पादनात...भात पिकामध्ये होणारी प्रकाश संश्लेषणाची क्रिया...
मराठवाड्यातील पाणीसाठे तळालाऔरंगाबाद : मराठवाड्यातील दुष्काळाचं संकट...
अकोल्यात आंतरविद्यापीठ कर्मचारी क्रीडा...अकोला ः सुवर्ण जयंती क्रीडा महोत्सवातंर्गत येथे...
‘कर्जाची वरात मुख्यमंत्र्यांच्या दारात...नागपूर  ः शेतकऱ्यांचा सात-बारा उतारा सरसकट...
`सेवाकर प्रश्न मिटेपर्यंत सांगलीत...सांगली   : मुंबईत भाजप कार्यालयातील...
पुणे जिल्ह्यात गव्हाचे क्षेत्र ४१ हजार...पुणे  ः जमिनीत ओल नसल्याने यंदा रब्बी...